Mateo 13:25 - Katɔti Ɔku Kedee

²⁵ Na usien ɔdi ka bekyuli ƒui báatɛ ni, nwuna ukisine ɔdi útágya livo likpidi ebi ɔ́kya edula ammɔ kemmo na ɔ́gyu ɔ́tɔlɔ.

Mateo 13:25 Referans Kwoze

Petro 1 5:8

Bɛda kayi bɛva kalɔ buɛɛ na binye kagyumana! Ɔsika bina ukisine ɔni ndi ɔbɔnsamu mmɔ ɔsiaku-mii aani gyata ɔni nkɛ mɔɔva taavi na ɔɔwia ukyuli ɔni na uƒie.

Petro 2 2:1

Kalɛ na ɔkɔ kenye bediene bákya uwi ɔni návi ni, lɛni kani na ɔkɔ ala batinane bammɔ udu badubɔkya-mii akɔ. Badubo ɔkɔ bɔnyi bɔtina ala na ulu ɔni lɛlɔ na ɔdi ka bekyuli basia bada bana ngba lɛlɔ. Nsu ɔmmɔ ɔdubɔya na bekyuli bayii. Na badubuni ala ƒui lɛlɔ ɔdine Blɔti ɔni nédie-ma ɔ́lɛku bana ekpidi kemmo. Na ɔmmɔ ndubɔyila-ma udu.

Mateo 13:39

Na ukisine ɔni nágya livo lɛmmɔ ndi ɔbɔnsamu. Na edula bɔƒɛ uwi ndi kayawi kawɔlɔkɔ. Na edula baƒɛne bammɔ ndi Katɔti batu.

Budie Taatina 12:9

Na bábɔku liƒu kɔlakpi kɔmmɔ béboku kalɔ. Aku ndi kɔlakpi kɔkukudi bonwu kɔni baalɔ ukisine ɔmmɔ iye Satan, na ɔɔtɔ́lɔ kayawi kemodi ƒui. Bábɔku anwu ku nwuna batu ƒui bábava kalɔ lɛlɔ mɛni.

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Mateo 25:5

Ka uleku ɔgya ɔmmɔ ɔ́kpɛ kama ku bubo ɔsu ni, lɛlɛɛ líbo lɛɛda begblebi bammɔ na bálɛɛ.

Galatiƒuɔ 2:4

Nsu ɔkɔ banyine bani néti lɛlɔ bénwini banwa badi béyu béduo-bu akɔ, na bábɛ baatú-bu kalɛ na bati bɔnwuna bɔni na bubo na Kristo Yesu kemmo na baya na bɔsɔ bunwini kabla bablane bute Yudaƒuɔ ɔdi ala bɔbla.

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.

Budie Taatina 13:14

Ɔ́tɔlɔ bekyuli bani ƒui nlie kalɔ lɛlɔ na nwuna akɔla bɔbla ani na ɔ́bla ɔkɛnku eƒiebuo udeedi ɔmmɔ lɛlɔ ɔsu. Ɔ́ya na bekyuli bammɔ bése baƒiɔ badi béte lɛlɔ, na bávɔ-ma na bese aani eƒiebuo udeedi ɔni náƒɔ ɔlɛ ka bébeyi-nwu ɔkɛɛ nsu ɔmu uli ngba.

Mateo 13:24

Yesu úbo-ma lɛgba lɛbambadi ɔnini, “Katɔti lɛga bɔdi litemi bugyingya buse aani ɔmɛni. Ukyuli ɔdi ɔ́gya edula abuni na nwuna kemmo.

Mateo 13:26

Na uwi ɔni na edula ammɔ álɛ lili na ése kalɔ aanwu ni, alakpi ekpidi ani na ukisine ɔmmɔ ɔ́gya ɔ́kya edula ammɔ kemmo lɛnɔ ákwɛ.

Mateo 13:27

“Amu na kemo ɔlati ɔmmɔ kabla bablane bésie-nwu kudɔ na bétéye-nwu banini, ‘Ati, bɔ́nu ka edula abuni na ágya na ƒula kemmo. Na wɛ na livo likpidi lɛmɛni ani lɛ́si?’

Mateo 13:29

“Ɔ́su-ma ɔnini, ‘Oowo. Ɔƒɛni kalɛ si bɛɛgyú livo lɛmmɔ ni, bɛdubɔgyu edula ammɔ adi lɛnɔ bɛsalaku livo lɛmmɔ.

Mateo 13:30

Bɛya na nwuna akpa anyɔ ƒui eteenye utálɛ edula ɔƒɛwi. Na uwi ɔmmɔ na ndubɔsu edula baƒɛne bammɔ nnii bɛka livo lɛmmɔ bɔgyu na binyimi-ni esu esu na bɛkyula-ni. Na edula ammɔ ni, bɛƒɛ-nya na biti-nya biwi mina unwu kemmo.’ ”

Baga 1 3:20

Ɔmmɔ ɔsu ɔ́ta usien lɛdibantɛ na úbagyu mina ubi ɔni ntɛ-mi kudɔ uwi ɔni na ami ƒula kabla ɔblane ntɛ mɔɔlɛɛ, na úti ɔ́va nwuna lɛnyii kudɔ. Na úti ɔni nékpi mmɔ lɛnɔ úbava mina lɛnyii kudɔ.