Mateo 14:1 - Katɔti Ɔku Kedee

¹ Lebo lɛmmɔ kemmo ni, Herode ɔni mɔɔdi lɛga na Galilea únu Yesu lɛlɔ litemi.

Mateo 14:1 Referans Kwoze

Luka 3:1

Na lɛkwa leevu-lɛlɔndi lɛni na Ɔga Unengudi Kaesare Tiberio ɔɔdi lɛga ni, Kenye Udiene Yohane ɔni ndi Sakaria ubidi ɔ́kɛ linyesia lɛdi ɔ́siku Katɔti kudɔ uwi ɔni na uli ketele kemmo. Na Pontio Pilato ɔɔtɔnku aban na Yudea kalɔ lɛlɔ. Na Herode ɔɔdi Galilea kalɔ lɛlɔ. Na uwi ɔmmɔ kani kemmo ni, Herode ɔnwani Ƒilipo lɛnɔ ɔɔdi kalɔ kani baalɔ Iturea ku Trakoniti kalɛkɛ lɛlɔ. Na Lɛlɔ Ɔdine Lisania lɛnɔ ɔɔdi Abilene kalɔ lɛlɔ. Na uwi ɔmɛni kemmo ni, Hana ku Kaiaƒa badi Katɔti bakpane benengudi.

Batalane Kabla 4:27

Ɔdi litemi geen ka Herode ku Pontio Pilato ku Israelƒuɔ ku bani naaadi Israelƒuɔ básala lɛlɔ na ɔma ɔmɛni kemmo, na báta bénye ƒ'ubidi Yesu ɔni ndi Ukyuli Ɔƒunadi Kedee ɔmmɔ lɛlɔ.

Marko 8:15

Amu na Yesu ɔ́su-ma ɔnini, “Binye kagyumana na bɛnu kaduɛ na Ɔga Herode ku Ƒarisiƒuɔ bɔnyii bɔni na baakya bodobodo kemmo na uuƒu lɛlɔ.”

Luka 23:15

Na Herode lɛnɔ útanu lɛla likpidi lɛdi na nwuna lɛlɔ, ɔsika ɔ́sɔku-nwu úmene-bu. Ukyuli ɔmɛni útabla lɛla lɛni na bɔdu-nwu kukpi kɔtɔ.

Batalane Kabla 12:1

Amu na uwi ɔmmɔ kemmo ni, Ɔga Herode úƒie baƒɔtaadine badi kalɛ na ɔdu-ma.

Luka 3:19

Na ka aban lɛga ɔdine Herode úƒie ɔnwani ulekudi ɔni baalɔ Herodia ɔ́ƒɔ ku udunkpi ala bamba pii ani na ɔ́bla ɔsu ni, Yohane ɔ́dɔnku-nwu.

Mateo 9:26

Litemi lɛmɛni lígyingya na kalɔ kammɔ lɛlɔ kesi kesii.

Mateo 9:31

Nsu ka bási mmɔ ni, bébo litemi lɛmɛni kudu na kalɛkɛ kammɔ lɛlɔ ƒui ɔ́si Yesu lɛlɔ.

Mateo 13:58

Na ka bátaƒɔ Yesu bátadi ɔsu ni, útabla akɔla budie taatina pii na Nasaret.

Luka 8:3

Uleku ɔbambadi lɛnɔ ɔkya-ma akɔ ɔni baalɔ banii Yohana na ɔgyani baalɔ Kusa na útaabla kabla na Ɔga Herode litemi katɛkɔ aani ɔkutine unengu ɔdi kalɛ. Beleku bamba pii ku ɔni baalɔ Susana lɛnɔ básiaku Yesu na béteeti bana akɛla teebunku anwu ku nwuna batɛyane.

Batalane Kabla 13:1

Na Antiokia ni, Blɔti kenye bediene ku ala batinane badi bakya baƒɔtaadine lɛkpa lɛmmɔ kemmo. Na ama ndi Barnaba ku Simeon ɔni bátaalɔ Ukyuli Otondi ku Lukio ɔni nási Kirene ku Manaen ɔni ndi Ɔga Herode ɔvinkpana ɔ́si lɛnamu uwi ku Saulo.