Mateo 11:21 - Katɔti Ɔku Kedee

²¹ Ɔ́su ɔnini, “Bɔbuɛ muute awɔ Korasin! Na bɔbuɛ muute awɔ Betsaida! Si lɛma likpidi Tiro ku Sidon na nka lɛ́bla akɔla budie taatina ani lɛ́bla na bina akɔ ni, badubɔda adala ani mɔɔtina ka béni bana ekpidi.

Mateo 11:21 Referans Kwoze

Batalane Kabla 12:20

Uwi ɔmɛni kemmo ni, Herode úti kɔnyi kati kati kɔdi ɔ́kya Tiro ku Sidonƒuɔ. Amu na batu badi bási Tiro ku Sidon mmɔ bébo-nwu kudɔ banii babanu-nwu. Amu na békeli bátátua Blasto ɔni ndi Herode kaduli lɛlɔ ɔnune banii utévele Herode na ɔya na unwi bɔbla bubo bana lɛma inyɔ bɔmɛni ku Herode ntɛ. Ɔsika Herode kalɔ lɛlɔ na baakɛ́ bana adila taasiku.

Yohane 12:21

Amu na bésie Ƒilipo kudɔ ɔni nási Betsaida na Galilea kalɔ lɛlɔ. Na básu-nwu banini, “Ati, bɔɔwia ka bɔnu Yesu.”

Luka 9:10

Batɛyane bammɔ bénwini bébo na bábasu Yesu ala ani ƒui na bábla. Amu na útiku-ma na bátɔlɔ bésie ɔma ɔni baalɔ banii Betsaida kakɛ.

Marko 6:45

Kɔnakunwi ni, Yesu ɔ́ya na nwuna batɛyane bákɔ béduo ɔkɔlɔ kemmo ɔnii bataatɔ ɔma ɔni baalɔ Betsaida na ɛpu ɔmmɔ ɔvi ngye kemmo. Na anwu ɔ́ya na bekyuli pii bamɛni lɛnɔ bégyingya.

Mateo 15:21

Yesu ɔ́si mmɔ na úsie kalɛkɛ kani nde lɛma linengudi lɛni ndi Tiro ku Sidon.

Hiob 42:6

Ɔmmɔ ɔsu na mina lɛlɔ lɛ́bɔ-mi na líbo nli ɔtumu ku ntɔ akɔ mɛni. Na mɔɔtina kalɛ na mina lɛlɔ libo kɔnyana.”

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Yohane 1:44

Na Ƒilipo lɛnɔ ɔ́si Betsaida ɔni ndi Andrea ku Simon ɔma.

Luka 6:17

Uwi ɔni na Yesu ku nwuna batɛyane báyu bási kɔbi kɔmmɔ lɛlɔ ni, bébo bébenye kesii kani nse ƒiaa. Na nwuna basiakune pii badi bakya mmɔ ku bekyuli lisu bonwu lɛni nási Yudea kalɔ lɛlɔ ƒui ku Yerusalem ku lɛma lɛni nde ɛpu kɔtu lɛni ndi Tiro ku Sidon.

Marko 8:22

Ka bésie bétédu Betsaida ni, bekyuli badi béti ɔnumbwɛne ɔdi béboku Yesu na bévele-nwu banii utuku-nwu.

Marko 7:31

Yesu ɔ́tɔlɔ Tiro amadɔ mmɔ, na ɔkɛ Sidon ɔ́vi úsie Galilea Ɛpu kudɔ na ɔvi ɔni nésie lɛma leevu kakɛ mmɔ.

Mateo 18:7

“Bɔbuɛ muute kayawi ɔsika ala adi akya-ka kemmo ani ndubɔya na bekyuli benwini kama bakya bana bɔƒɔtaadi na mina lɛlɔ. Ala ammɔ udu adubo bɔkya uwi biala bɔdi. Nsu ukyuli ɔni lɛlɔ na ala amɛni adubɔsia eduo bekyuli akɔ ni, bɔbuɛ ndi anwu ɔdi.

Mateo 11:22

Na mɔɔsu-mii geen ka limeyi lɛni na Katɔti ɔdubɔtɛku bayawine litemi ni, ɔdubɔnu Tiro ku Sidon lɛma kɔnyana utulo amii.

Batalane Kabla 27:3

Amu na nwuna kadi kégye ni, bútédi búnye Sidon Ketudɔ. Amu na Yulio úte Paulo kuƒi ku kaƒɔ ƒaa ɔnii uteesie ɔma kemmo na utánu nwuna bakpana kalɛ na bete-nwu ala ani na weti wesie ulu.

Luka 4:26

Nsu ni, Katɔti útatala Elia ɔnii utébunku Israel ukpinele ɔdi. Mmomu ɔ́tala-nwu ɔ́kya ukpinele ɔdi na Sarep na Sidon kalɔ lɛlɔ.

Marko 7:24

Ɔmɛni kama ni, Yesu ɔ́tɔlɔ úsie kalɔ kani nde ɔma ɔni baalɔ Tiro kemmo. Úsie kaduli kadi na útayɔ ka ukyuli ɔdi ɔti ka ɔkya mmɔ, nsu útakana bɔbɛ.

Mateo 26:24

Ami Ukyuli Ɔyawine Ubi ndubukpi aani kalɛ na Bunweni Kedee Ɔku ɔ́su. Nsu ni, bɔbuɛ muute ukyuli ɔni na ndubɔkya-mi kakya. Si nka bátawɔ-nwu muedi ni, na nka ɔdia-nwu utulo.”

Yeremia 13:27

Anwuɔsu ndubo bina adala bɔni budie-mii lɛlɔ na bɛsɔ bɛkɛ kasɔngya ku kɔƒa kɔƒa na ukyuli biala utaanu-mii. Amii ɔdi ɔ́sa na bɛ́yii udu! Bɛɛƒɔ́ taadi ka bɛdubɔsɔ bɛbla bekyuli bani mamanku ka bɛsɔ bɛkpali-mi?”

Yoel 3:4

“Amii Tiro ku Sidon kadi bekyuli ku Ƒilistiƒuɔ, bi ɔsu na bɛɛkɔ́ku-mi na bɛɛbla ala amɛni udu, munuu lɛla lɛdi na lɛ́bla-mii na biidie-mi kasi? Bɔdubo bɔnu ɔni muudie ɔkpanadi kasi.

Amos 1:9

Unwoti ɔnini, “Ndubo Tiroƒuɔ kɔtu bɔni na bana ekpidi pii ɔsu, na lɛɛɛdubo mina kasusu bɔvumana. Bétiku mina bekyuli ɔ́si ɔma útédu ɔma na béti-ma béye béte Edomƒuɔ aani bana kabla bablane na bátadi bana unwi bɔbla bunyimi lɛlɔ.

Budie Taatina 6:12

Ɔmɛni kama ni, lɛ́nu ka Koƒonu Ubi ɔmmɔ ɔ́mami kɔma likpo lɛkundi. Na kayawi kemodi kákunku kpakplaa, na ɔƒɛ ɔ́da bukeye ɔ́ya, na ala ƒui ábla suu. Na kɔbuli kumodi kɔmmɔ kɔ́vumana kɔ́bla aani ubugya.

Budie Taatina 11:3

Ndubute mina kenye bediene inyɔ ɔyikun na bedie-mi kenye na emeyi apim unwi ku emeyi eti alɔ ku leevu kemmo. Badubunyimi adala ani mɔɔtina ka beewulo kɔnyana na bekyuli alaekpidi ɔsu.”