Mateo 13:20 - Katɔti Ɔku Kedee

²⁰ Edula ani néwi atakpɛ lɛlɔ ni, anya ndi bekyuli bani muunú litemi lɛmmɔ na baaƒɔ́-ni ku ebiti kɔnakunwi.

Mateo 13:20 Referans Kwoze

Yohane 5:35

Yohane úkeye aani ogya ɔni mɔɔda. Na nwuna bukeye bɔmmɔ bɔ́da-mii ebiti uwi klukui ɔdi kemmo.

Marko 6:20

Nsu ulákana na Herode ɔsu. Ɔsika Herode útaayia Yohane, na ɔgyi ka Yohane ɔdi ukyuli ɔni nse siin na use kedee. Anwuɔsu útaagyumana-nwu. Ɔ́yɔ ka uteenu-nwu ala bɔtina uwi ndi uwi ina ka nwuna litemi líteekpoku-nwu kayi si únu-ni.

Yesaia 58:2

Baakɔ́ taayu limeyi ndi limeyi banii ami na baasiaku. Na beekpóku lɛlɔ aani si mina litemi na baawia batɛya. Na baatina lɛlɔ aani kadi bani bekyuli mɔɔwia ka babla lɛbuni na baadi mina ɔda bubo lɛlɔ. Baawia ka lɛni lide-ma suɛlɛ suɛlɛ na lɛtɛ litemi na ulu lɛlɔ siin lite-ma, na baasu ka lɛlɔ lɛɛyɔ́-ma ka bataasiaku-mi.

Ala Alɛdi 2 24:2

Na uwi ɔni na ɔkpane unengudi Yehoiada uli ngba ƒui ni, na Yoas útaayia Unwoti na útaadi nwuna litemi lɛlɔ na ɔɔbla ala ani na ese siin.

Batalane Kabla 8:13

Amu na Simon ɔmɛni ɔlati lɛnɔ ɔ́ƒɔ ɔ́di. Na ka ɔ́ƒɔ ntu bɔkpila ɔdi ɔmɛni ni, útaasiaku Ƒilipo kesii biala na úsela. Na ɔkɛnku akɔla budie taatina ani na ɔ́bla ɔsu ni, ɔ́bla-nwu dɛye dɛye!

Ala Alɛdi 2 24:14

Na ɔɔɔdi egulabi ammɔ ƒui na béti bábla kabla kammɔ, anwuɔsu egulabi ani nébu ni, béti-nya béte Yoas ku Yehoiada na ama lɛnɔ béti béte na bábla kakpakɔ sika ugyiedi ku ɔƒualadi akyami lidu lidu bese kakpakɔ kammɔ kemmo. Na uwi ɔni ƒui na ɔkpane Yehoiada úlie ngba ƒui ni, bátaabla ɔnyi ƒɛƒɛɛ ɔni mɔɔyɔ́ Katɔti kaƒɔ akpala bɔkyula ɔdi teete Unwoti limeyi ndi limeyi.

Ala Alɛdi 2 24:6

Ɔkɛnku ɔmmɔ ɔsu na ɔga ɔmmɔ ɔ́ya na bátálɔ Yehoiada béboku na úye-nwu ɔnini, “Bi ɔsu na átatala Lewiƒuɔ bammɔ na besie batáƒɔ lɛkwa kuyii kɔmmɔ beboku? Unwoti kabla ɔblane Mose ku bekyuli bammɔ ƒui bénu kalɔ ɔ́si kukuuku ƒui ka beteete kuyi kɔmɛni na beti-ku bataanu Katɔti kevo kammɔ lɛlɔ.

Mateo 7:8

Ɔsika ukyuli biala ɔni muuvele Katɔti ala ni, ɔdubute-nwu. Na ukyuli biala ɔni mɔɔwia ni, ɔɔkɛ́. Na ukyuli biala ɔni muubó Katɔti kegbuta kɔnu ni, ɔɔlɛmi teete-nwu.

Mateo 13:19

Bekyuli bani muunú Katɔ Ɔga Ɔma lɛlɔ litemi nsu belenu-ni kalɔ ni, bese aani edula ani néwi ulu kɔtu na ukisine ɔmmɔ uubo teebedie litemi lɛmmɔ taalɛku-ma kasusu kemmo.

Mateo 13:21

Nsu ka litemi lɛmmɔ lítaƒɔ-ma lɛlɔ kemmo ɔsu ni, lilélie-ma kemmo teetu uwi ɔdi. Anwuɔsu si lɛbibo iye bukpoku bɔdi búbo-ma lɛlɔ na litemi lɛmmɔ ɔsu ni, enu aaƒɛ-ma kɔnakunwi.