Mateo 11:22 - Katɔti Ɔku Kedee

²² Na mɔɔsu-mii geen ka limeyi lɛni na Katɔti ɔdubɔtɛku bayawine litemi ni, ɔdubɔnu Tiro ku Sidon lɛma kɔnyana utulo amii.

Mateo 11:22 Referans Kwoze

Mateo 11:24

Bɛnu ɔmɛni bɛti geen ka limeyi lɛni na Katɔti ɔdubɔtɛku bayawine litemi ni, ɔdubɔnu Sodom kɔnyana utulo awɔ.”

Mateo 10:15

Mɔɔsu-mii geen ka limeyi lɛni na Katɔti ɔdubɔtɛku bayawine litemi ni, ɔdubɔnu lɛma likpidi aani Sodom ku Gomora kɔnyana utulo ɔma ɔmmɔ.

Yohane 1 4:17

Na ulu ɔmɛni lɛlɔ na bɔyɔ búdu bɔ́wɔlɔ na bula akɔ. Ɔmmɔ ɔsu na bɔdubɔkana na bunye Katɔti anumi na litemi bɔtɛ limeyi lɛmmɔ lɛlɔ ku kayi buse. Ɔsika kalɛ na Kristo use ni, lɛni kani na buse na kayawi kamɛni kemmo.

Mateo 12:36

Mɔɔyá na ɔbla-mii nwaa ka litemi bɔtɛ limeyi ni, ukyuli biala ɔdubudie lɛlɔ kenye na etemila keeke biala nálɛ-nwu kenye lɛlɔ.

Luka 10:14

Katɔti ɔdubɔnu Tiro ku Sidon lɛma kɔnyana butulo amii na litemi bɔtɛ limeyi.

Esekiel 29:18

“Babilonƒuɔ Ɔga Nebukadnesar úkpo Tiro ɔma unengudi ɔmmɔ. Na únye bekpone bammɔ lɛlɔ na béti etila bonwu pii ani náya na bana eli ápa na bana lɛlɔ lɛ́ƒɔ ɔlɛ geen na amangba ku ekpo bamba pii lɛnɔ. Nsu Ɔga Nebukadnesar ku nwuna bekpone bátakana na beƒie Tiro ɔma unengudi ɔmmɔ baƒɔ.

Yeremia 27:3

Ɔmmɔ kama na akya Edom ku Moab ku Amon ku Tiro ku Sidom baga ɔtu. Kɔlɔ kɔmɛni benengu bakya Yerusalem baabla kelisa kadi ku Ɔga Sedekaia.

Yeremia 25:22

Lísie Tiro ku Sidon ku baga kudɔ ku bana kɔlɛkɛ bamba kɔni nkya-ma kalɔ ka baanu-ku lɛlɔ si ávia ɛpu lɛnɔ kudɔ.

Petro 2 3:7

Na litemi lɛni lɛlɔ na ɔkɛ údie katɔ ku kalɔ ƒui ni, litemi lɛmmɔ kani na úti ɔda kayawi kammɔ use ute uwi ɔni na ɔdubɔkyula-ka ku ogya. Na Katɔti ɔ́bla lɛni úse úte limeyi lɛni na ɔdubɔtɛku bekyuli bekpidi litemi na ɔkyula-ma.

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Yoel 3:4

“Amii Tiro ku Sidon kadi bekyuli ku Ƒilistiƒuɔ, bi ɔsu na bɛɛkɔ́ku-mi na bɛɛbla ala amɛni udu, munuu lɛla lɛdi na lɛ́bla-mii na biidie-mi kasi? Bɔdubo bɔnu ɔni muudie ɔkpanadi kasi.

Mateo 11:21

Ɔ́su ɔnini, “Bɔbuɛ muute awɔ Korasin! Na bɔbuɛ muute awɔ Betsaida! Si lɛma likpidi Tiro ku Sidon na nka lɛ́bla akɔla budie taatina ani lɛ́bla na bina akɔ ni, badubɔda adala ani mɔɔtina ka béni bana ekpidi.

Budie Taatina 20:11

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.

Budie Taatina 20:12

Na lɛ́nu ka bekpine ƒui benye lɛgaboku lɛmɛni anumi, banamu ku benengu, na bébimi lɛku lɛdi béwi. Na básɔ bébimi ɔku ɔbambadi ɔni ndi ngba ɔku lɛnɔ béwi. Na lɛku lɛmɛni kemmo na baanu taatɛku bekpine ƒui litemi ɔkɛnku ala ani na bábla na bénweni bákya lɛku lɛmmɔ kemmo lɛlɔ.