Mateo 12:30 - Katɔti Ɔku Kedee

³⁰ “Ukyuli ɔni naaasiaku-mi ni, ɔ́ta únye-mi lɛlɔ. Na ukyuli ɔni naaani teede-mi ni, na uukeli-mi.

Mateo 12:30 Referans Kwoze

Marko 9:40

Na ukyuli ɔni nétenye útetile-bu ni, abu ku-nwu bɔdi benwi.

Luka 11:23

“Ukyuli ɔni neeenyeku-mi ni, agyi anii ɔ́ta únye-mi lɛlɔ geen. Na ukyuli ɔni neeebunku-mi na bɔsala ni, agyi anii bugyingya na uugyingya.

Luka 9:50

Amu na Yesu ɔ́su nwuna batɛyane ɔnini, “Bitabala-nwu. Ɔsika si ukyuli ɔdi útata útenye-mii lɛlɔ ni, bɛti bɛnii unye-mii kama.”

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.

Yosua 24:15

Nsu si Unwoti kama bɔsiaku buláda-mii kubiti ni, amii bidie ɔmwi limeyi lɛmɛni anwu ɔni geen na bɛɛyɔ́ ka bɛsiaku. Si baƒiɔ bani na bina bati kuuku bákpa na Euƒrate Ketu ɔvi ngye iye Amoriƒuɔ kalɔ kani bilie mɛni baƒiɔ na bɛɛyɔ́ ni, bidie. Nsu ami ku mina kaduli bekyuli abu ni, Unwoti lɛti na bɔdubɔsiaku.”

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Yosua 5:13

Uwi ɔni na Yosua ɔni uude Yeriko ni, ka ɔ́talaku anumi ni, kɔnakunwi kani na ɔ́nu ɔnana ɔdi ka unye-nwu anumi na ɔ́da kewii kagyɔlɔɔ kadi. Amu na Yosua ɔni ude-nwu na úye-nwu ɔnini, “Adi bula bekpone akɔ unwi, munuu ukisine na adi-bu?”

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Yohane 11:52

Na ɔɔɔdi ama lɛti. Mmomu ku kalɛ na ɔsala Katɔti bekyuli bani négyingya bakya kayawi ekpo ekpo ƒui lɛlɔ na ɔbla-ma unwi.

Hosea 1:11

Yudaƒuɔ ku Israelƒuɔ ƒui badubɔsala babla unwi na baƒuna ɔtɔnkune unwi. Mmɔ na badubɔsɔ baƒɔ bana kalɔ benwini bana ɔdi, na limeyi lɛmmɔ lɛdubɔbla lɛlɔyɔ limeyi bonwu na Yesreel.”

Agba 11:24

Bekyuli badi bakya na beete bekyuli ala ku kaƒɔ, nsu bana lɛkɛ limomo teebu. Nsu babambadi lɛnɔ baabla lɛnumi, nsu baayila lɛla biala na bebo.

Mateo 12:29

“Mbo ɔyikun ntulo Satan, ɔsika ukyuli ɔdi ulakana na wabwɛ weduo ɔyikune ɔdi kɔduli weti-nwu ala ntu si ɔ́kana-nwu buƒie bunyimi asa na wakana-nwu kaduli buduo.

Kɔgya 94:16

Ɔma ndubo-mi bubunku na ukpo balalane bammɔ ute-mi?