Mateo 10:14 - Katɔti Ɔku Kedee

¹⁴ Na si ama iye ɔma ɔmmɔ bekyuli bátaƒɔ-mii iye béni bina litemi ni, bɛtɔlɔ na biveli bina lɛgba kalɔ ɔtumu biwi-ma.

Mateo 10:14 Referans Kwoze

Batalane Kabla 18:6

Amu uwi ɔni na Yudaƒuɔ bamɛni báta bénye-nwu lɛlɔ na beetemi enyekpi taasiku Yesu lɛlɔ ni, Paulo úveli enu úwi-ma, na ɔ́su-ma ɔnini, “Si bɛ́yii ni, mina kɔnu, mina ɔgba uuubo-nwu kemmo. Ɔ́si ɔƒaani ni, lísela bekyuli bani naaadi Yudaƒuɔ kudɔ ntásu-ma litemi buni lɛmɛni.”

Nehemia 5:13

Amu na lídie kɔdi kɔni nda-mi kavobi na lɛ́kuna-ku na lɛ́su nnini, “Lɛni na Katɔti ɔdubo bɔkuna bina akɔ ɔdi biala ɔni naaadi nwuna linyese lɛlɔ.” Na lɛ́sɔ lɛ́su nnini, “Katɔti ɔdubɔƒɔ bina kɔduli ku bina lɛla biala lise-mii ku lɛla lɛni nébu-mii.” Na ukyuli biala ɔni nése mmɔ ɔ́su ɔnii, “Ɔsia lɛni!” Na bana ƒui bémwi Unwoti. Na bekyuli bammɔ bábla aani kalɛ na básu.

Batalane Kabla 13:51

Nsu uwi ɔni na baalɛ́ ɔma ɔmɛni kemmo ni, béveli bana lɛgba kalɔ ɔtumu béwi ɔma ɔmmɔ béti bátina ka ɔma ɔmmɔ bekyuli béni-ma. Ɔmɛni kama ni, bátɔlɔ bésie Ikonion.

Luka 9:5

Na kesii kani na bátaƒɔ-mii ni, bɛtɔlɔ ɔma ɔmmɔ kemmo na biveli bina lɛgba kalɔ ɔtumu muedi biwi ɔma ɔmmɔ kemmo aani Katɔti kɔtu bɔni kati bute.”

Marko 6:11

Si bídu ɔma ɔdi na bekyuli bammɔ bátaƒɔ-mii iye banii belenu bina litemi ni, bɛtɔlɔ na biveli bina lɛgba kalɔ ɔtumu bíwi-ma. Ɔmɛni ɔdubɔtina ka ɔma ɔmmɔ bekyuli béni-mii. Anwuɔsu lɛla lɛdi biala mebo ni, bana litemi lɛdi.”

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Yohane 13:20

Mɔɔsu-mii geen nnii ukyuli biala ɔni muugyingya enu taaƒɔ ukyuli ɔni na lɛ́tala ni, ami na ɔ́ƒɔ. Na ukyuli ɔni megyingya enu na waƒɔ-mi ni, anwu ɔni nátala-mi lɛnɔ na ɔ́ƒɔ.”

Marko 9:37

“Ukyuli biala ɔni mɔɔƒɔ́ ɔnamu na ami ɔsu ni, ami na ɔ́ƒɔ. Na ukyuli biala ɔni mɔɔƒɔ́-mi ni, ɔɔɔdi ami lɛti na ɔ́ƒɔ. Mmomu ɔ́ƒɔ mina Ɔti ɔni nátala-mi lɛnɔ.”

Mateo 18:5

“Na ukyuli ɔni maƒɔ ɔnamu blii suɛ aani ɔmɛni udu na mina lɛnyi kemmo ni, ɔ́ƒɔ ami lɛnɔ.

Luka 9:48

Mmɔ na ɔ́su-ma ɔnii, “Ukyuli ɔni náƒɔ ɔnamu ɔmɛni na mina lɛnyi kemmo ni, ɔ́ƒɔ ami lɛnɔ. Na ukyuli ɔni mɔɔƒɔ́-mi ni, ɔ́ƒɔ ukyuli ɔni nátala-mi. Ɔsika ukyuli ɔni néboku lɛlɔ kalɔ ƒui na bina akɔ ni, anwu ndi ukyuli ɔni náƒɔ kuye utulo ƒui.”

Mateo 10:13

Si báƒɔ-mii ku kaƒɔ ƒaa ni, keyi buɛɛ kegye kammɔ kadubɔƒɔ kaduli kammɔ ƒui. Na si bátaƒɔ-mii ni, keyi buɛɛ kegye kammɔ kaaadubo bulieku-ma.