Mateo 11:11 - Katɔti Ɔku Kedee

¹¹ Na mɔɔsu-mii geen ka Ntu Ɔkpilane Yohane ɔ́ƒɔ kuye utulo ukyuli ɔni nélie kayawi kamɛni úbavi. Nsu ni, ukyuli ɔni nátaƒɔ lɛnyi na Katɔ Ɔga Ɔma muedi ni, ɔ́ƒɔ kuye útulo Yohane ɔmmɔ.

Mateo 11:11 Referans Kwoze

Luka 7:28

Yesu ɔ́sɔ ɔ́su-ma ɔnini, “Yohane utulo ukyuli biala ɔni na báwɔ na kayawi kamɛni kemmo. Nsu ukyuli ɔni na uuubo lɛnyi lɛdi muedi na Katɔ Ɔga Ɔma ni, utulo Yohane.”

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Yohane 1:15

Yohane údie-nwu ɔ́tina bekyuli uwi ɔni na ɔ́kɔ lɛsa úte kasalakɔ ƒui ɔnini, “Ɔmɛni ndi ukyuli ɔni lɛlɔ na ńtaatɛmi taasiku ɔni lɛ́su nnii ukyuli ɔdi ɔkpɛ-mi kama ɔdubo ɔni ntulo-mi ƒui, ɔsika ɔkya kukuuku asa na báwɔ-mi.”

Mateo 5:19

Anwuɔsu si ukyuli ɔdi ɔ́ta unye ɔda bubo bɔmɛni lɛlɔ na ɔ́tina bekyuli bamba lɛnɔ ɔnii babla lɛni ni, balabu-nwu na Katɔ Ɔga Ɔma. Nsu ukyuli ɔni madi ɔda bubo bɔmɛni lɛlɔ na watina bekyuli bamba lɛnɔ ɔnii babla lɛni ni, badubɔbu-nwu geen na Katɔ Ɔga Ɔma.

Mateo 3:11

“Ami mɔɔkpila-mii ntu taatina ka bínwini kayi na bɛ́da ekpidi bɔbla bɛ́ya. Nsu ukyuli ɔni nkpɛ-mi kama ɔdubo ni, anwu ndubuti Katɔti Kɔyu ku ogya ɔkpila-mii. Ukyuli ɔmmɔ utulo-mi, na ńtamanku ka lɛbla kabla lite-nwu muedi.

Luka 9:48

Mmɔ na ɔ́su-ma ɔnii, “Ukyuli ɔni náƒɔ ɔnamu ɔmɛni na mina lɛnyi kemmo ni, ɔ́ƒɔ ami lɛnɔ. Na ukyuli ɔni mɔɔƒɔ́-mi ni, ɔ́ƒɔ ukyuli ɔni nátala-mi. Ɔsika ukyuli ɔni néboku lɛlɔ kalɔ ƒui na bina akɔ ni, anwu ndi ukyuli ɔni náƒɔ kuye utulo ƒui.”

Petro 1 1:10

Katɔti kenye bediene béwi lɛlɔ báwia kalɛ na Katɔti ɔdubɔƒɔ-bu ngba kemmo, na béduo-nwu kemmo kaduɛ na básu-bu bése kalɛ na Katɔti lɛƒɔndia lɛdubɔsiaku-bu.

Hebriƒuɔ 11:40

Katɔti nábla ɔmɛni úse lɛni ka benye bagya-bu útédu ka abu ku-ma ƒui bɔ́kɛ lɛla lɛni na ɔ́su úse ka lɛdia litulo na mɛni na ɔbla bula ƒui ngba bɔƒɔ kabla ɔwɔlɔ.

Korintoƒuɔ 1 15:9

Ɔsika ami ndi batalane bammɔ akɔ ubliidi ƒui. Na ńtamanku ka balɔ-mi banii ɔtalane muedi, ɔsika ami líkpoku Katɔti baƒɔtaadine lɛkpa lɛmmɔ.

Korintoƒuɔ 1 6:4

Anwuɔsu si etemila amɛni udu akya bina akɔ ni, ina bekyuli bani na bilábu na bina akɔ muedi na bɛƒuna ka basu-ni muedi ni, nka ɔdia utulo ka bisie ɔgbami.

Yohane 10:41

Na bekyuli pii bébo-nwu kudɔ. Na básu lɛlɔ banini, “Yohane útabla akɔla budie taatina bɔdi. Nsu lɛla biala na Yohane ɔ́su na ukyuli ɔmɛni lɛlɔ ni, líbo-nwu kemmo lɛni.”

Yohane 3:30

Nwuna lɛnyi ɔlɛka lɛkɔ katɔ, na mina lɛdi lɛyii lɛkya.

Kɔgya 51:5

Na sɔsɔ ni, likpidi udu ɔkya-mi lɛlɔ kemmo ɔ́si uwi ɔni na mina uni ɔ́da-mi kaƒɔ. Na mɔɔbla-nya ɔ́si ɔni na ɔ́wɔ-mi.

Hiob 15:14

“Bi na aabu anii ukyuli ɔdi na ɔdubɔkana na use kedee ɔwɔlɔ? Munuu aabu anii nwuna ablala adubɔbla siin bɔwɔlɔ?

Hiob 14:4

Ukyuli ɔɔɔdubo ulu ɔdi lɛlɔ bɔkana bɔsia na ɔbla lɛlɔ kedee ƒui ɔwɔlɔ.

Hiob 14:1

“Ngba buse klukui bute ɔyawine biala, na nwuna ngba bɔmmɔ lɛnɔ bɔdanku lɛbibo.

Yohane 5:35

Yohane úkeye aani ogya ɔni mɔɔda. Na nwuna bukeye bɔmmɔ bɔ́da-mii ebiti uwi klukui ɔdi kemmo.

Yohane 1:27

Anwu ndi ukyuli ɔni nkpɛ-mi kama ɔdubo, na ami ńtedu ka lɛbla kabla kadi lite-nwu muedi.”

Sakaria 12:8

Ami Unwoti Katɔti ndubo Yerusalem bɔgyumana na ukyuli ɔni na use kpɛtɛ kpɛtɛ utulo ƒui muedi ni, ɔdubɔyu ɔkplu aani Dawid. Na Dawid ɔmmɔ ɔlati lɛga kadikɔ kadubɔbla aani si ami ɔlati mina ɔtu mɔɔdi kalɔ kammɔ lɛlɔ.

Yohane 7:39

Mɛni ni, Kɔyu kɔni ndubɔƒɔ bekyuli bani náƒɔ-nwu bádi lɛlɔ kemmo litemi na ɔɔsu. Ɔsika úti úbedu ɔƒɛni ni, Katɔti útatala tɔ Kɔyu kɔmmɔ ɔnii kutáƒɔ-ma lɛlɔ kemmo. Ɔsika Yesu úteduo tɔ nwuna lɛga bɔdi bukeye kemmo.

Yesaia 30:26

Kɔbuli kɔdubo buteekeye nwaa aani ɔƒɛ, na ɔƒɛ bukeye bɔdubo katɔ bɔkɔ geen akpa maatɛ aani emeyi maatɛ ɔƒɛ bukeye na básala. Katɔti ɔdubɔmana nwuna bekyuli alɛbi ani na báƒɔ na ekpi, na udie ɔgbankpi ɔmmɔ bana lɛlɔ.

Hiob 25:4

Ɔma ndubɔkana na ɔlɛ sɛɛn na Katɔti anumi, na likpidi lɛdi lilama-nwu lɛlɔ?

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.

Eƒesoƒuɔ 2:3

Lɛni geen na abu lɛnɔ búlie ngba aani bana kalɛ na bɔ́siaku bula ɔlɔna ɔkwɛ adala kama na bɔ́bla ala ani na bula ɔlɔna ku kasusu kaayɔ́. Na ka bula ukyuli udu útavumanaku bani mɔɔbla ala ammɔ udu ɔsu ni, bɔ́manku ka Katɔti ɔni abu lɛnɔ kɔtu aani bekyuli bakladi kalɛ.

Timoteo 2 1:10

Nsu ɔƒɛni na Katɔti údie ɔmɛni ɔ́tina-bu nwaa na Ɔƒɔne Yesu Kristo ɔmɛni bubo kemmo. Anwu nádi kukpi ɔyikun lɛlɔ. Na ɔkɛ nwuna litemi buni lɛlɔ ni, údie ngba bɔni nsɔ naaadubo bɔsa kudii keyi.

Luka 1:15

Ɔdubo ukyuli ubendi bɔbla na Katɔti anumi. Útalɛka ɔni ntɛ kpakplaa iye bɔbambadi bɔdi udu lɛnɔ. Na ɔ́si nwuna bɔwɔ uwi ni, Katɔti kɔyu kɔdubɔƒɔ-nwu lɛlɔ kemmo.

Mateo 3:1

Uwi ɔmmɔ kama ni, Ntu Ɔkpilane Yohane úsie ketele kani nkya Yudea kalɔ lɛlɔ, na úse kalɔ ɔɔkɔ́ lɛsa

Mateo 11:10

Yohane ɔmɛni ndi ɔtu ɔni lɛlɔ na Bunweni Kedee Ɔku ɔmmɔ ɔ́su ɔ́siku uwi ɔni na Katɔti ɔ́su Ubidi ɔnini, “ ‘Ndubɔtala ɔtu ɔdi na ɔgyu ɔtɔ-ɔ na ɔklibi bekyuli ute ƒula bubo.’

Mateo 11:12

Na ɔ́si Ntu Ɔkpilane Yohane uwi úbalɛ ɔmwi ni, bekyuli pii báta ku lɛnungyie batáwia Katɔ Ɔga Ɔma ɔmmɔ beduo. Nsu bekyuli bani anumi egyie-ma geen lɛti na baanwanɛ lɛlɔ ni, ama ndubuduo mmɔ.