Mateo 13:11 - Katɔti Ɔku Kedee

¹¹ Yesu ɔ́su-ma ɔnini, “Amii na Katɔti údie Katɔ Ɔga Ɔma lɛnunda abɛla ɔ́tina, na ɔɔɔdi ama.

Mateo 13:11 Referans Kwoze

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.

Mateo 19:11

Na Yesu ɔ́su-ma ɔnini, “Ɔɔɔdi ukyuli biala ndubɔkana na ɔbla ala ani na bɛɛsu mɛni, amu ntu bekyuli bani na Katɔti úte-ma kani.

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Yohane 1 2:27

Nsu amii ni, Kristo Kɔyu kɔ́ƒɔ-mii lɛlɔ kemmo, na Kɔyu kɔmɛni kɔmu kɔkya-mii lɛlɔ kemmo. Anwuɔsu ni, bɛsɔ biláwia ka ukyuli ɔdi ɔsɔ ɔtina-mii ala adi lɛnɔ. Ɔsika nwuna Kɔyu kɔɔtina-mii ala amɛni ƒui. Na ala ani na kɔɔtina adi litemi geen lɛmmɔ, na ɔɔɔdi ɔkɔ. Anwuɔsu biliku Kristo aani kalɛ na Kɔyu kɔmmɔ kɔ́tina-mii.

Yohane 1 2:20

Nsu amii ni, Kristo ɔ́ya na nwuna Kɔyu kɔ́ƒɔ-mii lɛlɔ kemmo, na bina ƒui bɛgyi Katɔti litemi geen.

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Eƒesoƒuɔ 1:9

kaƒɔ káyɔ-nwu ka údie nwuna kasusu kemmo abɛla ƒui ɔ́tina-bu. Ani na ɔ́su úse ka ɔdubɔbla ɔkɛnku Kristo lɛlɔ.

Yesaia 35:8

Ulu unengudi ɔdubɔsia kalɔ kammɔ kemmo, na badubɔlɔ-nwu banii Ulu Kedee. Na bekyuli bani neeese sɛɛn baaadubo ulu ɔmmɔ lɛlɔ basia. Na badɔlɔdi ku belikplune balasia-nwu lɛlɔ.

Eƒesoƒuɔ 5:32

Litemi lɛmɛni lɛdi abɛla ebendi. Na mɔɔsu-mii nnii etemila ammɔ ese ete Kristo ku baƒɔtaadine lɛkpa lɛmmɔ.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Luka 8:10

Amu na ɔ́su-ma ɔnini, “Katɔti úti nwuna lɛga bɔdi lɛnunda abɛla ɔ́tina-mii. Nsu bekyuli bakladi ama ni, agba na muubó-ma kalɛ na “ ‘si ina baanu ni, balanu baláti. Na ina beenú ni, belénu kalɔ.’

Korintoƒuɔ 1 15:51

Binu lɛbɛla lɛmɛni. Ɔɔɔdi bula ƒui ndubukpi. Nsu si kakpɛɛ kekplodi káku ni, Katɔti ɔdubo bula ƒui udu bɔvumana kɔnakunwi.

Korintoƒuɔ 1 2:7

Lɛnunda lɛni kenye na muudie mɛni ni, lɛdi Katɔti lɛnunda lɛni nábɛ bekyuli. Nsu Katɔti ɔ́ƒuna-ni úse kukuuku ka lɛƒɔ-bu asa na údie kayawi.

Yohane 6:65

Amu na ɔ́su ɔnini, “Ɔmɛni ɔsu na lɛ́su-mii nnii ukyuli ɔdi ulakana-mi kudɔ bubo si ɔɔɔdi Ati náya na ɔ́kɛ ulu ɔmmɔ.”

Timoteo 1 3:9

Na ɔlɛka bada bɔƒɔtaadi litemi buni lɛni na bédie keyi mɛni kpakplaa ku kayi kani naaadu-ma kɔtɔ.

Korintoƒuɔ 1 13:2

Na si muudie Katɔti kenye na muunú abɛla ku lɛlati ƒui kalɔ, na mbo bɔƒɔtaadi bɔni na lɛkana na lɛ́gyu abi muedi na ana kenyekɔ nsu naaayɔ bekyuli ni, lɛɛɛdi lɛla lɛdi.

Marko 4:11

Amu na Yesu ɔ́su-ma ɔnini, “Katɔti úti nwuna lɛga bɔdi abɛla ani na bekyuli pii baaagyi ɔ́tina-mii. Na bakladi bani nkya kama ni, ama agba kemmo kani na badubunu etemila.

Koloseƒuɔ 2:2

Mɔɔbla ɔmɛni kalɛ na bakɛ ɔkplu bɔkya na bana kayi kemmo na babla unwi lɛnɔ na bɔyɔ kemmo. Ɔmɛni ndubɔya na bakɛ lɛkɛ libendi lɛni nkɛnku ala kalɔ bunu nwaa. Na badubɔti Katɔti lɛbɛla lɛni ndi Kristo.

Eƒesoƒuɔ 6:19

Bivele na ami lɛnɔ lili na Katɔti ɔya na kenye kada-mi kalɛ na makana menye kpakplaa na medie litemi lɛmmɔ abɛla matina bekyuli na ɔyikun kemmo.

Korintoƒuɔ 1 4:7

Ɔma nédie-ɔ na áƒɔ kuye étulo ƒula ɔkpana? Ala ani na ebo ƒui ni, Katɔti néti-nya úte-ɔ. Na si lɛni na ɔdi ni, bi ɔsu na aakun lɛmɛnɛ aani si ɔɔɔdi Katɔti néte-ɔ ala ani na ébo?

Korintoƒuɔ 1 4:1

Bitaanu-bu aani Kristo kabla bablane bani mɔɔnu Katɔti etemila geen ani na útedie keyi dii lɛlɔ.

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Eƒesoƒuɔ 1:18

Na muuvele Katɔti nnii bina kasusu kabla nwaa na bɛnu nwuna bukeye bɛti kalɛ na biti bina anu bɛsia ala ani ɔsu na ɔ́lɔ-mii ku ala bonwu ani na bɔɔkɛ́ taadi na nwuna baƒɔtaadine akɔ lɛlɔ.

Yesaia 29:10

Unwoti ɔ́ya na lɛlɛɛ lɛ́ƒɔ-mii anumi susuusu na bɛ́lɛɛ bísie ɔgyu. Na úti ala úbi bina lili ku anumi amii bani ndi nwuna kenye bediene ku bekyuli bani mɔɔnu ala taasu bekyuli.

Batalane Kabla 16:14

Na bana kemmo unwi baalɔ banii Lidia. Uuyé adi egyiedi na Tiatira, na ɔdi ukyuli ɔni mɔɔbu Katɔti geen. Na uwi ɔni na ɔkya uunú bula butemi bɔmɛni ni, Blɔti úbimi-nwu kasusu na ɔ́ƒɔ etemila ani na Paulo ɔ́su mɛni ƒui.

Yesaia 29:11

Na kenye kani na budie taatina bɔmɛni bɔdanku ƒui bɔdi lɛbɛla lɛni na Katɔti útile-mu kenye. Na si ɔdi ɔgyi bɔka muedi ni, ɔdubɔsu ɔnini, “Bétile bunweni bɔmmɔ kenye ɔsu bulakana bɔka.”

Mateo 13:10

Amu na batɛyane bammɔ bébo Yesu kudɔ na bébeye-nwu banii, “Bi ɔsu na aatina bekyuli bammɔ ala na agba kemmo?”

Mateo 20:23

Mmɔ na Yesu ɔ́su-ma ɔnini, “Sɔsɔ na ɔdi ka bɛdubɔkana-nya buti. Nsu liiibo kuƒi ka lidie ukyuli ɔdi nnii ulie-mi kɔdianu ku kɔmii. Kuliekɔ kɔmɛni kuse kute bekyuli bani na mina ɔti ɔ́klibi-ku úse.”

Marko 10:40

Nsu liiibo kuƒi ka lidie ukyuli ɔni ndubulie-mi kɔmiinu iye kɔdianu. Mina Ɔti ndubuti ute bekyuli bani na ɔ́klibi mmɔ úse úte.”

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.