Mateo 10:6 - Katɔti Ɔku Kedee

⁶ Mmomu bisie Israelƒuɔ bani nse aani baƒonu bani náyii ulu mmɔ kudɔ.

Mateo 10:6 Referans Kwoze

Yeremia 50:6

Mina kadi bekyuli, bise aani baƒonu bani na bana lɛlɔ banune bányonu bákya abi lɛlɔ. Na kesii kani na bɛɛtɛ taanwuna muedi bɛ́yiƒala mmɔ.

Petro 1 2:25

Bílie ngba dii ani baƒonu bani náyii ulu. Nsu ɔƒaani ni, Katɔti ɔ́sɔku-mii úboku bina ɔdane ɔni mɔɔgyumana-mii kɔyu kudɔ.

Batalane Kabla 13:46

Amu na Paulo ku Barnaba bése kayi na básu-ma banini, “Ɔlɛka bɔsu Katɔti litemi buni lɛmɛni buti bute Yudaƒuɔ kudeedi. Na ka bíni litemi lɛmɛni na bɛ́su bɛnii bilayɔ ngba bɔƒɔ bɔmɛni ɔsu ni, búti-ni búselaku bani naaadi Yudaƒuɔ.

Esekiel 34:6

Anwuɔsu mina baƒonu bégyingya bakya kalɔ lɛlɔ kesii biala. Bakɛ abi lɛlɔ ku abinkpo ƒui lɛlɔ na bátakɛ ukyuli ɔni nawia-ma kama ulu.

Yesaia 53:6

Bula ƒui buse na buse aani baƒonu bani náyii ulu, na ɔdi biala úti nwuna ulu úsela kesii kani na ɔɔyɔ́. Na lɛtuni lɛni na nka ɔlɛka bɔƒɔ ni, ani na Unwoti úti úte-nwu na bula lili.

Kɔgya 119:176

Lɛ́yii ulu aani koƒonu kɔni náyii. Wia-mi ƒula kabla ɔblane kama ulu, ɔsika ntayiƒala ƒula ɔda bubo.

Batalane Kabla 3:26

Anwuɔsu ka Katɔti údie nwuna kabla ɔblane keyi ni, ɔ́tala-nwu ɔnii ɔka-mii kudɔ bubo bubebunku-mii kalɛ na bɛkana kama bunwini bɔkya bina ekpidi.”

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Batalane Kabla 26:20

Lɛ́ka litemi buni bɔsu bute Damaskoƒuɔ ku Yerusalemƒuɔ ku Yudaƒuɔ ƒui ku bani naaadi Yudaƒuɔ lɛnɔ nnii benwini kama bakya bana ekpidi na beti anumi besienku Katɔti kudɔ, na bataabla ala ani mɔɔtina ka bávumana sɔsɔ.

Batalane Kabla 18:6

Amu uwi ɔni na Yudaƒuɔ bamɛni báta bénye-nwu lɛlɔ na beetemi enyekpi taasiku Yesu lɛlɔ ni, Paulo úveli enu úwi-ma, na ɔ́su-ma ɔnini, “Si bɛ́yii ni, mina kɔnu, mina ɔgba uuubo-nwu kemmo. Ɔ́si ɔƒaani ni, lísela bekyuli bani naaadi Yudaƒuɔ kudɔ ntásu-ma litemi buni lɛmɛni.”

Luka 24:47

Na nwuna basiakune badubɔkɔ lɛsa na nwuna lɛnyi kemmo bete kalɔ ƒui bekyuli banii benwini kayi kalɛ na Katɔti uti bana ekpidi ɔkyiɛ-ma. Na lɛsa bɔkɔ bɔmmɔ bɔdubuse kalɔ bɔsi Yerusalem.

Esekiel 34:16

Na ndubɔsia bani náyii ku bani négyingya bakya lɛnɔ kama na linyimi bani náƒɔ lɛlɔ alɛbi na bani lɛgyumana bani nse kpɛtɛ kpɛtɛ. Na bani nélie lɛmwi na bebo ɔlɔkplu ni, ndubɔdu ama, ɔsika lɛla lɛni ndi lɛbuni na mɔɔbla uwi biala.’ ”

Yeremia 50:17

Israelƒuɔ bese aani baƒonu lisu lɛni na bagyata bani na kɔka kɔɔda bábɔku bégyingya. Na Asiria ɔga náka-ma bɔduli kɔkɛ kɔkɛ lɛni asa na Babilon Ɔga Nebukadnesar úbabwɛ-ma ku ekubi ƒui.

Esekiel 34:4

Bíni bani nse kpɛtɛ kpɛtɛ bɔgyumana na bɛbwi bani muuƒi iye binyimi-ma lɛlɛ lɛni na báƒɔ. Biidie-ma atu na baakɛ taavi kalɛ kalɛ na bilasia bani náyii ulu kama. Bɛɛbla-ma ulikplu na bɛɛɛdaku-ma lɛda.

Mateo 18:11

Ɔsika Ukyuli Ɔyawine Ubi úbo ɔnii ubaƒɔ bekyuli bani náyii ngba geen ulu ɔmmɔ.