Mateo 13:46 - Katɔti Ɔku Kedee

⁴⁶ Na ka útákɛ kɔni ntulo ana ƒui ni, úti ala ani ƒui nse-nwu úye na útéye kɔsɛɛ kebi kammɔ.

Mateo 13:46 Referans Kwoze

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Koloseƒuɔ 2:3

Kristo ɔmmɔ kemmo na Katɔti úti nwuna lɛlati ku lɛnunda ƒui ɔ́bɛla ɔ́kya.

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Mateo 13:44

“Katɔti lɛga bɔdi bɔ́ƒɔ kuye aani lɛlakɛ libendi lɛdi. Uwi ɔdi kemmo ni, ukyuli ɔdi útákɛ lɛlakɛ lɛdi na béti bábala na kemo kadi. Mmɔ na ɔ́sɔku ala úbi lɛlakɛ lɛmmɔ lɛlɔ. Na ana kubiti ɔsu ni, úsie útéti nwuna ala ani ƒui na úbo úye, na únwini úsie útéye kemo kammɔ.”

Yesaia 33:6

Awɔ ndi kowodu kalɔ ɔka ɔni lɛlɔ na bunye ɔmwi. Ɔsika aaƒɔ́-bu ngba uwi biala na eete-bu lɛnunda ku lɛlati. Na lɛla bamba biala lɛ́sɔ lítaƒɔ-bu kuye lítetulo ka butaadi ƒula litemi lɛlɔ.

Agba 2:4

na aawia-nya aani kalɛ baawia sika ɔƒualadi na asia-nya kama aani akɛla abɛladi ni,

Budie Taatina 21:21

Kɔyakun leevu-inyɔ kɔmmɔ kɔdi aseebi leevu-anyɔ ani náƒɔ kuye geen, na ɔdi biala ɔdi liseebi libendi linwi. Na ɔma ɔmmɔ ɔblɔnu ɔdi sika ugyiedi ɔni na akana na anu avinku-nwu kemmo aani asogya.

Galatiƒuɔ 6:14

Ami ni, mina lɛmɛnɛ lɛni ndubɔkun kani ndi kukpi kɔni na Yesu Kristo úkpi na ugyii lɛlɔ. Na ɔkɛnku nwuna kukpi na ugyii lɛlɔ ɔsu use aani si líkpi na kayawi ala kudɔ aani kalɛ kani na kayawi ala ékpi na mina anumi.

Mateo 13:45

Yesu ɔ́su ɔnini, “Katɔti lɛga bɔdi buse aani lɛla lɛni náƒɔ kuye geen. Uwi ɔdi ni, uyedine ɔdi ɔɔwia asɛɛ ebi ani náƒɔ kuye geen.

Mateo 13:47

“Amu na Katɔti lɛga bɔdi buse aani kalɛ na asawu bewine badi baabla. Asawu bewine badi béwi asawu na ɛpu ɔdi kemmo na bédie ketu kemmo lɛna lidu lidu.

Budie Taatina 18:12

Ka ala beyene basɔ beeebo ɔsu ni, bana sika ugyiedi ku ɔƒualadi ku aseebi ku asɛɛ ani náƒɔ kuye ébo kalɔ. Na bana adi abuni egyiedi ku aƒualadi ku ana lidu ébo kalɔ. Na egyii ani muunwenyi ƒɛƒɛɛ ku ala ani ƒui na béti ɔtunkpɛ bábla lɛnɔ ébo kalɔ. Lɛni kani na use ute ala ani na bábla ku egyii ani náƒɔ kuye ku abuala ani muukeye ku ani neeekeye ku atabi ani náƒɔ kuye lɛnɔ.