Mateo 10:16 - Katɔti Ɔku Kedee

¹⁶ “Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.

Mateo 10:16 Referans Kwoze

Luka 10:3

Biteesie! Mɔɔtala-mii aani baƒonu na begiti akɔ.

Ƒilipiƒuɔ 2:15

Mmɔ na bɛdubɔlɛ kɔtɔ bɔdu biala kemmo na bɛbla sɛɛn aani Katɔti bebi bani na likpidi liiibo-ma lɛlɔ. Na ka bilieku bekyuli bekpidi bani nkya kayawi kani nébie mɛni kemmo ɔsu ni, bikeye na bana akɔ aani kalɛ na ayabi eekeye na kayaa.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Koloseƒuɔ 4:5

Bɛda anu na bina keliela kemmo na bɛti kalɛ na bilieku bani naaadi baƒɔtaadine. Na kuƒi biala na bɛ́kɛ ni, bɛbla kabla bite Blɔti.

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Batalane Kabla 20:29

Na ngyi kede kede ka si lɛ́tɔlɔ-mii kudɔ ni, bekyuli badubo bɔta bukpoku-mii na begyingya-mii aani kalɛ na begiti beekpóku baƒonu.

Korintoƒuɔ 2 11:3

Nsu mɔɔyia ka ukisine ɔmmɔ ɔdububile-mii kasusu na bɛsɔ bilése sɛɛn na bɛsiaku Kristo lɛti kama. Lɛni na kɔlakpi kɔmmɔ kúti nwuna kɔkwɛ kukpidi kúbile Eva kasusu na ɔ́ya na ɔ́bla likpidi.

Tesalonikaƒuɔ 1 5:22

Bɛda lɛlɔ bidie likpidi ulu biala lɛlɔ.

Korintoƒuɔ 2 11:14

Na ɔmɛni ɔɔɔdi lɛla lɛwɔdi, ɔsika Satan ɔɔvumana lɛlɔ na ɔɔbla aani Katɔti ɔtu ɔni ndanku Katɔti bukeye.

Ala Kalɔ Buse 3:1

Na mmɔ ni, kɔlakpi ndi kebweyi kani mbo lɛkwɛ geen ntulo bebuo bani ƒui na Unwoti Katɔti údie akɔ. Na limeyi lɛdi ni, kɔlakpi kɔmmɔ kúsie uleku ɔmmɔ kudɔ na kútéye-nwu kɔnini, “Sɔsɔ geen na Katɔti ɔ́su-ɔ ɔnii, ‘Tadi egyii ammɔ adi biala ebi’?”

Tesalonikaƒuɔ 1 2:10

Amii alati ku Katɔti ndubunye-bu litemi lɛmɛni kama ka bɔ́da bula lɛlɔ kedee na bina akɔ. Bɔ́bla ala abuni. Na ukyuli ɔdi útanu bɔƒiɔ bɔdi na bula lɛlɔ.

Koloseƒuɔ 1:9

Anwuɔsu ɔ́si uwi ɔni na búnu-mii kɔku ni, bútada Katɔti bɔkpali na bina lili bútaya. Na buuvele Katɔti bɔnii ubimi bina kasusu kemmo na ɔya na bɛti nwuna lɛyɔla. Na nwuna Kɔyu kute-mii lɛnunda ku ala kalɔ bunu kalɛ na bɛti ala ani na ɔɔyɔ́ ka bɛbla.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Korintoƒuɔ 2 8:20

Na etela ani na bekyuli béte ku kaƒɔ ƒaa mɛni ni, bɔda-nya kaduɛ kalɛ na ukyuli ɔdi ulakyaku-bu unyeƒi ɔdi ɔnii bɔda egulabi ammɔ bɔɔdi.

Ala Kalɔ Buse 3:13

Mmɔ na Unwoti Katɔti úye uleku ɔmmɔ ɔnini, “Bi na ábla mɛni?” Amu na uleku ɔmmɔ údie kenye ɔnini, “Kɔlakpi kɔmmɔ nátɔlɔ-mi na lɛ́di.”

Yeremia 40:16

Amu na Gedalia údie kenye ɔnini, “Tadu Ismael! Ɔsika lɛla lɛni na ásu ásiku-nwu lɛlɔ lilakana na wabla litemi geen.”

Hosea 7:11

“Israelƒuɔ báta bénwini aani bakpaƒɛɛlɛ bani nkɛ esu esu beeveyi teesie taasɔ, na Egyipteƒuɔ ku Asiriaƒuɔ ntɛ baawia kabɛkɔ.

Mateo 24:25

Binu! Mɔɔlɛ-mii lise asa na uwi ɔmmɔ udu.

Mateo 24:45

“Kabla Ɔblane ɔni náda anu na ɔɔbla ala ulu lɛlɔ ni, anwu na nwuna unwoti uuti teenye kabla bablane bakladi kenye. Na uunye-ma kenye teete-ma adila na uwi ɔbuni kemmo.

Mateo 25:2

Bana kemmo ɛlɔ badi badɔlɔdi, na ɛlɔ bakladi lɛnɔ badi banundane.

Mateo 25:4

Na banundane bammɔ ama béti nnɔmii bébunku bana lɛsogya báda.

Mateo 25:9

“Na banundane bammɔ básu-ma banini, ‘Bula nnɔmii bulédu abu ku-mii, anwuɔsu biteesie beyene kudɔ na bitéye bina bɔdi.’

Nehemia 4:13

Amu lídie bekyuli badi na béténye kesii kani na lɛwoduku lɛmmɔ lɛ́kuku kalɛ na bekyuli baanu-ma. Na lɛ́ya bésie benye kɔduli kenye. Na báda bana kuwii ku kɔtaminta ku atula.