Mateo 13:44 - Katɔti Ɔku Kedee

⁴⁴ “Katɔti lɛga bɔdi bɔ́ƒɔ kuye aani lɛlakɛ libendi lɛdi. Uwi ɔdi kemmo ni, ukyuli ɔdi útákɛ lɛlakɛ lɛdi na béti bábala na kemo kadi. Mmɔ na ɔ́sɔku ala úbi lɛlakɛ lɛmmɔ lɛlɔ. Na ana kubiti ɔsu ni, úsie útéti nwuna ala ani ƒui na úbo úye, na únwini úsie útéye kemo kammɔ.”

Mateo 13:44 Referans Kwoze

Koloseƒuɔ 2:3

Kristo ɔmmɔ kemmo na Katɔti úti nwuna lɛlati ku lɛnunda ƒui ɔ́bɛla ɔ́kya.

Luka 14:33

Amu na Yesu ɔ́wɔlɔ nwuna kɔtɛ ɔ́su-ma ɔnini, “Lɛni kani na bina akɔ ɔdi ulakana-mi bɔtɛya si útada atu útedie lɛla biala lɛlɔ.

Mateo 6:21

Ɔsika kesii kani na ƒula akɛla ese ni, mmɔ na aasia lɛnu.

Mateo 19:29

Na ukyuli biala ɔni néni nwuna kaduli iye banwani bananabi iye banwani belekubi iye uni iye bebi iye mmo ka ɔsiaku-mi ɔsu ni, ɔdubɔkɛ-nya akpa eti anyɔ utulo. Na Katɔti ɔdubute-nwu ngba bɔni nsɔ naaadubo bɔsa kudii.

Agba 16:16

Ɔdia geen si ukyuli ebo lɛnunda utulo ka akɛ sika ugyiedi. Na si ebo lɛlati lɛni mɔɔyá na ukyuli uunú ala kalɔ ni, ɔdia utulo sika ɔƒualadi.

Agba 23:23

Ƒɔ litemi geen bɛla se lɛlɔ, na teti-ni teye. Na ada anu na aya batumini-ɔ kalɛ na anu ala ati kaduɛ.

Budie Taatina 3:18

Anwuɔsu mɔɔlɛ-mii kpakplaa nnii bibo na bibeye sika ugyiedi ɔni bábla kede kede na ogya kemmo na mina kudɔ na binwini balakɛne. Na bibeye adiƒuala ani na binyimi na bekyuli basɔ balanu bina kasɔngya ku kɔƒa. Na biye kuvo bɛkya anumi na bitaanu kaduɛ.

Mateo 19:27

Amu na Petro ɔ́su-nwu ɔnini, “Nu! Bɔ́da lɛla lɛdi biala búse na bɔsiaku-ɔ kama. Bi na bɔdubo bɔkɛ?”

Mateo 19:21

Yesu ɔ́su-nwu ɔnini, “Si aayɔ́ anii aabla sɛɛn awɔlɔ ƒui ni, sie na etéti ala ani ƒui na ébo eye. Na eti egulabi ammɔ ete bawabane, na adubɔkɛ lɛyuƒɔla na katɔ. Ɔmmɔ kama asa na ebo abasiaku-mi kama.”

Yesaia 55:1

“Amii bani ƒui na utukwɛ ɔɔda ni, bibo na bibani ntu! Na amii bani na kɔka kɔɔda na biiibo egulabi adi ni, bibo na bibeye bɛdi ƒaa kayu taƒɔ taƒɔ! Bɛni ntɛ bɔbuni ku anyi ntu ƒaa nsu bitaƒɔ kayu kadi.

Romaƒuɔ 15:4

Na ala ani ƒui na bénweni bése uwi ɔni návi kemmo ni, bénweni-nya bése kalɛ na batina-bu ala, kalɛ na si búnye lɛbibo biala kenye kpakplaa ɔkɛnku Bunweni Kedee ogya ɔni na ɔɔkya-bu lɛlɔ ni, na bɔkɛ lɛnunsia.

Mateo 13:24

Yesu úbo-ma lɛgba lɛbambadi ɔnini, “Katɔti lɛga bɔdi litemi bugyingya buse aani ɔmɛni. Ukyuli ɔdi ɔ́gya edula abuni na nwuna kemmo.

Hebriƒuɔ 10:34

Biiwuloku bani na batɛ aban ɔtɔ kɔnyana. Na bɛɛkɛ́ kayi ƒaa si ina béƒie-mii ala báƒɔ, ɔsika bɛgyi ka bibo akɛla ani ndia ntulo ammɔ na elébie kudii.

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Agba 17:16

Si ɔdɔlɔdi ulásia lɛnunda ulu ni, ɔɔɔdi kasusu buni ka ebile egulabi anii ɔtɛya lɛla lɛdi.

Koloseƒuɔ 3:16

Bɛya na Kristo litemi buni lilie-mii kayi kemmo kaduɛ. Na bitaatina ala na bitaalɛ lɛlɔ na lɛnunda kemmo. Bitaatu Bunweni Kedee Ɔku kemmo lɛnu ku baƒɔtaadine lɛnu ku lɛnu lɛni nkɛnku Katɔti Kɔyu ala lɛlɔ teeti taagya Katɔti enu ku bina kayi ƒui.

Agba 18:1

Ukyuli ɔni muudie lɛlɔ lɛti ni, nwuna lɛla biala lɛ́ƒɔ-nwu anu. Na ngba ulu buni bamba biala kasusu na baakya-nwu ni, ulátunaku-mu munu munu!

Hiob 28:13

Ka ukyuli ɔɔɔgyi kalɛ na lɛnunda ku ala kalɔ bunu bɔ́ƒɔ kuye ɔsu ni, balánu-mu kakyakɔ taati na bekyuli bayawine akɔ.

Mateo 13:46

Na ka útákɛ kɔni ntulo ana ƒui ni, úti ala ani ƒui nse-nwu úye na útéye kɔsɛɛ kebi kammɔ.

Mateo 13:47

“Amu na Katɔti lɛga bɔdi buse aani kalɛ na asawu bewine badi baabla. Asawu bewine badi béwi asawu na ɛpu ɔdi kemmo na bédie ketu kemmo lɛna lidu lidu.