Mateo 11:10 - Katɔti Ɔku Kedee

¹⁰ Yohane ɔmɛni ndi ɔtu ɔni lɛlɔ na Bunweni Kedee Ɔku ɔmmɔ ɔ́su ɔ́siku uwi ɔni na Katɔti ɔ́su Ubidi ɔnini, “ ‘Ndubɔtala ɔtu ɔdi na ɔgyu ɔtɔ-ɔ na ɔklibi bekyuli ute ƒula bubo.’

Mateo 11:10 Referans Kwoze

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Yesaia 40:3

Ukyuli ɔdi ɔkɛ ɔɔva na ketele kalɔ kakwiidi kemmo ɔnini, ‘Bɛklibi ulu bise bite Blɔti, na binyene ulu ɔmmɔ na kalɔ kakwiidi kammɔ kemmo, na bɛbla ulu unengudi bite Katɔti.

Malakai 4:5

“Ami, Unwoti, líse kenye ka ndubɔya na Kenye Udiene Elia ɔsɔ ubo asa na ɔgbankpi limeyi lɛmmɔ libedu.

Marko 1:2

Kukuuku ni, Katɔti Kenye Udiene Yesaia únweni úse ka Katɔti ɔ́su Ubidi ɔnini, “Ndubɔtala ɔtu ɔdi na wagyu watɔ-ɔ, kalɛ na ɔklibi bekyuli ute ƒula bubo.

Yohane 1:23

Údie kenye ɔ́su-ma aani kalɛ na Kenye Udiene Yesaia únweni úse ɔnini, “Ami ndi ukyuli ɔni mɔɔva na ketele kemmo nnii bɛklibi ulu bise bite Blɔti bubo.”

Mateo 3:3

Yohane ɔmɛni ndi ukyuli ɔni lɛlɔ na Katɔti Kenye Udiene Yesaia ɔ́su úse ɔnini, “Ukyuli ɔdi ɔɔva na ketele kemmo ɔnii, ‘Binye kagyumana bite Blɔti. Bɛklibi bina lɛlɔ bise kaduɛ bite nwuna bubo.’ ”

Mateo 11:3

Na bétéye Yesu banii, “Awɔ ndi ukyuli ɔni na Katɔti ɔ́su úse ka ɔdubo, munuu butaanu ukyuli bamba ulu?”

Mateo 11:11

Na mɔɔsu-mii geen ka Ntu Ɔkpilane Yohane ɔ́ƒɔ kuye utulo ukyuli ɔni nélie kayawi kamɛni úbavi. Nsu ni, ukyuli ɔni nátaƒɔ lɛnyi na Katɔ Ɔga Ɔma muedi ni, ɔ́ƒɔ kuye útulo Yohane ɔmmɔ.

Luka 1:76

Na awɔ, mina ubi ni, badubɔlɔ-ɔ banii Katɔti Ɔni Ntulo Ƒui Kenye Udiene. Awɔ ndubo bɔgyu bɔtɔ na Blɔti lɛtɔtɔ kalɛ na aklibi ulu ese ete nwuna bubo.