Mateo 13:32 - Katɔti Ɔku Kedee

³² Ɔdi edula kebi kani nse blii suɛ ntulo na ebi ammɔ ƒui akɔ. Nsu si ɔ́kwɛ na ɔ́lɛ lili ni, uubómo teetulo kemo kammɔ edula akladi ƒui. Na uugyingya teebi kalɔ kammɔ, na baasɛ beebo taabatu ayu na kuna kɔgba akɔ.”

Mateo 13:32 Referans Kwoze

Esekiel 31:6

Baasɛ bábla ayu bákya-ku kɔgba akɔ. Na bebuo bamba lɛnɔ beebo taabawɔ kuna kalɔ. Na kadi bekyuli beelie kuna ɔyuli kalɔ.

Daniel 4:12

Evete áƒɔ-ku lili na kɔ́nwu ebi bonwu bonwu lɛnɔ pii na adubudu kayawi bekyuli ƒui bɔdi. Na alakpi akɔ bebweyi bákɛ ɔyuli na kuna kalɔ na baasɛ lɛnɔ bábla ayu bákya-ku kɔgba akɔ. Na kuna ebi ammɔ na kayawi ala ediedi ƒui aadi.

Batalane Kabla 21:20

Ɔmɛni ɔsu ni, bana ƒui bémwi Blɔti. Amu na básu-nwu banini, “Ɔnwa ɔyɔne, agyi lɛla lɛni nálɛ Yerusalem mɛni. Yudaƒuɔ mpim mpim badi bakya bani náƒɔ bádi na bada Mose ɔda bubo bɔmmɔ kpakplaa.

Sakaria 4:10

Na bekyuli bani ƒui nátanu limeyi lɛmɛni bátabu na kalɛ na ala amɛni eesié kalɔ blii mɛni ɔsu ni, ama ndubo babadi limeyi uwi ɔni na badubɔnu ka Serubabel ɔda lɛtabi lɛni náƒɔ kuye geen mɛni. Na lɛsogya maatɛ lɛmmɔ linye lite ami Unwoti anumi ani náka ámana kalɔ kammɔ ƒui, na aanu lɛla biala kemmo nwaa.”

Kɔgya 104:12

Na baasɛ ƒui baatú bana ayu taakya egyii ani nlɛ ntukpa bɔmɛni amadɔ kemmo na beelie teedie lɛnu taasiku kɔgba kɔmmɔ akɔ.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Batalane Kabla 1:15

Amu na emeyi ammɔ kemmo kani ni, ama bani náƒɔ bádi mmɔ bábasa, na bana bumomo bɔbla aani nkyuli eti anyɔ ku aavlanyɔ. Na mmɔ Petro ɔ́ta únye na ɔ́su-ma ɔnini,

Marko 4:30

Yesu úye ɔnini, “Bi na ndubuti Katɔti lɛga kadikɔ bɔkɔku? Bi lɛgba na meti medie-ni kalɔ?

Marko 4:32

Uwi uletu asa na kaakwɛ́ na kaabla kugyii. Na kugyii kɔmɛni muubómo teetulo na lɛku egyii ƒui akɔ. Kɔɔta kɔgba pii na kɔɔbla ɔyuli. Na baasɛ baabla ayu taakya kugyii kɔmmɔ lili.”

Luka 13:18

Amu na Yesu úye-ma ɔnini, “Bɛgyi kalɛ na Katɔti lɛga bɔdi litemi bugyingya buse? Na bi na ɔlɛka buti-mu bɔmanku?