Mateo 10:42 - Katɔti Ɔku Kedee

⁴² Binu ɔmɛni kaduɛ ka ukyuli biala meti ntu ɔɔƒɛɛ mete mina basiakune bamɛni akɔ ubliidi ƒui ka ɔsiaku-mi ɔsu ni, nwuna lɛyuƒɔla lilabɔ-nwu.”

Mateo 10:42 Referans Kwoze

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Korintoƒuɔ 2 8:12

Si ɔdi bina bɔyɔ ka bíte bekyuli ala ni, ɔdubɔƒɔ Katɔti anu ɔkɛnku lɛla lɛni nse-mii kenye. Na ɔɔɔdi lɛla lɛni na biiibo.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Agba 24:14

Lɛni kani na lɛnunda libo ƒula kɔyu emini. Anwuɔsu si ákɛ lɛnunda ni, ƒula ngba emeyi ani ndubo adubo bukeye. Na ala ani na asia anu iye aanu ulu teete ni, aláwɔ ulu.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Luka 17:2

Si béti kukɔ bonwu kɔdi báƒala-nwu ɔkwɛ na bányina-nwu bákya ɛpu kemmo muedi ni, ɔdia-nwu utulo kɔtu kɔni na Katɔti ɔdubɔni anwu ɔni maya na likpidi lɛsia-nwu lɛlɔ liduo mina banamu akɔ.

Mateo 18:14

Lɛni kani na bina ɔti ɔni nkya katɔ ulawia ka banamu wɛlɛ wɛlɛ bamɛni ɔdi ɔyii.

Baga 2 4:10

Ɔmmɔ ɔsu, ya bɔtu ɔtɔ klo klo ɔdi bɔsia bula ɔtɔ eli. Na bɔwia atɛla ku liboku ku asogya ku ala kasiakɔ bɔlɛ ɔtɔ ɔmmɔ kemmo bute-nwu. Na si úduo-bu ni, ɔkana ɔsɔ ɔkya ɔtɔ ɔmmɔ kemmo.”

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Etemila 11:1

Taabla lɛƒɔndia na adubɔkɛ ƒula lɛyuƒɔla limeyi lɛdi.

Baga 1 17:11

Uwi ɔni na ukpinele ɔmmɔ úsela utédu ntu bɔmmɔ ni, mmɔ na Elia ɔ́sɔ ɔ́kpali-nwu ɔ́su-nwu ɔnini, “Buvele nda-a, ti bodobodo ɔdi boku-mi o-o!”