Mateo 12:8 - Katɔti Ɔku Kedee

⁸ Ɔsika Ukyuli Ɔyawine Ubi ɔdi lɛnwunameyi Unwoti.”

Mateo 12:8 Referans Kwoze

Luka 6:5

Amu na kawɔlɔkɔ ni, Yesu ɔ́su-ma ɔnini, “Ukyuli Ɔyawine Ubi ni, anwu ndi Unwoti ute lɛnwunameyi.”

Marko 2:28

Anwuɔsu ami Ukyuli Ɔyawine Ubi ndi lɛnwunameyi lɛnɔ Unwoti.”

Mateo 9:6

Ndubudie lɛtina-mii ka Ukyuli Ɔyawine Ubi ubo ɔyikun na uti ekpidi ɔkyiɛ na kayawi mɛni.” Anwuɔsu ɔ́su ukyuli ɔni náƒɛ uwi kalɔ mmɔ ɔnini, “Ta nye, na eti ƒula atɛla na eteesie kaduli.”

Budie Taatina 1:10

Na limeyi lɛni lɛlɔ na baƒɔtaadine baasa teemwi Blɔti ni, Katɔti Kɔyu kɔ́ƒɔ-mi lɛlɔ kemmo ƒui na línu ka lɛdi lɛdi lɛ́ku momoomo aani kakpɛɛ na lɛɛtɛmi na mina kama.

Korintoƒuɔ 1 16:2

Na Kwasida limeyi biala ni, ɔdi biala ɔklibi lɛla lɛdi use sɛsɛɛ na kalɛ na ɔ́kɛ kenye na ɔklibi-nya use kalɛ na ɔ́sɔ ulabla egulabi adi buyi si líbo-mii kudɔ.

Korintoƒuɔ 1 9:21

Lɛni kani na mɔɔbla ku bekyuli bani naaadi Yudaƒuɔ lɛnɔ. Na lílie-ma akɔ aani ukyuli ɔni naaadi Yudani. Na naaadi Yudaƒuɔ ɔda bubo bɔdi lɛlɔ kalɛ na lɛƒɔ-ma lite Blɔti. Ɔmɛni ulátina ɔnii lɛ́ta línye Katɔti ɔda bubo lɛlɔ. Ɔsika geen ni, Kristo ɔda bubo lɛlɔ na mɔɔdi.

Mateo 8:20

Amu na Yesu ɔ́su-nwu ɔnini, “Beƒiebuo bebo libu lɛni kemmo na baatɛ, na baasɛ bebo ayu. Nsu Ukyuli Ɔyawine Ubi ni, anwu uuubo katɛnkɔ muedi.”

Mateo 12:32

Na ukyuli ɔni ndubɔlɔ Ukyuli Ɔyawine Ubi anyikpi adi ni, Katɔti ɔdubuti ɔkyiɛ-nwu. Nsu uleti anyikpi ani na ukyuli ɔdi ɔdubɔlɔ Katɔti Kɔyu ulakyiɛ-nwu na ngba bɔmɛni kemmo iye bɔni ndububo kemmo lɛnɔ.

Mateo 12:40

Kalɛ na Yona ɔ́kya kabɛ kebendi kaƒɔ kemmo emeyi atɛ usien ku ɔƒɛ ni, lɛni kani na Ukyuli Ɔyawine Ubi lɛnɔ ɔdubɔkya kalɔ kemmo emeyi atɛ usien ku ɔƒɛ.