Na ka bási baayu kɔbi kɔmmɔ lɛlɔ ni, Yesu úbo-ma ɔda ɔnini, “Bitasu ukyuli ɔdi lɛla lɛni bɛ́nu mɛni wetédu uwi ɔni na ami Ukyuli Ɔyawine Ubi mata malɛ bekpine akɔ.”
Amu na Yesu ɔ́su-nwu ɔnini, “Nu kaduɛ, na tasu ukyuli ɔdi lɛla lɛdi. Mmomu teesie na eti lɛlɔ atátina Katɔti ɔkpane, na udie-ɔ kenye. Na ete akpala ani na Mose ɔda bubo bɔ́tina. Na ukyuli biala ɔnu ɔti ka ɔlɛ ɔmmɔ ɔ́ba-a sɔsɔ.”
Amu na Yesu ku nwuna batɛyane bésie Galilea Ɛpu kudɔ. Na bekyuli lisu pim bani nási Galilea ku Yudea ku Yerusalem ku Idumea ku bani nási Yordan Ketu ɔvi ku bani nási Tiro ku Sidon lɛnɔ básiaku-ma. Ɔsika nwuna akɔla bɔbla búusie ɔgyu kakaaka ƒui, na bekyuli pii baayɔ́ ka beti anumi babanu-nwu.
