Mateo 12:34 - Katɔti Ɔku Kedee

³⁴ Bɛdi bekyuli bekpidi geen aani balakpi! Na ala abuni adi alalɛ-mii kenye! Ala ani nkya ukyuli kasusu kemmo kani na uudie keyi.

Mateo 12:34 Referans Kwoze

Luka 6:45

Ukyuli ɔbuni ni, ala abuni na uudie taalɛku nwuna akɛla abuni ani nkya nwuna kayi kemmo. Na ukyuli ukpidi lɛnɔ uuboku akɛla ekpidi ani nkya-nwu kayi kemmo. Ɔsika ala ani néyi ukyuli kayi kemmo ni, anya na nwuna kenye kaasu.

Mateo 15:18

Nsu ni, etemila ani mɔɔlɛ́ kenye kemmo ni, ási kayi kemmo. Na anya mɔɔyá na ukyuli uusé lɛlɔ.

Eƒesoƒuɔ 4:29

Bitasu etemila ani muusé lɛlɔ, mmomu bɛsu etemila ani mɔɔkya ukyuli ɔkplu kalɛ na ɔ́manku. Na si bekyuli bénu bina etemila ni, na bakɛ kɔsia.

Samuel 1 24:13

Lɛni na benengu bébo lɛgba banini, ‘Alaekpidi bablane alati ndanku bana likpidi bakɛ,’ anwuɔsu mina kɔnu kɔɔɔdubo-ɔ butuku.

Yohane 1 3:10

Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.

Mateo 12:35

Ukyuli ɔbuni ni, ala abuni ani nse-nwu na uudie taalɛku keyi. Na ukyuli ukpidi lɛnɔ ni, alaekpidi ani nse-nwu na uudie taalɛku keyi.

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Yesaia 32:6

Adɔlɔtɛ na badɔlɔdi baatɛmi, na likpidi bɔbla kɔkwɛ kani na baakya. Na baasu ɔkɔ ala teedumi Unwoti na baayá na kɔka ku utukwɛ ɔɔdú bekyuli na beekpi.

Mateo 23:33

“Bekyuli bekpidi bɛdi! Bise aani balakpi ku bana bebi! Anwuɔsu ni, bɛɛɛdubo bɔkana na bikeli Katɔti kɔtu kɔni na ɔdubɔni-mii na lɛgyavonku kemmo!

Yesaia 59:14

Ɔkɔ etemila bɔtɛ kani náƒɔ kesii biala. Na ala bɔbla siin bɔdi bɔsɔ buuubo, na litemi geen ani lɛ́sa ƒui aani kalɛ na baabɔku lɛla lɛdi teedie kesii kadi.

Kɔgya 64:3

Bádɔ bana linyemi aani kuwii na bana kenye ɔdu etemila na baatu taalɛ-mi aani kataminta atula.

Mateo 3:7

Uwi ɔni na Yohane ɔ́nu Ƒarisiƒuɔ ku Sadukiƒuɔ pii ka badubo na ɔkpila-ma ntu ni, ɔ́su-ma ɔnii, “Amii bani mbo likyulikpi aani balakpi! Bitatɔlɔ lɛlɔ bɛnii si bákpila-mii ntu kani ni, ɔ́sa na bɛ́lɛ Katɔti kɔtu kɔni na ɔdubɔni bekyuli bekpidi kemmo.

Luka 3:7

Bekyuli pii bálɛ bébo banii Yohane ɔkpila-ma ntu. Nsu Yohane ɔ́su-ma ɔnini, “Bibo likyulikpi aani balakpi! Bitatɔlɔ lɛlɔ bɛnii si bákpila-mii ntu kani ni, ɔ́sa na bɛ́lɛ Katɔti kɔtu kɔni na ɔdubɔni bekyuli bekpidi kemmo.

Yesaia 59:4

Biiti lɛlɔ teesienku litemi katɛkɔ nsu bilátɛ etemila ulu siin lɛlɔ. Mmomu unyeƒi ukpludi ku kenye ogya ku ɔkɔ ala sɔɔn na bɛɛsu. Na biilie taabla kasusu kekpidi uwi biala anwuɔsu lɛnɔ na bɛɛwɔ likpidi.

Kɔgya 53:1

Ɔdɔlɔdi mɔɔsu na nwuna kayi kemmo ɔnini, “Katɔti uuubo.” Likyulikpi lɛ́ƒɔ-ma keliela kemmo ɔsu balábla lɛbuni lɛdi.

Kɔgya 64:5

Na likyulikpi lɛmɛni lɛlɔ kani na benye kpakplaa na baasu ka badubɔbɛ bakywɛ-mi kɔkpagyuɛ na baasu banini, “Ukyuɛdi ulanu-bu.”

Agba 4:23

Na lɛla lɛni ntulo ƒui ni, da ƒula kayi kemodi kammɔ kaduɛ, ɔsika ngba libiɔ lɛni mɔɔyu ntu kadi.

Agba 16:23

Ɔnundane ni, lɛnunda etemila na ɔɔtɛmi. Na nwuna etemila aatu ukyuli teenwini.

Yesaia 9:17

Anwuɔsu na lɛlɔ lilayɔ Unwoti Katɔti na bana bakɔdi lɛlɔ munu munu, na bekpinebi ku bekpinele basɔ baládu-nwu kaƒɔ, ɔsika bana ƒui basɔ balábla Unwoti lɛyɔla, na baabla kalala na baanyi ɔkɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Eƒesoƒuɔ 5:4

Lɛni kani na utalɛka bitatɛmi kɔyalɛtɛ, ɔsika atɛ ekpidi ku adɔlɔla na adi. Mmomu biti linugya biteete Katɔti.

Yakobo 3:2

Ɔsika bula ƒui bɔɔƒiɔ́. Nsu si ukyuli ɔdi ulaƒiɔ na lɛla lɛni na ɔɔsu kemmo ni, na ukyuli ɔmmɔ use siin na ɔda lɛlɔ lɛnɔ kaduɛ.