Mateo 12:41 - Katɔti Ɔku Kedee

⁴¹ Na litemi bɔtɛ limeyi lɛmmɔ lɛlɔ ni, Niniweƒuɔ badubɔta bebebo-mii lɛnimi enwu, ɔsika bénwini kama bákya bana ekpidi uwi ɔni na Yona ɔ́kɔ lɛsa úte-ma. Na mɔɔsu-mii ka ukyuli ɔdi ɔkya-mii akɔ mɛni na utulo Yona.

Mateo 12:41 Referans Kwoze

Mateo 12:42

Na litemi bɔtɛ limeyi lɛmmɔ lɛlɔ ni, Uleku Ɔga ɔni nási kada kakɛ lɛnɔ ɔdubɔta unye na ubo-mii lɛnimi enwu, ɔsika ɔ́si ɔgyu kakaaka na úsie Ɔga Salomo kudɔ úténu-nwu lɛnunda ala bɔtina. Na mɔɔsu-mii geen ka ukyuli ɔni ntulo Salomo ɔkya mɛni.

Hebriƒuɔ 11:7

Uwi ɔni na Katɔti ɔ́lɛ Noa kpakplaa na ala ani na útanu tɔ lɛlɔ ni, Noa ɔ́ƒɔ ɔ́di. Anwuɔsu ɔ́nwi ɔkɔlɔ ubendi ɔni kemmo na anwu ku nwuna kaduli bekyuli béduo bákɛ bɔƒɔ na bɔyia bɔni na úti úte Katɔti ɔsu. Noa bɔƒɔtaadi bɔmɛni búnwini kɔtɔ bɔdu úte kayawi bekyuli ƒui. Na ka Noa ɔ́ƒɔ Katɔti ɔ́di ɔsu ni, Katɔti ɔ́su ka Noa ɔdi ukyuli ɔni nse siin.

Romaƒuɔ 2:27

Ukyuli ɔni mɔɔdi ɔda bubo bɔmmɔ lɛlɔ nsu útekulo lego ni, ɔdubɔdu-mii kɔtɔ ina ka amii na béte ɔda bubo bɔmmɔ na bíkulo ago lɛnɔ nsu biládi-mu lɛlɔ.

Yohane 3:31

“Ukyuli Ɔƒunadi ɔni na katɔ na ɔ́si ni, utulo ukyuli biala. Na ukyuli ɔni nási kalɔ lɛnɔ ni, kalɔ ukyuli kani na ɔdi. Na ɔɔtɛmi ala taasiku kalɔ lɛlɔ. Anwu ɔni nási Katɔ Ɔga Ɔma ni, utulo ukyuli biala.

Mateo 12:6

Na mɔɔsu-mii ka ni, lɛla lɛni náƒɔ kuye litulo Katɔti kakpakɔ lɛkya bina akɔ mɛni.

Yona 1:2

“Ta na esie ɔma unengudi ɔni baalɔ banii Niniwe, na atákɔ lɛsa ete-ma ka ami Unwoti mɔɔnu kalɛ na ɔma ɔmmɔ bekyuli baabla likyulikpi ala.”

Yeremia 3:11

“Ɛbɔ Israel kadi bekyuli ɔdi, ɔsika ama básɔ bátanyi ɔkɔ bamba ɔdi banii beesé-mi lisusu lɛdi.

Yohane 4:12

Munuu butulo na etulo bula Nana Yakob ɔni néku libiɔ lɛmɛni? Ntu bɔmmɔ na anwu ku nwuna bebi ku bebuo ƒui báni.”

Luka 11:32

Niniweƒuɔ badubɔta benye na bebo-mii lɛnimi enwu na litemi bɔtɛ limeyi. Ɔsika uwi ɔni na Yona ɔ́su-ma Katɔti litemi ni, bávumana udu na bénwini bana ekpidi kudɔ. Nsu mɔɔsu-mii geen ka ni, ukyuli ɔdi ɔkya-mii akɔ mɛni na utulo Yona!

Mateo 23:36

Na mɔɔsu-mii geen ka ubugya buwiakun bɔmɛni bɔsia amii bani nlie ngba mɛni lɛlɔ.

Mateo 17:17

Amu na Yesu údie kenye ɔnini, “Amii, ɔmwi limeyi bekyuli, bi ɔsu na bilaƒɔ-mi taadi na bɛɛyu atu ɔkplu? Uwi ɛlɛ sɔɔn na ndubɔkɛku-mii kayi? Naaakana na makya-mii kudɔ uwi biala! Biti ɔnamu ɔmmɔ biboku-mi mɛni!”

Mateo 16:4

Amii, ɔmwi limeyi bekyuli bekpidi bani mɔɔlɛ́ Katɔti kama ni, bɛɛwia ka lɛbla akɔla budie taatina na bɛnu. Nsu naaabla! Akɔla budie taatina ani kani na bɛdubɔnu ndi ani nálɛ na Yona lɛlɔ.” Anwuɔsu ɔ́gyu ɔ́tɔlɔ-ma kudɔ.

Mateo 12:45

Ɔmɛni ɔsu ni, ɔɔsɔ teenwini teesie na utákpanku ayu ekpidi maatɛ ani ntulo-nwu, na bebo bebelie mmɔ. Na kawɔlɔkɔ ni, ukyuli ɔmmɔ ablala eebie teetulo kalɛ na ése kudeedi muedi. Ɔmɛni ndububo kaba kekpidi kamɛni lɛlɔ.”

Mateo 12:39

Mmɔ na Yesu údie kenye ɔnini, “Bɛnu kalɛ na ɔmwi limeyi kaba bekyuli bebo likyulikpi na balayia Katɔti. Bɛɛwia bɛnii mbla akɔla budie taatina adi, nsu lɛɛɛdubo bɔbla. Akɔla budie taatina ani kani na bɛdubɔnu ndi ani ndaku Katɔti Kenye Udiene Yona.

Yesaia 54:17

Ekpola ani na bákywɛɛ ka beti bekpo-mii aladi-mii lɛlɔ. Na enyekpi ani na bekyuli badubɔsu basiku-mii lɛlɔ alabla-mii lɛla lɛdi. Yerusalem ɔdi bina ɔdi na ndubute-mii kusɛ kusɛ na bɛdi lɛlɔ. Ami Unwoti násu.”

Yona 3:4

Yona úse kalɔ uusié taavi ɔma ɔmmɔ kemmo limeyi limodi, na uute-ma bɔti ka, “Badubɔkyula Niniwe ɔma udu ƒui na emeyi aavlene kama.”