Mateo 13:21 - Katɔti Ɔku Kedee

²¹ Nsu ka litemi lɛmmɔ lítaƒɔ-ma lɛlɔ kemmo ɔsu ni, lilélie-ma kemmo teetu uwi ɔdi. Anwuɔsu si lɛbibo iye bukpoku bɔdi búbo-ma lɛlɔ na litemi lɛmmɔ ɔsu ni, enu aaƒɛ-ma kɔnakunwi.

Mateo 13:21 Referans Kwoze

Mateo 11:6

Lɛlɔ litaayɔ bekyuli bani na bana kasusu kalabla inyɔ inyɔ na mina ala ani mɔɔbla ɔsu.”

Hosea 6:4

Unwoti ɔnini, “Amii Israelƒuɔ ku Yudaƒuɔ, bi na bɛnii mblaku-mii? Bina bɔyɔ bɔni na bibo bite-mi ni, buse kani buse aani ulɔyɔ iye ɔtanta amii ani mɔɔyii taakya si ɔƒɛ ɔ́tu na kadi kaata.

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Agba 12:3

Ulikplu ala bɔbla buléboku keliela buni ku atu bɔyɔ. Mmomu bekyuli babuni muudie lidu teesie ɔgyu.

Hiob 19:28

“Ngyi ka binye bɛɛwia ulu ɔni lɛlɔ na bɛsia na bikpoku-mi, ɔsika bɛɛsu bɛnii ala amɛni ƒui kakwɛkɔ kási ami ɔlati.

Kɔgya 36:3

Alaekpidi ku ɔkɔ ala sɔɔn na baatɛmi. Na bédeyi bálɛ lɛnunda ulu lɛlɔ na basɔ balábla lɛbuni lɛdi.

Timoteo 2 1:15

Agyi ka Asiaƒuɔ baƒɔtaadine ƒui bálɛ-mi kama, na Ƒigelo ku Hermegene lɛnɔ báda-mi bése.

Ƒilipiƒuɔ 1:6

Na lɛ́ƒɔ lɛ́di ka Katɔti ɔni nése kabla kabuni kamɛni kalɔ na bina akɔ ni, ɔdubɔnu ka kabla kamɛni katáwɔlɔ na uwi ɔni na Kristo Yesu wasɔ webo.

Galatiƒuɔ 6:15

Na ɔɔɔdi lego bukulo iye ago tekulo na bɔɔwia, mmomu lɛla lɛni na bɔɔwia ndi ngba bɔwɔdi bulie.

Galatiƒuɔ 6:12

Bani nnye-mii lɛlɔ na baayɔ́ ka bikulo ago mmɔ ni, ama ndi bekyuli bani mɔɔkun lɛmɛnɛ na ɔlɔna lɛlɔ. Baabla ɔmɛni kalɛ na bekyuli belékpoku-ma na Kristo kukpi na ugyii lɛlɔ litemi ɔsu.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Yohane 6:26

Amu na Yesu údie kenye ɔnini, “Mɔɔsu-mii geen ka ni, bodobodo ɔni na bɛ́kɛ bɛ́di bímo ɔsu na bɛɛwia-mi. Na ɔɔɔdi ɔni na bínu akɔla budie taatina ani na lɛ́bla kalɔ ɔsu.

Luka 8:13

Na ani nálɛ ébo atakpɛ lɛlɔ ni, ese aani bekyuli bani na bénu litemi lɛmmɔ na báƒɔ-ni ku ebiti mmɔ kani, nsu líteduo-ma lɛlɔ kemmo geen. Anwuɔsu baaƒɔ́ taadi uwi klukui kemmo kani. Na si uwi ɔni na bukpoku taanu bɔdi búbo ni, baayuɛ.

Marko 4:17

Nsu litemi lɛmmɔ lidu lítada kalɔ kaduɛ. Báƒɔ bádi uwi blii suɛ kani. Nsu si lɛsɛ lɛdi iye bukpoku bɔdi búbo-ma lɛlɔ na litemi lɛmɛni lɛlɔ ɔsu ni, baasɔ teenwini teesie kama.

Mateo 26:33

Amu na Petro ɔ́su Yesu ɔnini, “Si ina bakladi ƒui béni-ɔ muedi ni, ami lɛɛɛdubo-ɔ kama bɔlɛ kudii!”

Mateo 26:31

Mmɔ na Yesu ɔ́su nwuna batɛyane ɔnini, “Bina ƒui bɛdubukeli-mi kudɔ, na kebu ami lɛti. Ɔsika Bunweni Kedee Ɔku ɔɔsu ɔnini, “ ‘Katɔti ɔdubɔdu baƒonu ɔdane ɔmmɔ na nwuna baƒonu begyingya.’

Mateo 24:13

Na ukyuli ɔni ndubɔkya ɔkplu utálɛ kawɔlɔkɔ ni, Katɔti ɔdubute-nwu ngba ƒui.

Mateo 13:57

Na ɔ́yu-ma ɔkplu ka baƒɔ-nwu, anwuɔsu béni-nwu. Amu na Yesu ɔ́su-ma ɔnini, “Katɔti kenye udiene ni, ubo ɔbu na kesi kesii ntu nwuna ɔma ku nwuna kadi bekyuli akɔ kani.”

Mateo 13:6

Anwuɔsu uwi ɔni na ɔƒɛ ɔ́lɛ ni, ana ƒui áyɛyɛ na ékpi, ɔsika ana lidu lítanyi kalɔ.

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Agba 12:12

Beyune ni, bana lɛlɔ ala ani na buyu na bétéyu-nya muedi eegyie bana lɛlɔ anumi. Nsu bekyuli babuni ni, ama alati mɔɔnwu bana ebi.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Timoteo 2 4:10

Ɔsika Dema ɔ́tɔlɔ-mi kudɔ na ɔsiaku kayawi ala kama úsie Tesalonika. Na Kreske anwu ni, úsie Galatia, na Tito úsie Dalmatia.

Budie Taatina 2:13

“Ngyi ka ɔma ɔni na bilie ndi likpo lɛni na Satan úse nwuna lɛga kadikɔ. Bɛ́siaku-mi kama kpakplaa. Na bítedie bina bɔƒɔtaadi atu na mina lɛlɔ ina uwi ɔni na bádu Antipa ɔni lɛnɔ nédie-mi litemi kenye ulu lɛlɔ na likpo lɛni na Satan ulie mmɔ.

Mateo 13:20

Edula ani néwi atakpɛ lɛlɔ ni, anya ndi bekyuli bani muunú litemi lɛmmɔ na baaƒɔ́-ni ku ebiti kɔnakunwi.

Yakobo 3:2

Ɔsika bula ƒui bɔɔƒiɔ́. Nsu si ukyuli ɔdi ulaƒiɔ na lɛla lɛni na ɔɔsu kemmo ni, na ukyuli ɔmmɔ use siin na ɔda lɛlɔ lɛnɔ kaduɛ.