Mateo 13:8 - Katɔti Ɔku Kedee

⁸ Na edula ammɔ adi éwi kalɔ kabuni lɛlɔ na ánwu ebi. Adi ánwu ebi eti anyɔ. Adi lɛnɔ ánwu liti ku leevu, na adi lɛnɔ ánwu avlaatɛ.”

Mateo 13:8 Referans Kwoze

Luka 8:15

Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.

Mateo 13:23

Na edula ani néwi kalɔ kabuni ndi bekyuli bani muunú litemi lɛmmɔ na beenú-ni kalɔ. Na ebi adi aanwu eti anyɔ, adi liti ku leevu, na adi lɛnɔ avlaatɛ.”

Yohane 15:8

Na si bɛ́nwu ebi pii ni, ɔmɛni ɔɔyá na bekyuli baakɔliku mina Ɔti lɛnyi katɔ. Na ɔmmɔ ɔɔtina lɛnɔ ka bɛdi mina batɛyane.

Ala Kalɔ Buse 26:12

Ka edula ɔkyawi údu ni, Isak ɔ́kya edula. Na ka údu ana ɔƒɛwi ni, ɔ́ƒɛ edula liti liti ɔsia kama, ɔsika Katɔti úte-nwu kusɛ kusɛ na ɔ́ya na edula ádia-nwu geen.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Romaƒuɔ 7:18

Na ngyi ka na mina lɛlɔ kemmo ni, lɛla lɛbuni lɛdi biala liiibo. Na mɔɔsu ɔmɛni taasiku mina ɔlɔna udu ɔkukudi ɔmmɔ lɛlɔ. Ɔsika mɔɔyɔ́ geen ka nka lɛbla lɛbuni, nsu naaakana-ni bɔbla.

Mateo 13:7

Edula ammɔ adi lɛnɔ éwi liyu livo akɔ. Na ka ákwɛ ni, alakpi ammɔ átu ébi-nya lɛlɔ ƒui.

Marko 4:8

Na adi álɛ ébo kalɔ kabuni lɛlɔ. Na ákwɛ, na ádia, na áma bebi. Na adi ánwu ebi liti ku leevu, na adi lɛnɔ ánwu ebi eti anyɔ.”

Marko 4:20

“Na bekyuli badi lɛnɔ bénu Katɔti litemi aani egyiibi ani nálɛ ébo kalɔ kabuni lɛlɔ. Bekyuli bammɔ báƒɔ-ni ku kayi kemmo ƒui. Na uwi ndi uwi ni, baalɛ́ lili na baanwu kɔyu kemmo ebi. Badi bese aani edula ani nánwu ebi avlaatɛ, iye liti ku leevu, iye eti anyɔ.”

Luka 8:8

Na akladi anya álɛ ébo kalɔ buni lɛlɔ. Na ka ákwɛ ni, ánwu ebi eti anyɔ anyɔ.” Amu na Yesu ɔ́su-ma ɔnini, “Bibimi atu, na binu kaduɛ!”