Mateo 10:23 - Katɔti Ɔku Kedee

²³ Si beekpóku-mii na ɔma unwi kemmo ni, bikeli bisie ɔbambadi kemmo. Na mɔɔsu-mii geen ka bilawɔlɔ bina kabla na Israel lɛma ƒui kemmo asa na ami, Ukyuli Ɔyawine Ubi, masɔ mebo.

Mateo 10:23 Referans Kwoze

Mateo 16:28

Mɔɔsu-mii nwaa ka ni, bekyuli badi bakya mɛni ɔni na belekpi watálɛ uwi ɔni na bánu ka Ukyuli Ɔyawine Ubi úbo aani ɔga kalɛ.”

Batalane Kabla 17:10

Nsu usien ɔmmɔ kani ni, baƒɔtaadine bani nkya ɔma ɔmmɔ bétiku Paulo ku Silas békeliku bésienku Beroia. Na ka bétéduo mmɔ ni, bésie Yudaƒuɔ kasalakɔ batásu litemi buni lɛmɛni.

Batalane Kabla 8:1

Na uwi ɔni na bakya baadú Steƒano ni, Saulo ɔ́kya-ma ogya. Na ɔ́si limeyi lɛmmɔ lɛlɔ ni, bése kalɔ beekpóku baƒɔtaadine bamɛni na Yerusalem. Amu na bana ƒui békeli bésie Yudea ku Samaria. Nsu batalane ama bébu bakya mmɔ.

Marko 13:26

“Amu na bekyuli badubɔnu ami, ɔni ndi Ukyuli Ɔyawine Ubi, ka ndubɔda lɛlɛ kayaa na kemmo. Na ndububo ku Katɔti ɔyikun ku bukeye bonwu.

Luka 21:27

Ɔmmɔ kama ni, ami Ukyuli Ɔyawine Ubi ndubɔda lɛlɛ kayaa na kemmo na mina ɔyikun bonwu ku bukeye kemmo.

Luka 18:8

Mɔɔsu-mii geen nnii Katɔti ɔdubɔtɛ litemi na ute-ma ubo kɔnakunwi. Nsu ni, si Ukyuli Ɔyawine Ubi úbo ni, ɔdubɔnu bekyuli bani mbo bɔƒɔtaadi?”

Yohane 7:1

Na ɔmɛni kama ni, Yesu útaavi na Galilea kalɔ lɛlɔ na útayɔ ka usie Yudea kalɔ lɛlɔ ka Yudaƒuɔ bakya baawia ulu ɔni lɛlɔ na basia na badu-nwu ɔsu.

Mateo 26:64

Amu na Yesu údie kenye ɔnini, “Ɛɛn. Awɔ násu, na use lɛni sɔsɔ. Na mɔɔsu-mii nnii uwi klukui kemmo ni, bɛdubɔnu Ukyuli Ɔyawine Ubi ɔmmɔ ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Mateo 24:30

“Ala adi adubɔlɛ na kayaa ani mɔɔtina ka Ukyuli Ɔyawine Ubi ɔdubo. Na kayawi bekyuli ƒui badubuwulo na bana ekpidi ɔsu uwi ɔni na badubɔnu ka Ukyuli Ɔyawine Ubi ɔkɛ ulɔyɔ kemmo ɔ́yu ɔ́si kayaa ɔdubo na bukeye bonwu ku ɔyikun kemmo.

Batalane Kabla 17:14

Nsu baƒɔtaadine bani nkya mmɔ ni, báta kɔnakunwi na bétiku Paulo bésienku ɛpu kudɔ. Na Silas ku Timoteo báƒɔ lɛlɔ bákya kama.

Mateo 25:13

Amu na Yesu ɔ́wɔlɔ lɛgba lɛmmɔ ɔnini, “Anwuɔsu bilie kagyumana, ɔsika bɛɛɛgyi limeyi iye uwi ɔni na masɔ mebo.”

Mateo 24:48

Nsu si ɔdi kabla ɔblane ukpidi ni, ɔdubɔsu na nwuna kayi kemmo ɔnini, ‘Mina unwoti ɔdubutu uwi geen!’

Mateo 24:27

Ɔsika ami Ukyuli Ɔyawine Ubi ndubudie mina lɛlɔ keyi aani kalɛ na ɔnantu ɔdubo bɔna na ɔɔbwɛ bukeye taasi kayaa na ɔƒɛ katukɔ taatálɛ kanukɔ.

Mateo 23:34

Ɔmɛni ɔsu ni, ndubɔtala Katɔti kenye bediene ku banundane ku Katɔti ɔda bubo ala batinane lɛkya-mii akɔ. Na ka biikisi-ma ɔsu ni, bɛdubɔkana badi bɔmana ugyii lɛlɔ na bekpi, na bibo badi kugyiimi na kasalakɔ, na bɛbɔku badi lɛnɔ bɛsiku ɔma unwi bisienku ɔma unyɔdi kemmo.

Mateo 4:12

Uwi ɔni na Yesu únu ka béƒie Yohane bákya ɔtɔ ni, ɔ́tɔlɔ úsie Galilea.

Mateo 2:13

Ka baƒɔ bammɔ bátɔlɔ kama ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo. Na ɔ́su-nwu ɔnini, “Herode ɔdubɔya na bawia ubi ɔmmɔ kama ulu na badu-nwu. Anwuɔsu ta, na eti ubi ɔmmɔ ku uni na bikeli bisie Egyipte kalɔ lɛlɔ. Na bitélie mmɔ utédu uwi ɔni na masu-ɔ nnii, ‘Sɔ nwini bo.’ ”

Batalane Kabla 20:1

Uwi ɔni na lɛsɛ lɛmmɔ líbo kalɔ ni, Paulo ɔ́lɔ baƒɔtaadine bamɛni ɔ́sala. Na ka ɔ́kya-ma ɔkplu na bana bɔƒɔtaadi kemmo ɔ́wɔlɔ ni, úye ulu na ɔ́kada-ma na ɔ́tɔlɔ úsie Makedonia.

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Mateo 23:36

Na mɔɔsu-mii geen ka ubugya buwiakun bɔmɛni bɔsia amii bani nlie ngba mɛni lɛlɔ.

Mateo 24:34

Mɔɔsu-mii geen ka ala amɛni ƒui adubɔlɛ asa na bina akɔ badi na mɛni bɛdubɔsa bukpi.