Mateo 12:25 - Katɔti Ɔku Kedee

²⁵ Na Yesu ɔ́ti bana kasusu na ɔ́su-ma ɔnini, “Lɛga kadikɔ kani néle lɛlɔ akpa akpa ni, kelénye. Na ɔma iye kaduli kani muule lɛlɔ akpa akpa na beekpóku lɛlɔ ni, kaabwɛ.

Mateo 12:25 Referans Kwoze

Galatiƒuɔ 5:15

Nsu si bɛɛtu lɛlɔ akpɛlɛ ka bibile lɛlɔ ni, na bɛti ka lɛkpa lɛmmɔ lɛdubo udu bɔyii ƒui.

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Korintoƒuɔ 1 2:11

Kalɛ na ukyuli kɔyu kɔni nkya-nwu lɛlɔ kemmo kɔgyi lɛla biala na nwuna lɛlɔ ni, lɛni kani na Katɔti Kɔyu kɔgyi lɛla biala na Katɔti lɛlɔ.

Mateo 9:4

Yesu ɔ́nu bana kasusu kamɛni ɔ́ti na úye-ma ɔnini, “Bi ɔsu na biiti kasusu kekpidi kamɛni udu?

Yesaia 9:21

Manase ɔdubo Eƒraim badi bɔkun, na Eƒraim ɔ́kun Manase badi aani beƒiebuo kalɛ. Na bana inyɔ benwini benye Yuda lɛlɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Budie Taatina 16:19

Na ɔma unengudi ɔmmɔ ɔ́bwɛ úle akpa atɛ, na lɛma linengudi lɛkladi lɛni nkya kayawi ekpo ƒui lɛ́bwɛ ƒui. Mmɔ ni, Katɔti únyimo Babilon ɔma unengudi ɔmmɔ ekpidi na ɔ́ya na ɔ́ni nwuna kɔnyi lɛbibo ɔɔƒɛɛ ɔmmɔ ƒui.

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Marko 2:8

Yesu ɔ́nu bana kasusu kemmo ɔ́ti na ɔ́su-ma ɔnii, “Bi ɔsu na ɔmɛni uukpóku-mii?

Kɔgya 139:2

Na agyi-mi ablala ku kɔvinkɔ ƒui. Na mina lili kemmo kakali ƒui kátabɛ-ɔ na kesii kani na eli mmɔ.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Yohane 21:17

Kɔtɛdi ni, Yesu ɔ́sɔ úye Petro ɔnini, “Simon, Yohane ubidi, aayɔ́-mi?” Amu ka Yesu ɔ́sɔ úye-nwu kɔtɛdi ɔnii, “Aayɔ́-mi?” ɔsu ni, Petro lɛlɔ lɛ́bla anwu ɔlati kɔnyana, na ɔ́su Yesu ɔnini, “Blɔti, agyi lɛla biala. Na agyi lɛnɔ ka mɔɔyɔ́-ɔ!” Amu na Yesu ɔ́su-nwu ɔnini, “Taanu mina baƒonu lɛlɔ.

Amos 4:13

“Ami nédie abi ku ɔƒɛƒɛɛ. Na ami mɔɔyá na bekyuli baatí mina kasusu. Na ami mɔɔyá na ɔƒɛ kadi kaasá. Na mɔɔkɔ́ taayu abi ammɔ ƒui eli ku kesi kesii. Ami ndi Unwoti Katɔti Ɔyikune Ƒui ɔmmɔ!”

Baga 1 16:21

Na uwi ɔmmɔ kemmo ni, Israelƒuɔ béle lɛlɔ kemmo inyɔ. Na kakɛ benye bete ka beti Ginat ubidi Tibni bese lɛga. Na badi lɛnɔ benye bete Omri.