Mateo 13:15 - Katɔti Ɔku Kedee

¹⁵ Ɔsika bekyuli bamɛni balábu lili kemmo taanu. Na bétile atu na bébile bana anumi. Si ɔɔɔdi lɛni ni, nka bana anumi adubɔnu nwaa. Na bana atu lɛnɔ adubunu na benu kalɔ na benwini bebo ami Katɔti kudɔ na lɛbwi-ma!’

Mateo 13:15 Referans Kwoze

Yesaia 6:10

Geen ni, bana kɔyi kútili na bana atu áyu ɔkplu na bana anumi lɛnɔ ábwɛ. Si ɔɔɔdi lɛni ni, nka bana anumi adubɔnu nwaa na bana atu lɛnɔ adubunu na benu kalɔ na benwini bebo-mi kudɔ na lɛbwi-ma.”

Marko 4:12

Anwuɔsu úbo aani kalɛ na Katɔti kenye udiene ɔdi únweni úse ɔnii, “ ‘Badubo bɔnu, nsu balanu baláti. Badubo bunu, nsu belénu kalɔ. Ɔsika si ɔɔɔdi lɛni ni, nka badubunu kalɔ na benwini bebo-mi kudɔ na liti bana alaekpidi lɛkyiɛ-ma.’ ”

Sakaria 7:11

“Nsu bekyuli bani ƒui nénu kenye bediene bammɔ ala bɔsu bábla atuɔkplu na béni litemi lɛmmɔ bunu. Mmomu bénwini kama bákya lɛla biala na mina kɔyu kɔ́tɔnku kenye bediene kuuku bammɔ na bákɔ-ni lɛsa béte bekyuli. Ɔmmɔ ɔsu na ami Unwoti lɛnɔ lɛ́kɛ kɔnyi geen!

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Yeremia 17:14

Awɔ Unwoti kani na muumwi. Anwuɔsu bwi-mi na edie-mi! Na ndubɔkɛ ɔlɔkplu na lɛkɛ bɔƒɔ.

Hebriƒuɔ 5:11

Bubo ala pii na bɔsu bɔsiku ɔmɛni lɛlɔ, nsu ka bilákana ala buƒie taakya lili kemmo pla pla ɔsu ni, nwuna kalɔ budie bubo ɔkplu.

Timoteo 2 4:4

Badubo kama bunwini bɔkya litemi buni lɛmɛni na basiaku etemila anwidi kama.

Batalane Kabla 7:57

Amu na báyoli momoomo na bétile bana atuƒi, na békeli bétéƒie-nwu.

Kɔgya 119:70

Bana kasusu kaalɛɛ aani ebuo lɛmwi na belenu lɛla lɛdi kalɔ. Nsu ami ni, lɛlɔ lɛɛyɔ́-mi geen na ƒula ɔda bubo lɛlɔ.

Budie Taatina 22:2

Na ketu kammɔ kaagbá taavi ɔma ɔmmɔ ɔblɔnu ntɛ. Na kana lɛvi inyɔ bɔmmɔ lɛlɔ ni, kugyii kɔni muute ngba kunye ku kuna ebi lidu leevu-inyɔ bɔmmɔ, na kɔɔnwu ebi ammɔ kɔbuli biala. Na kugyii kɔmmɔ evete adi kuvo kɔni na beti babwi kalɔ ƒui bekyuli.

Batalane Kabla 3:19

Anwuɔsu ni, binwini kama bɛkya ekpidi bɔbla na biti anumi bɛsia Unwoti lɛlɔ, kalɛ na waƒɔ bina ekpidi wedie-mii lɛlɔ na bɛkɛ bɔnwuna buɛɛ na Blɔti kudɔ, kalɛ watala Kristo Yesu wakya-mii aani bina Ɔƒɔne kalɛ.

Hosea 14:4

“Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ.

Yeremia 33:6

“Kama ƒui na limeyi lɛdi lɛlɔ ni, ndubo mɛni bɔklibi na lɛbwi bekyuli bammɔ ƒui na lɛya na belie ku keyi buɛɛ kani neeebo kawɔlɔkɔ.

Yesaia 57:18

Ngyi-mii kalɛ na bise! Nsu ndubo-mi ɔlɛ ɔmmɔ bɔbwi ƒui na lɛtɔnku-mii na lɛya na kaƒɔ kayɔ-mii ku bani ƒui muuwulo kɔnyana.

Yesaia 44:20

Bi ɔsu na ɔlɛka ukyuli ɔdɔlɔ laa lɛni utédu ka unye utaabu lɛla lɛni na bakana bakyula benwini ntɔ na ulanu taati ka ɔkɔ ala bɔbla na adi mmɔ, na ɔmmɔ uláƒɔ-ma ngba ka baaadi baƒiɔ bayikune ɔsu?

Yeremia 3:22

“Ndubo-ma bɔsu nnini, ‘Binwini bibo na lɛbwi-mii, na kalɛ na bɛ́lɛ-mii kama ɔsu.’ “Na mmɔ na badubɔsu banini, ‘Bɔdubunwini bubo, ɔsika awɔ ndi Unwoti bula Katɔti.

Yeremia 17:9

“Bibo ɔkɔ geen, amii Yuda kadi bekyuli, na bɛɛtɔ́lɔ amii alati bina lɛlɔ muedi, na bilakana bɔvumana.

Luka 19:42

Na ɔ́su ɔnini, “Mɔɔyɔ́ geen ka nka bɛnu bɛti ɔmwi limeyi lɛmɛni lɛlɔ lɛla lɛni námanku-mii asa bɛkɛ keyi buɛɛ! Nsu ku ɔƒɛni ni, bilánu taati!

Batalane Kabla 28:27

Ɔsika bekyuli bamɛni kɔyi kútili, na bebo atu ɔkplu na bébile bana anumi lɛnɔ. Si ɔɔɔdi lɛni ni, nka bana anumi adubɔnu, na bana atu lɛnɔ adubunu, na bana kɔyi lɛnɔ kɔdubɔbla nwaa na benwini bebo-mi kudɔ na lɛbwi-ma.’ ”

Agba 16:30

Bébile anumi, nsu baanu taavi ukyuli kalɔ. Belébimi kenye taatɛmi, nsu baabla bana likyulikpi kɔkwɛ.