Mateo 11:18 - Katɔti Ɔku Kedee

¹⁸ Ɔsika uwi ɔni na Yohane úbo ni, úlie kɔka na útani ntɛ. Na ukyuli biala ɔ́su ɔnii uukpi libuo.

Mateo 11:18 Referans Kwoze

Luka 1:15

Ɔdubo ukyuli ubendi bɔbla na Katɔti anumi. Útalɛka ɔni ntɛ kpakplaa iye bɔbambadi bɔdi udu lɛnɔ. Na ɔ́si nwuna bɔwɔ uwi ni, Katɔti kɔyu kɔdubɔƒɔ-nwu lɛlɔ kemmo.

Mateo 3:4

Na awu ɔni na Yohane ɔkya ni, ɔƒlumu linwini na béti bédi-nwu. Na ebuo ɔku kabuli kada-nwu kavobi. Na nwuna adila ani na ɔɔdi ndi uwɔ ku baalɔlɔ bani muubile edula.

Yohane 10:20

Na bana akɔ pii básu banini, “Kɔyu kukpidi kɔsiaku ukyuli ɔmɛni, na uukpi libuo! Bi ɔsu na ɔlɛka binye biteenu ala ani na ɔɔsu?”

Yohane 8:48

Mmɔ na Yudaƒuɔ básu Yesu banini, “Ɔdi litemi geen ka bɔ́su-ɔ ka Samariani ukpidi na adi, na kɔyu kukpidi kɔsiaku-ɔ!”

Yohane 7:20

Mmɔ na bekyuli bammɔ bédie kenye básu-nwu banini, “Kɔyu kukpidi kɔsiaku-ɔ! Ɔma mɔɔwia ka ɔdu-ɔ?”

Mateo 10:25

Anwuɔsu ni, ɔtɛyane biala ɔbla kalɛ na ɔlɛ nwuna ala ɔtinane. Na ukyuli ɔni na baadi lɛlɔ lɛnɔ ni, ɔbla kalɛ na ɔlɛ nwuna Unwoti. Na si bekyuli beedumi ɔtɔlati ɔdi banii ayu ekpidi ɔtɔnkune na ɔdi ni, na badubɔlɔ kaduli kammɔ bekyuli ƒui anyikpi betulo ɔtɔlati ɔmmɔ.

Hosea 9:7

Israelƒuɔ, bina kɔtu bɔni uwi údu ka bɛƒɔ ala ani ƒui na bɛ́bla kayu na amii alati bɛdubɔnu bɔti. Amii mɔɔsu bɛnii, “Katɔti kenye bediene bádɔlɔ na nwuna batu beekpi libuo.” Na bina ekpidi pii ani na bɛɛbla áya na bíti-mi bukisi geen.

Yeremia 15:17

Neeesie emeyi kadikɔ taatádi taaní ku lɛlɔyɔ. Mmomu ami lɛti kani muulie, ɔsika kɔnyi kɔni na ákɛ kɔdi-mi etila.

Korintoƒuɔ 1 9:27

Lɛ́ya na lɛvu lɛma-mi kalɛ na mina ɔlɔna ɔkana na ɔƒɔ lɛbibo biala. Ɔsika si lɛ́kɔ litemi buni lɛmɛni lɛsa líte bekyuli bamba na búbasa bɔnii bɔɔkɔ́ku lɛlɔ ni, naaawia ka bada-mi bedie na lɛyuƒɔla lɛmmɔ kenye!

Batalane Kabla 26:24

Kɔnakunwi ni, Ƒesto ɔ́va ɔ́su ɔnini, “Paulo, eekpi libuo! Ƒula ala bɔtɛya pii búbile-ɔ lili kemmo!”

Yeremia 29:26

“Na ɔkpane Yehoiada kukpi kama ni, Unwoti ɔ́ƒuna-a aani ɔkpane ɔni ndubo nwuna kakpakɔ bagyumanane lɛlɔ butaanu. Na agyi lɛnɔ ka si ukyuli ɔdi úbo ɔɔbla libuokpi ala na ɔɔtina lɛlɔ ka Katɔti kenye udiene na ɔdi ni, ɔlɛka beƒie ukyuli ɔmmɔ na bebo-nwu kɔgba.

Baga 2 9:11

Amu ka Yehu únwini úsie nwuna bekpone bammɔ akɔ ni, béye-nwu banii, “Kɔtɛ biala kúsie siin?” Na básɔ béye-nwu banii, “Bi na ubuokpine ɔmmɔ ɔɔwia-a ɔbla?” Amu na Yehu údie kenye ɔnini, “Bɛgyi lɛla lɛni ɔsu na ɔɔwia-mii?”

Mateo 9:34

Nsu Ƒarisiƒuɔ badi básu banii, “Ayu ekpidi ɔga néte-nwu ɔyikun ɔni na ɔda ɔɔgyá ayu ekpidi ammɔ.”

Mateo 11:17

“ ‘Búdie uleku buti agya búte-mii, nsu bítatɔ. Búdie lɛkwanu búte-mii, nsu bítewulo.’

Marko 3:22

Na ɔda bubo ala batinane bani nási Yerusalem básu banii, “Kɔyu kukpidi kɔkya Yesu lɛlɔ kemmo. Na ayu ekpidi ɔtɔnkune Beelsebul néte-nwu ɔyikun asa na ɔɔkana ayu ammɔ bɔbɔku taalɛku bekyuli lɛlɔ kemmo!”

Yohane 8:52

Mmɔ na Yudaƒuɔ bammɔ básu-nwu banini, “Ɔƒɛni na bɔti nwaa ka kɔyu kukpidi kɔsiaku-ɔ! Abraham úkpi, na Katɔti kenye bediene lɛnɔ békpi, nsu awɔ aasu ka ukyuli biala ɔni madi ƒula ala ani na aatina lɛlɔ ulekpi kudi kudii!