Mateo 10:25 - Katɔti Ɔku Kedee

²⁵ Anwuɔsu ni, ɔtɛyane biala ɔbla kalɛ na ɔlɛ nwuna ala ɔtinane. Na ukyuli ɔni na baadi lɛlɔ lɛnɔ ni, ɔbla kalɛ na ɔlɛ nwuna Unwoti. Na si bekyuli beedumi ɔtɔlati ɔdi banii ayu ekpidi ɔtɔnkune na ɔdi ni, na badubɔlɔ kaduli kammɔ bekyuli ƒui anyikpi betulo ɔtɔlati ɔmmɔ.

Mateo 10:25 Referans Kwoze

Luka 11:15

Nsu bana akɔ badi básu banini, “Ayu ekpidi ƒui unengu ɔni baalɔ banii Beelsebul muute-nwu ɔyikun ɔmmɔ ɔnii utaagya-ma taalɛku.”

Mateo 12:24

Amu na uwi ɔni na Ƒarisiƒuɔ bénu ɔmɛni ni, básu banini, “Ɔkɛnku ayu ekpidi unengu Beelsebul lɛlɔ na ukyuli ɔmɛni ɔɔgyá ayu ekpidi taalɛku bekyuli lɛlɔ kemmo.”

Mateo 9:34

Nsu Ƒarisiƒuɔ badi básu banii, “Ayu ekpidi ɔga néte-nwu ɔyikun ɔni na ɔda ɔɔgyá ayu ekpidi ammɔ.”

Yohane 7:20

Mmɔ na bekyuli bammɔ bédie kenye básu-nwu banini, “Kɔyu kukpidi kɔsiaku-ɔ! Ɔma mɔɔwia ka ɔdu-ɔ?”

Marko 3:22

Na ɔda bubo ala batinane bani nási Yerusalem básu banii, “Kɔyu kukpidi kɔkya Yesu lɛlɔ kemmo. Na ayu ekpidi ɔtɔnkune Beelsebul néte-nwu ɔyikun asa na ɔɔkana ayu ammɔ bɔbɔku taalɛku bekyuli lɛlɔ kemmo!”

Yohane 8:48

Mmɔ na Yudaƒuɔ básu Yesu banini, “Ɔdi litemi geen ka bɔ́su-ɔ ka Samariani ukpidi na adi, na kɔyu kukpidi kɔsiaku-ɔ!”

Yohane 10:20

Na bana akɔ pii básu banini, “Kɔyu kukpidi kɔsiaku ukyuli ɔmɛni, na uukpi libuo! Bi ɔsu na ɔlɛka binye biteenu ala ani na ɔɔsu?”

Yohane 8:52

Mmɔ na Yudaƒuɔ bammɔ básu-nwu banini, “Ɔƒɛni na bɔti nwaa ka kɔyu kukpidi kɔsiaku-ɔ! Abraham úkpi, na Katɔti kenye bediene lɛnɔ békpi, nsu awɔ aasu ka ukyuli biala ɔni madi ƒula ala ani na aatina lɛlɔ ulekpi kudi kudii!

Baga 2 1:2

Na Ɔga Ahasia úbuli ɔ́siku nwuna ɔtɔ katɔ úbayu kalɔ na Samaria, na nwuna lɛlɔ lɛ́ƒɔ ɔlɛ kaduɛ. Ɔmmɔ ɔsu, ɔ́tala batu badi na ɔ́su-ma ɔnini, “Bisie na bitéye Baal-Sebub ɔni ndi Ekronƒuɔ baƒiɔ si ndubo bɔta na ɔlɛ ɔni na muuƒi mɛni kemmo?”

Mateo 12:27

Na bi ɔsu na bɛɛsu bɛnii Beelsebul ɔyikun kemmo na mɔɔgyá ayu ekpidi taalɛku bekyuli lɛlɔ kemmo? Si use lɛni ni, bɛɛkali ka nwuna ɔyikun kemmo na bina basiakune ama beeti taagya ayu ekpidi taalɛku bekyuli lɛlɔ kemmo? Oowo! Ala ani na bina basiakune baabla mɔɔtina ka bina kakali kaaadia!

Luka 11:18

Anwuɔsu si Satan lɛga kadikɔ kebo akpa akpa ani muukpóku lɛlɔ ni, dɛ na lɛga kadikɔ kammɔ kadubunye? Bɛɛsu ka mɔɔgyá ayu ekpidi taalɛku ka Beelsebul uute-mi ɔyikun ɔnii mbla lɛni ɔsu.

Luka 11:19

Na si Beelsebul lɛlɔ na mɔɔgyá-ma ni, ɔma lɛlɔ na bina basiakune ama baasia taagya ayu ekpidi taalɛku bekyuli lɛlɔ kemmo? Amii alati bina basiakune muudie taatina-mii ka bɛɛnyi ɔkɔ.

Marko 10:39

Amu na bédie kenye banini, “Bɔdubɔkana.” Yesu ɔ́su-ma ɔnini, “Ɛɛn, bɛdubɔni ɔɔƒɛɛ ukpidi ɔni udu na mɔɔní, na bɛdubɔƒɔ bɔkpila ɔdi ɔni udu na mɔɔƒɔ́ mɛni.