Mateo 13:22 - Katɔti Ɔku Kedee

²² Na edula ani néduo ákya liyu livo akɔ ni, anya ndi bekyuli bani muunú litemi lɛmmɔ. Nsu ka béti kasusu pii básia kayawi kamɛni ala lɛlɔ ku lɛlakɛ ɔsu ni, litemi lɛmmɔ lílaƒɔ bana lɛlɔ kemmo na babla ala abuni.

Mateo 13:22 Referans Kwoze

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Luka 8:14

Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya.

Luka 12:15

Amu na ɔ́su bana ƒui ɔnini, “Bɛsia lɛlɔ anu na binye lɛlɔ kagyumana na ɔdivo udu biala bɔdi lɛlɔ, ɔsika ukyuli ngba geen bɔɔɔkɛnku ala ani nse-nwu lɛlɔ ina dɛ na ɔdi ɔlakɛne.”

Timoteo 2 4:10

Ɔsika Dema ɔ́tɔlɔ-mi kudɔ na ɔsiaku kayawi ala kama úsie Tesalonika. Na Kreske anwu ni, úsie Galatia, na Tito úsie Dalmatia.

Mateo 13:7

Edula ammɔ adi lɛnɔ éwi liyu livo akɔ. Na ka ákwɛ ni, alakpi ammɔ átu ébi-nya lɛlɔ ƒui.

Luka 12:21

Amu na Yesu ɔ́wɔlɔ nwuna kɔtɛ ɔnini, “Lɛni na use ute bekyuli bani mɔɔwia akɛla batɛ bese lɛlɔ, na beeebo lɛla lɛdi na Katɔti anumi.”

Kɔgya 52:7

“Aanu lɛla lɛni nálɛku-ɔ ka éni anii alasia Unwoti anu na aakun lɛmɛnɛ na ƒula akɛla lɛlɔ na ákɛ ɔyikun elie aabla likpidi.”

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Yeremia 4:3

“Amii Yerusalem ku Yuda kadi bekyuli ƒui, bɛda atu ɔkplu ani udu na bɛɛbla mmɔ bɛ́ya! Bina atu kpakplakpa ammɔ áya na bina kayi lɛnɔ kábla kpakplakpa aani kalɔ kani na bétegulu-ka kudii na liyu alakpi sɔɔn áƒɔ mmɔ.

Agba 11:28

Si éti anu ásia ƒula egulabi lɛlɔ ni, adubo bɔyii udu! Nsu bekyuli babuni badubɔlɛ lili aani ketudi evete wɔwɔɔwɔ.

Kɔgya 62:10

Bitatɛya ɔdikplu iye bekyuli buyu taakɛ lɛkɛ. Si lɛkɛ lɛɛkɔ́-mii katɔ ni, biteti bina kayi bitasia ɔmmɔ lɛlɔ.

Batalane Kabla 8:18

Ka Simon ɔ́nu ka si batalane bamɛni béti enu básia-ma eli na baaƒɔ́ Katɔti Kɔyu ni, úti egulabi ɔnii uute batalane bamɛni na ɔ́su-ma ɔnini,

Etemila 4:8

Ukyuli ɔdi ɔ́kya ɔni na uuubo ubi ɔnanabi iye ɔnwani ɔdi, nsu ulada lɛlɔ butu taaya, na nwuna akɛla ani na ubo lɛnɔ elemo-nwu. Amu na úye lɛlɔ ɔnini, “Ɔma geen ɔsu na muubó abi, na líni lɛla lɛbuni biala líte lɛlɔ ku kalɛ na lɛkya lɛlɔ ebiti muedi?” Bi keyi udu na kadi mɛni na ukyuli ulenu lɛla lɛdi kalɔ?

Agba 23:5

Ɔsika lɛlakɛ lɛɛyii na ukyuli anumi, na lɛɛtɔlɔ aani kalɛ na aasɛ uuveyi taatɔlɔ!

Mateo 12:32

Na ukyuli ɔni ndubɔlɔ Ukyuli Ɔyawine Ubi anyikpi adi ni, Katɔti ɔdubuti ɔkyiɛ-nwu. Nsu uleti anyikpi ani na ukyuli ɔdi ɔdubɔlɔ Katɔti Kɔyu ulakyiɛ-nwu na ngba bɔmɛni kemmo iye bɔni ndububo kemmo lɛnɔ.

Mateo 13:39

Na ukisine ɔni nágya livo lɛmmɔ ndi ɔbɔnsamu. Na edula bɔƒɛ uwi ndi kayawi kawɔlɔkɔ. Na edula baƒɛne bammɔ ndi Katɔti batu.

Mateo 13:40

“Na kalɛ na baasála livo na baakyula-ni ni, lɛni kani na ɔdubo buse na kayawi kawɔlɔkɔ.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Korintoƒuɔ 1 1:20

Ɔmɛni ɔɔtina ka kayawi kamɛni banundane ku bakutine ku bekyuli bani mbo kenye ogya ƒui lɛnunda lɛdi adɔlɔla.

Korintoƒuɔ 1 2:6

Nsu ni, mina kenye kani na mɔɔsu ni, kadanku bekyuli bani náda anu na béesie anumi na kɔyu kemmo ala kalɔ bunu kemmo. Na kaaadanku kayawi kamɛni kemmo lɛnunda iye bayikune bani mɔɔdi kayawi kamɛni lɛlɔ na baayii ku udu lɛlɔ.

Korintoƒuɔ 1 2:8

Kayawi kamɛni bayikune ɔdi biala útati lɛnunda lɛmɛni. Ɔsika si bɔti na báti-ni ni, nka bátakana Blɔti bátamana ugyii lɛlɔ.

Korintoƒuɔ 1 3:18

Bina akɔ ɔdi utatɔlɔ lɛlɔ. Si bina akɔ ɔdi ɔɔnu lɛlɔ aani kayawi kamɛni ɔnundane ni, ɔbla lɛlɔ ɔdɔlɔdi mmomu na bekyuli anumi kalɛ na wenwini ɔnundane geen sɔsɔ na Katɔti anumi.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Galatiƒuɔ 1:4

Kristo ɔmmɔ néti lɛlɔ ɔ́kpa na bula lili kalɛ na udie-bu ɔlɛku bula ekpidi kemmo na ɔƒɔ-bu ɔlɛku uwi ukpidi ɔni kemmo na ekpidi bɔbla bɔ́ƒɔ kayawi kemmo mɛni. Na ɔ́ƒɔ-bu lɛni ɔkɛnku Katɔti ɔni ndi bula Ɔti lɛƒɔyɔ lɛlɔ.

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.