Mateo 11:6 - Katɔti Ɔku Kedee

⁶ Lɛlɔ litaayɔ bekyuli bani na bana kasusu kalabla inyɔ inyɔ na mina ala ani mɔɔbla ɔsu.”

Mateo 11:6 Referans Kwoze

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.

Mateo 26:31

Mmɔ na Yesu ɔ́su nwuna batɛyane ɔnini, “Bina ƒui bɛdubukeli-mi kudɔ, na kebu ami lɛti. Ɔsika Bunweni Kedee Ɔku ɔɔsu ɔnini, “ ‘Katɔti ɔdubɔdu baƒonu ɔdane ɔmmɔ na nwuna baƒonu begyingya.’

Yohane 6:66

Na ɔmɛni kama ni, nwuna basiakune pii bénwini kama na básɔ bátasiaku-nwu.

Mateo 24:10

Bekyuli bani náƒɔ-mi bádi pii badubunwini kama bakya-mi uwi ɔmmɔ kemmo. Na badubɔkya bana bakpana kakya na beteekisi lɛlɔ.

Petro 1 2:8

Na Bunweni Kedee Ɔku likpo bamba lɛɛsu lɛnini, “Ɔdi lɛtabi lɛni ndubɔya na bekyuli betulo, na ani kani ndubɔya na begyiile bebuli.” Bétulo, ɔsika bátadi litemi lɛmmɔ lɛlɔ. Na lɛni na Katɔti ɔ́su úse ka walɛku-ma.

Mateo 18:7

“Bɔbuɛ muute kayawi ɔsika ala adi akya-ka kemmo ani ndubɔya na bekyuli benwini kama bakya bana bɔƒɔtaadi na mina lɛlɔ. Ala ammɔ udu adubo bɔkya uwi biala bɔdi. Nsu ukyuli ɔni lɛlɔ na ala amɛni adubɔsia eduo bekyuli akɔ ni, bɔbuɛ ndi anwu ɔdi.

Galatiƒuɔ 5:11

Banwa, na mina kakɛ ni, si bɔsu na mmu mɔɔsu bekyuli ka ɔlɛka bekulo ago ni, na nka bi ɔsu na bekyuli beekpóku-mi? Na ɔɔtina ka nka Kristo kukpi na ugyii lɛlɔ lɛsa lɛni mɔɔkɔ́ ni, ɔsɔ ulékpoku Yudaƒuɔ.

Kɔgya 119:1

Lɛlɔ lɛdubɔyɔ bekyuli bani na likpidi bɔbla buuubo-ma keliela kemmo. Mmomu beelie ngba na Unwoti ɔda bubo kenye.

Luka 2:34

Na Simon úte-ma kusɛ kusɛ na ɔ́su Maria ɔnini, “Ubi ɔmɛni ɔdi Katɔti Ukyuli Ɔƒunadi. Na ɔdi bɔƒɔ iye bɔyii ute Israelƒuɔ pii na kalɛ na báƒɔ-nwu kenye. Ɔdi bɔnu bɔti bɔni nási Katɔti kudɔ na bekyuli pii badubɔta benye-nwu lɛlɔ.

Mateo 5:29

Anwuɔsu si ƒula kɔdianu lɛnimi lɛɛyá na aabla likpidi ni, die-ni vaakun. Ɔdia ute-ɔ ka ƒula lɛlɔ kakɛ kadi kayii utulo si Katɔti úti awɔ ukyuli umodi ɔmmɔ ƒui ɔ́kya lɛgyavonku kemmo.

Mateo 13:21

Nsu ka litemi lɛmmɔ lítaƒɔ-ma lɛlɔ kemmo ɔsu ni, lilélie-ma kemmo teetu uwi ɔdi. Anwuɔsu si lɛbibo iye bukpoku bɔdi búbo-ma lɛlɔ na litemi lɛmmɔ ɔsu ni, enu aaƒɛ-ma kɔnakunwi.

Marko 6:3

Ɔɔɔdi anwu ndi Maria ubidi ɔni ndi ligyii ɔnwine? Munuu ɔɔɔdi Yakobo ku Yose ku Yuda ku Simon banwani na ɔdi? Na nwuna banwani belekubi lɛnɔ nkya mɛni!” Anwuɔsu bekyuli bamɛni béni-nwu.

Luka 7:23

Lɛlɔ lɛdubɔyɔ ukyuli ɔni nátanu linyeyɔla lɛdi na mina lɛlɔ.”

Yohane 16:1

“Lɛ́ɛsu-mii ɔmɛni kalɛ na enu alaƒɛ-mii na bina bɔƒɔtaadi kemmo.