Mateo 11:17 - Katɔti Ɔku Kedee

¹⁷ “ ‘Búdie uleku buti agya búte-mii, nsu bítatɔ. Búdie lɛkwanu búte-mii, nsu bítewulo.’

Mateo 11:17 Referans Kwoze

Yesaia 30:29

Na Unwoti bekyuli badubo ɔnu budie aani kalɛ na beedie ɔnu si baadi limeyi kedee na usien. Unwoti ndi lɛtakpɛ lɛni lɛlɔ na Israel kadi bekyuli békpo bana kama. Na lɛlɔ lɛdubɔyɔ nwuna kadi bekyuli geen aani kalɛ na baakɛ lisu ku atoloyii bɔvwi si bákɔ bésela abi lɛlɔ kesii kani na beesié taatákpa-nwu mmɔ.

Mateo 9:15

Yesu údie kenye ɔnini, “Bɛɛƒɔ́ taadi ka bekyuli bani na bálɔ béboku uleku ketikɔ badubo kɔnyana buteewulo na uwi ɔni na uleku ɔgya ɔmmɔ ɔkya-ma kudɔ? Ulebo ulete lɛni kudii! Nsu limeyi lɛdi lɛdububo ɔni na badubuti uleku ɔgya ɔmmɔ na bana kudɔ. Na uwi ɔmmɔ na badubulie kɔka.

Yeremia 31:4

Bɛ́ƒɔ-mi uye geen. Anwuɔsu ndubɔsɔku bina kalɔ lɛtu. Na bɛdubo bɔsɔ bɔtɔ ku ebiti na bɛgya bina lɛbentaa.

Mateo 9:23

Amu na Yesu útéduo Yudaƒuɔ kasalakɔ lɛlɔ ɔnune ɔmmɔ kaduli kemmo, na ɔ́nu lɛkwanu bediene ku bani muuwulo.

Baga 1 1:40

Na bekyuli bammɔ ƒui basiaku-nwu kama na beebó kudu ku ebiti na baavwi atoloyii na kalɔ kammɔ kaakunku ɔkɛnku kudu kɔmmɔ ɔsu.

Luka 15:25

“Amu na uwi ɔmɛni kemmo ƒui ni, ubidi unengudi úsie ɔɔví taanu bana mmo. Ka ɔ́si ɔdubo na ɔ́kpɛ uudé kaduli ni, únu kɔgya ku katɔ kani nda.

Ala Kalɔ Buse 50:10

Ka bédu ɔma ɔni baalɔ Atad na Yordan kudɔ na kesii kani bákwaa bésie na beewiile edula ni, béwulo momoomo geen. Na mmɔ ni, Yoseƒ ɔ́sɔ ɔ́bla ukpine buwulo ɔdi emeyi maatɛ úte ɔti.

Mateo 11:16

“Ɔƒɛni ni, bi na ndubuti ɔmwi kadi bekyuli lɛkɔku? Bese aani banamu bani mɔɔƒia na kuye. Na bana bakpana baakpali-ma taasu banii,

Mateo 11:18

Ɔsika uwi ɔni na Yohane úbo ni, úlie kɔka na útani ntɛ. Na ukyuli biala ɔ́su ɔnii uukpi libuo.

Luka 7:32

Bese aani banamu wɛlɛ wɛlɛ bani mɔɔƒia na kuyeya. Badi baava taasu bakpanadi banini, “ ‘Búdie uleku buti lɛnu búte-mii, nsu bítatɔ! Búdie lɛkwanu búte-mii, na bítewulo.’

Luka 8:52

Na bekyuli pii benye mmɔ beewulo kɔnyana ku keku na ubi ɔmmɔ ɔsu. Amu na Yesu ɔ́su-ma ɔnini, “Bɛsɔ bitewulo. Ubi ɔmmɔ útekpi. Bɔlɛɛ na ɔda.”

Luka 23:27

Bekyuli pii badi basiaku Yesu kama. Na beleku badi bakya bana akɔ bani nkɛ muuwulo teete-nwu.