Mateo 13:19 - Katɔti Ɔku Kedee

¹⁹ Bekyuli bani muunú Katɔ Ɔga Ɔma lɛlɔ litemi nsu belenu-ni kalɔ ni, bese aani edula ani néwi ulu kɔtu na ukisine ɔmmɔ uubo teebedie litemi lɛmmɔ taalɛku-ma kasusu kemmo.

Mateo 13:19 Referans Kwoze

Mateo 13:38

Na kemo kammɔ ndi kayawi. Na ebi abuni ammɔ ndi Katɔ Ɔga Ɔma bekyuli. Livo lɛmmɔ ndi bekyuli bani ndi ukisine ɔmmɔ badi.

Hebriƒuɔ 2:1

Ɔmɛni ɔsu na ɔdi ka bɔbla bɔsiaku ala ani na búnu lɛlɔ kaduɛ na bɔda-nya kpakplaa kalɛ na bulayii ulu geen ɔmmɔ.

Yohane 1 5:18

Bɔgyi ka ukyuli ɔni ndi Katɔti Ubi ni, ulélie taabla likpidi. Ɔsika Katɔti Ubidi ɔɔgyumana-nwu kalɛ na uleduo ukisine ɔmmɔ enu kemmo.

Mateo 4:23

Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Yohane 1 3:12

Na utalɛka bɔbla lɛlɔ aani Kain kalɛ. Ɔsika anwu ɔdi Satan ɔdi, na ɔ́du ɔnwani. Na bi ɔsu na Kain ɔ́du-nwu? Ɔsika uukisi ɔnwani ka nwuna ablala ese siin ɔsu. Na anwu Kain adi eeese siin.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Tesalonikaƒuɔ 2 2:12

Kawɔlɔkɔ ƒui ni, Katɔti ɔdubɔdu-ma kɔtɔ, ɔsika bátaƒɔ litemi buni bátadi. Mmomu bátaakɛ ebiti na ekpidi bɔbla kemmo.

Romaƒuɔ 14:17

Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemmo.

Romaƒuɔ 2:8

Nsu bekyuli bani mɔɔwia ama lɛti lɛkɛ na beení litemi geen lɛmmɔ na basiaku alaekpidi bɔbla kama ni, Katɔti ɔdubo kɔnyi bɔkɛ na bana lɛlɔ na ɔni-ma kɔtu geen.

Batalane Kabla 28:23

Amu na bése limeyi lɛdi bese, na bekyuli pii bébo-nwu kudɔ. Mmɔ na ɔ́tɛmi úte-ma ɔ́siku Katɔti lɛga kadikɔ lɛlɔ. Na ɔ́lɔ-ma kasusu úsienku kesii kani na Mose ku Katɔti kenye bediene bénweni ala bése básiku Yesu lɛlɔ. Na ɔ́tɛmiku-ma ɔ́si ɔtanta útédu useyi uwi.

Batalane Kabla 20:25

“Na ni, amii bani ƒui nénu mina ala bɔtina ɔ́si Blɔti lɛga kadikɔ ala lɛlɔ ni, bɔsɔ bulasa kudii.

Batalane Kabla 18:15

Nsu ka unyeƒi ukpludi na bɛɛkya na bina etemila ku ɔda bubo lɛlɔ ɔsu ni, amii alati bitásu-ni. Ɔɔɔdi ami mabla litemi ɔtɛne mete-mii na ala amɛni lɛlɔ.”

Batalane Kabla 17:32

Nsu uwi ɔni na bénu ka Paulo ɔ́tɛmi ɔ́siku bɔsɔ taata lɛlɔ ni, bana akɔ badi báma-nwu. Na badi lɛnɔ básu banini, “Bɔsɔ bɔɔyɔ́ ka bunu etemila adi bɔsiku ukyuli bɔsɔ taata lɛlɔ.”

Yohane 18:38

Mmɔ ni, Pilato úye-nwu ɔnini, “Bi ndi litemi geen?” Mmɔ kani na Pilato ɔ́sɔ únwini úsie keyi na Yudaƒuɔ bammɔ kudɔ na útásu-ma ɔnini, “Naaanu likpidi lɛni ɔsu na lɛdu ukyuli ɔmɛni kɔtɔ.

Yohane 8:43

Bi ɔsu na bilenu-mi kalɔ? Ngyi ka bilátuna bɛnii biisé atu na binu lɛla lɛni na mɔɔsu.

Luka 10:9

Bɛbwi balɛne na ɔma ɔmmɔ kemmo. Na bɛsu ɔma ɔmmɔ bekyuli bɛnii, ‘Uwi ɔni na Katɔti ɔdi lɛga na bina kɔyi kemmo ɔ́ɔkpɛ úde.’

Luka 9:2

Amu na ɔ́tala-ma ɔnii beteesie na batásu Katɔti lɛga kadikɔ etemila bete bekyuli na babwi balɛne.

Marko 4:15

Bekyuli badi bese aani ebi ani nálɛ ébo na kuludɔ. Ka bánya bénu kani na Satan ɔ́da-ni údie-ma kuli kemmo ɔ́tɔlɔku.

Mateo 5:37

Bɛya na bina ɛɛn ɔbla ɛɛn, na bina oowo ɔbla oowo. Si bíti lɛla bamba bíbunku ɔmɛni lɛlɔ ni, na ɔmmɔ ɔdi ukisine ɔmmɔ ablala.

Agba 17:16

Si ɔdɔlɔdi ulásia lɛnunda ulu ni, ɔɔɔdi kasusu buni ka ebile egulabi anii ɔtɛya lɛla lɛdi.

Agba 1:7

Unwoti bɔyia ndi ukyuli lɛlati kalɔ kesekɔ. Nsu badɔlɔdi beení lɛnunda etemila ku kalɛ na badi lɛlɔ lɛlɔ kaduɛ.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Esekiel 31:18

“ ‘Ala amɛni ƒui adubo awɔ Egyipte ɔga ku ƒula bekyuli bɔbla! Bise aani egyii amɛni, na bɛ́kuku na bibo ɔkplu lɛnɔ geen na kalɔ lɛlɔ. Nsu ɔƒaani ni, badubo-mii bɔda bɔva kalɔ aani kalɛ kani na ɔ́lɛku ɔban kemmo egyii ammɔ na ékpi. Na bɛdubo kekpine buduo na bitáblaku bani nkya kekpine mmɔ unwi. Ama bábla ulikplu na bátayia Unwoti na batábu lɛla lɛdi lɛnɔ. Anwuɔsu békpi kukpi buɛ kɔmmɔ udu. Ami Unwoti Katɔti násu.’ ”

Mateo 12:26

Na si lɛkpa linwi liikpóku lɛkpa linyɔdi na Satan lɛga kadikɔ kemmo ni, na ɔɔtina ka lɛga kadikɔ kammɔ kéle lɛlɔ na kadubɔbwɛ.

Mateo 13:20

Edula ani néwi atakpɛ lɛlɔ ni, anya ndi bekyuli bani muunú litemi lɛmmɔ na baaƒɔ́-ni ku ebiti kɔnakunwi.