Mateo 12:12 - Katɔti Ɔku Kedee

¹² Ukyuli ɔ́ƒɔ kuye útulo koƒonu. Anwuɔsu ɔda bubo buute kuƒi ka bɔnu kɔnyana na lɛnwunameyi lɛlɔ.”

Mateo 12:12 Referans Kwoze

Mateo 6:26

Bɛnu baasɛ ka balátuma na baláklibi edula teese teete lɛlɔ na linwu kemmo, nsu bina Katɔti ɔɔnu-ma lɛlɔ. Na ɔdubɔnu amii lɛlɔ utulo-ma, ɔsika bɛ́ƒɔ kuye bítulo-ma.

Luka 6:9

Amu na Yesu úye-ma ɔnini, “Bi na bula ɔda bubo búte-bu ulu ka bɔbla na lɛnwunameyi lɛlɔ? Ɔdia ka bɔbla lɛbuni na lɛnwunameyi lɛlɔ munuu ka bɔbla likpidi? Iye ni, ɔdia ka bɔƒɔ bekyuli ngba munuu bɔyila-mu?”

Marko 3:4

Amu na únwini anumi ɔ́tina bekyuli bammɔ na úye-ma ɔnini, “Ɔdia ka ukyuli ɔbla lɛbuni na lɛnwunameyi lɛlɔ? Munuu lɛnwunameyi ɔdi limeyi lɛni lɛlɔ na ukyuli ubile lɛla? Ɔdi limeyi lɛni lɛlɔ baaƒɔ́ ngba, munuu ɔdi limeyi lɛni lɛlɔ na beebile ngba?” Nsu bátakana-nwu lɛla lɛdi bɔsu.

Mateo 10:31

Anwuɔsu bitayia, ɔsika bɛ́ƒɔ kuye bítulo baasɛ pii.

Luka 12:24

Bɛnu baasɛ na kayaa ka balágya na baláƒɛ edula lɛnɔ. Beeebo linwu iye edula kakyakɔ. Nsu Katɔti uute-ma bɔdi! Na amii bɛ́ƒɔ kuye bitulo baasɛ kukuuku.

Luka 14:1

Na lɛnwunameyi lɛdi lɛlɔ ni, Yesu úsie Ƒarisiƒuɔ benengu akɔ unwi ɔdi kesii likpo lɛni na bálɔ-nwu banii ubadi. Na bekyuli bakya baatú-nwu kpakplaa.