Mateo 10:19 - Katɔti Ɔku Kedee

¹⁹ Si béti-mii bésienku litemi katɛkɔ ni, biteti kasusu na lɛla lɛni bɛdubɔsu lɛlɔ.

Mateo 10:19 Referans Kwoze

Israelƒuɔ Bɔlɛ 4:12

Anwuɔsu teesie na ndubo-ɔ bunku na akana bɔtɛmi na ndubɔtina-a lɛla lɛni na adubɔsu.”

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Luka 12:11

“Si bákpanku-mii bésienku Yudaƒuɔ kɔsakɔ iye batɔnkune iye bagadine anumi banii baatɛku-mii litemi ni, ɔƒɛ utada-mii bɛnii bi na bɛdubo bɔsu iye dɛ na bɛdubudie lɛlɔ kenye.

Israelƒuɔ Bɔlɛ 4:15

Tɛmiku-nwu na asu etemila amɛni akya-nwu kenye. Ami ndubo bina inyɔ ƒui bubunku na lɛtina-mii lɛla lɛni na bɛdubɔsu.

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Mateo 6:31

“Anwuɔsu bɛsɔ biteti kasusu bɛnii, ‘Wɛ na bɔdubɔkɛ lɛla lɛdi bɔdi? Iye lɛdi bɔni? Iye lɛdi bɔkya?’

Mateo 6:25

Anwuɔsu mɔɔsu-mii nnii biteti kasusu pii na bɔdi ku bɔni iye bina adala lɛlɔ. Ɔsika ngba bɔƒɔ kuye butulo adila. Na ɔlɔna lɛnɔ ɔ́ƒɔ kuye utulo adala.

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Batalane Kabla 6:10

Nsu bana akɔ ɔdi biala útakana-nwu kenye bunye ɔ́si nwuna lɛnunda ku litela lɛni na Katɔti Kɔyu kúte-nwu ɔsu.

Yeremia 1:9

Amu na Unwoti údie nwuna kɔnu na útuku-mi kenye na ɔ́su ɔnini, “Líti etemila ani na adubo bɔsu mɔɔkya-a kenye.

Yeremia 1:7

Amu na Unwoti ɔ́su-mi ɔnini, “Tasu anini, ‘Ńtabi lɛlɔ.’ Mmomu si lɛ́tala-a nnii tásu ukyuli ɔdi lɛla lɛdi ni, sie! Na asu-nwu lɛla lɛni na líbo-ɔ ɔda mmɔ.

Mateo 6:34

Anwuɔsu biteti kasusu pii na kadi kani nétegye tɔ lɛlɔ. Limeyi lɛmmɔ alatidi lɛdanku nina etila. Útalɛka biti etila bamba bibunku limeyi lɛmmɔ adi lɛlɔ.

Mateo 10:18

Na ka bɛdi mina batɛyane ɔsu ni, badubɔtɛku-mii litemi na kalɔ kammɔ lɛlɔ badine ku baga anumi. Na bɛsu ama bani naaadi Yudaƒuɔ litemi buni lɛmmɔ.

Luka 12:12

Ɔsika Katɔti Kɔyu kɔdubɔtina-mii na uwi ɔmmɔ kani lɛlɔ lɛla lɛni na bɛdubo bɔsu.”