Mateo 11:5 - Katɔti Ɔku Kedee

⁵ Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Mateo 11:5 Referans Kwoze

Luka 4:18

“Katɔti Kɔyu kɔ́ƒɔ-mi lɛlɔ kemmo ƒui, ɔsika Katɔti náƒuna-mi ɔnii nti litemi buni lɛmɛni mboku bawabane. Na ɔ́tala-mi ɔnii nkɔ lɛsa nte bekyuli bani na béƒie kalɛ na bakɛ bɔnwuna. Na bani na anumi ábwɛ-ma ni, bataanu. Na bekyuli bani na baanya taakya ku lɛbibo ni, bakɛ bɔnwuna.

Yesaia 29:18

Na uwi ɔmmɔ kemmo ni, batutine muedi badubo buteenu ala ani na baaká teete-ma taasiku ɔku ɔdi kemmo. Na ɔbla banumbwɛne nwaa ɔni na ɔsɔ ulése-ma suu aani lɛdisa kemmo na bakya.

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Mateo 21:14

Amu na badi béti banumbwɛne ku bani naaakana busie kaduɛ béboku kakpakɔ kaduli mmɔ, na Yesu ɔ́bwi-ma.

Yohane 10:38

Nsu si anya na mɔɔbla bɔdi ni, si ina bilaƒɔ ami ɔlati taadi ni, ɔdi ka bɛƒɔ ala ani na mɔɔbla anya bɛdi. Na si bɛ́bla lɛni ni, bɛdubɔnu bɔti kɔnakunwi ka Katɔti uliku-mi na ami lɛnɔ nliku-nwu.”

Yohane 10:25

Amu na Yesu ɔ́su-ma ɔnini, “Lɛ́ɛsu-mii ɔmɛni ḿbavi, nsu bilaƒɔ-mi taadi. Na ala ani mɔɔbla ɔkɛnku mina Ɔti ɔyikun lɛlɔ muudie-mi kenye.

Yohane 5:36

“Nsu kenye kani na mbo na medie ni, ketulo Yohane ɔdi ƒui. Kabla lidu lɛni na Ati úte-mi ka mbawɔlɔ na kana lɛlɔ na nnye ni, aka muudie taatina ka Anwu nátala-mi.

Yohane 3:2

Ɔ́bɛ úbo Yesu kudɔ usien na úbeye-nwu ɔnini, “Ala ɔtinane, buvele, bula ƒui bɔgyi ka awɔ nási Katɔti kudɔ ébo abatina-bu ala, ɔsika ukyuli biala ɔdi ulakana akɔla budie bɔtina bɔmɛni udu bɔbla amu ntu Katɔti uliku-nwu.”

Yohane 2:23

Uwi ɔni na Yesu ɔ́kya Yerusalem na Kukpi Lili Bɔvia uwi kemmo ni, bekyuli pii bánu akɔla lidu lidu lɛni na ɔ́bla na báƒɔ-nwu bádi ka ubo Katɔti ɔyikun.

Marko 9:25

Amu na uwi ɔni na Yesu ɔ́nu ka bekyuli pii bammɔ baaní teede-ma ni, útemi úte kɔyu kɔmɛni ɔnini, “Kɔyu kukpidi kɔni neeenu na kulétemi, mɔɔsu-ɔ ka vi lɛ ɔnamu ɔmɛni lɛlɔ kemmo, na sɔ teduo-nwu lɛlɔ kemmo kudi kudii lɛnɔ!”

Marko 7:37

Na bekyuli bani ƒui nénu ala ammɔ ni, ɔ́bla-ma yaa! Na básu lɛlɔ banini, “Ɔɔbla ala ani ƒui kaduɛ sɔsɔ! Ɔɔyá na bamumu baatɛmi, na batutine lɛnɔ beenú!”

Mateo 10:8

Bɛbwi balɛne na bɛgyila bekpine. Bɛbwi bani muuƒi ɔlɛgyie, na bɛgya ayu ekpidi. Bíteye ɔyikun ɔmɛni na mina kudɔ, anwuɔsu amii lɛnɔ biteti bitadi kuye.

Mateo 9:30

Mmɔ kani na anumi álɛmi-ma. Na Yesu úbo-ma ɔda kpakplaa ɔnini, “Bitasu ukyuli ɔdi lɛla lɛmɛni.”

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Yesaia 43:8

Bɛsala mina bekyuli bite-mi. Bebo anumi ku atu, nsu belenu na balanu.

Kɔgya 146:8

Unwoti Katɔti uubimi banumbwɛne anumi. Na bani na bekyuli béboku-ma kalɔ ni, ɔɔkɔliku-ma katɔ, na ɔɔyɔ́ bekyuli bani na bese siin.

Kɔgya 22:26

Bawabane badubo bɔdi bumo. Na bani mɔɔwia Unwoti Katɔti ni, badubo-nwu buteemwi uwi ndi uwi na ɔdubɔtɛ ute-ma uwi ƒui.

Baga 2 5:14

Ɔmmɔ ɔsu Naaman útéduo Yordan Ketu kemmo, na ɔ́nyina lɛlɔ ɔ́kya ntu bɔmmɔ kemmo maatɛ aani kalɛ na Katɔti ukyuli ɔmmɔ ɔ́su-nwu, na nwuna ɔlɔna ɔ́sɔ únwini úbo na ɔ́bla sɛɛn aani ubiwɔ ɔdi kalɛ.

Baga 2 5:7

Ka Israelƒuɔ ɔga ɔ́ka kakunkɛ kamɛni ni, ɔtɔtɔ ɔ́gyu-nwu na ɔ́ni nwuna awu ɔ́bwɛ. Na údie lɛdi ɔ́su ɔnini, “Dɛ na Siriaƒuɔ ɔga ɔɔnu-mi ɔsu na ɔnii ami mbwi ɔnana ɔmɛni? Munuu ɔɔkali ka Katɔti na ndi na mbo kukpi ku ngba ɔyikun yoo? Lɛla lɛni na ɔ́bla mɛni ni, údie ɔ́tina ka unye ɔɔwia kuƒi na ɔkya kadɔ na ami ku-nwu ntɛ.”

Mateo 5:3

“Lɛlɔ litaayɔ bekyuli bani nánu báti ka Katɔti lɛti lɛlɔ na basia anu. Ama ndubuduo Katɔti Lɛga Kadikɔ.

Batalane Kabla 2:22

“Ati bene biinú? Yesu Nasareni ɔdi Ukyuli Ɔƒunadi ɔni lɛlɔ na Katɔti ɔkɛ údie nwuna ɔyikun ku akɔla bɔbla keyi ɔ́tina-mii aani kalɛ na amii alati lɛnɔ bɛgyi.

Sakaria 11:7

Anwuɔsu baƒonu bani na balati bédie bése ka badu mmɔ ni, línwini bana lɛlɔ ɔnune. Na ligyii inyɔ lɛni nda mɔɔkpanku-ma mmɔ ni, lɛ́sia-ni anyi. Na unwi mɔɔlɔ nnii Kɔnyana Bɔnu, na unyɔdi mɔɔlɔ nnii Unwi Bɔbla.

Israelƒuɔ Bɔlɛ 4:11

Amu na Unwoti ɔ́su-nwu ɔnini, “Ɔma nédie ukyuli kenye? Na ɔma mɔɔbla ukyuli na ulákana butemi iye ulenu? Na ɔma mɔɔyá na ukyuli ɔɔnu iye ɔɔyá na anumi aabwɛ-nwu si ɔɔɔdi ami Unwoti?

Yesaia 29:19

Na bawabane ku bani mɔɔyaki ala ƒui ni, badubɔdi limeyi ku kɔvanu na bebo kudu momoomo na Israel Unwoti Katɔti ɔni nse kedee ɔsu.

Mateo 11:4

Amu na Yesu údie kenye ɔnini, “Binwini bisie na bitásu Yohane ala ani na biinú ku ani na bɛɛnu ka mɔɔbla.

Mateo 12:13

Amu na ɔ́su ɔnana ɔni na kɔnu kɔ́gogolo-nwu mmɔ ɔnini, “Nene ƒula kɔnu.” Na únene-ku. Kɔnakunwi ni, kɔnu kɔmmɔ kɔ́sɔ kɔ́bla aani kalɛ na kunyɔdi kɔmmɔ kuse.

Yohane 9:7

Na ɔ́su-nwu ɔnini, “Teesie na atáƒɔ anumi na lɛba blii lɛni baalɔ banii Siloa kemmo.” Na Siloa kalɔ ndi bátala-nwu. Anwuɔsu ɔnana ɔmmɔ úsie na útáƒɔ nwuna anumi. Na nwuna anumi álɛmi na ɔɔnu, na ɔ́sɔ únwini úbo kaduli.