Mateo 12:15 - Katɔti Ɔku Kedee

¹⁵ Uwi ɔni na Yesu únu ka Ƒarisiƒuɔ beeti-nwu lɛlɔ kasusu kekpidi ni, ɔ́tɔlɔ-ma kudɔ mmɔ, na bekyuli pii badi básiaku-nwu. Ɔ́bwi bani muuƒi ƒui na bana akɔ.

Mateo 12:15 Referans Kwoze

Mateo 10:23

Si beekpóku-mii na ɔma unwi kemmo ni, bikeli bisie ɔbambadi kemmo. Na mɔɔsu-mii geen ka bilawɔlɔ bina kabla na Israel lɛma ƒui kemmo asa na ami, Ukyuli Ɔyawine Ubi, masɔ mebo.

Yohane 11:54

Ɔmɛni ɔsu ni, Yesu ɔsɔ ulavi ɔgbami na Yudaƒuɔ akɔ. Mmomu ɔ́tɔlɔ úsie utélie ɔma blii ɔdi nde ketele na baalɔ-nwu banii Eƒraim. Na anwu ku nwuna batɛyane bákya mmɔ.

Yohane 7:1

Na ɔmɛni kama ni, Yesu útaavi na Galilea kalɔ lɛlɔ na útayɔ ka usie Yudea kalɔ lɛlɔ ka Yudaƒuɔ bakya baawia ulu ɔni lɛlɔ na basia na badu-nwu ɔsu.

Mateo 19:2

Na bekyuli pii badi básiaku-nwu kama na ɔ́bwi-ma lɛlɛ na mmɔ.

Marko 6:56

Na ekpo ani ƒui na Yesu úsie ni, ɔma na ɔdi o-o, lɛkpaklɔ na lɛdi o-o ni, bekyuli beeti balɛne teesienku kuyeya na beevele-nwu ka ɔya na betuku nwuna awu kɔtu. Na bani nétuku-nwu ni, lɛlɔ lɛ́yu-ma ɔkplu.

Petro 1 2:21

Na ɔmɛni na Katɔti ɔ́lɔ-mii ɔnii bibabla. Ɔsika Kristo ɔlati úbo abi na bina lili na ɔ́tina-mii ɔnii bɛsia nwuna kasiakɔ.

Galatiƒuɔ 6:9

Bitaya na enu aƒɛ-bu ku lɛbuni bɔbla. Ɔsika si enu átaƒɛ-bu ni, uwi ɔdubo ɔni na bɔdubɔkɛ edula ani na bɔ́va ebi.

Yohane 9:4

Si uwi ɔni na kadi kátasa tɔ ni, ɔdi ka butaabla Katɔti ɔni nátala-mi kabla. Ɔƒɛ ɔdubo bɔsa ɔni na ukyuli biala ɔsɔ ulakana lɛla lɛdi biala bɔbla.

Luka 6:12

Uwi ɔmmɔ kemmo ni, Yesu ɔ́tɔlɔ úsie kɔbi lɛlɔ. Na ɔkya ɔɔkpali katɔ usien ɔmmɔ ƒui.

Luka 5:22

Amu ka Yesu ɔ́nu-ma kasusu ɔ́ti ɔsu ni, úye-ma ɔnini, “Bi ɔsu na bɛɛkali ala amɛni udu?

Luka 9:11

Ka bekyuli pii bénu lɛni ni, básia-nwu kama bésie mmɔ. Yesu lɛnɔ ɔ́ƒɔ-ma na ɔ́tɛmi úte-ma ɔ́si Katɔti lɛga kadikɔ ala lɛlɔ, na ɔ́bwi bani na ɔlɛ ɔda.