Mateo 10:1 - Katɔti Ɔku Kedee

¹ Yesu ɔ́lɔ nwuna batɛyane leevu-inyɔ bammɔ ɔ́sala na úte-ma ɔyikun kalɛ na bagya ayu ekpidi balɛku bekyuli lɛlɔ na babwi lɛlɛ lidu lidu lɛnɔ.

Mateo 10:1 Referans Kwoze

Luka 10:19

Binu kaduɛ! Líte-mii ɔyikun ɔni na bɛkana na bɛkɔ bɛnya balakpi ku batamlukpa lɛlɔ. Na bɛkana bɛdi ukisine ɔmmɔ ɔyikun ƒui lɛlɔ ɔni na lɛla lɛdi lilabla-mii.

Luka 24:49

Na ami ɔlati ndubuti lɛla lɛni na Katɔti ɔ́su-mii úse limene-mii. Nsu ɔlɛka binye bɛgya Katɔti ɔyikun ɔmɛni na Yerusalem wetédu uwi ɔni na ɔyikun ɔmmɔ ɔsi katɔ ubeduo-mii lɛlɔ kemmo.”

Batalane Kabla 1:8

Nsu si uwi ɔni na Katɔti Kɔyu kúbo-mii kudɔ ni, kɔdubɔƒɔ-mii lɛlɔ kemmo ƒui na kɔdubɔkya-mii ɔyikun na bɛdubɔsu-mi lɛlɔ litemi na Yerusalem ku Yudea ku Samaria wetéduku kalɔ kawɔkɔ.”

Yohane 3:27

Yohane údie kenye ɔnini, “Ukyuli biala ulakɛ lɛla lɛdi si ɔɔɔdi Katɔti néte-nwu lɛla lɛmmɔ.

Luka 6:13

Ka kadi kégye ni, ɔ́lɔ nwuna basiakune ƒui úbasala nwuna kudɔ na ɔ́ƒuna leevu-inyɔ bani na ɔ́sia-ma lɛnyi ɔnii nwuna batalane.

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Batalane Kabla 19:15

Nsu ka bátásu kɔyu kukpidi kɔdi lɛni ni, kɔ́su-ma kɔnini, “Ami ngyi Yesu, na ngyi Paulo lɛnɔ. Nsu amii ni, lɛɛɛgyi-mii! Ɔma bene bɛdi?”

Yohane 17:2

Ɔsika éti ɔyikun unengudi éte-mi na kayawi bekyuli ƒui akɔ kalɛ na lɛya na bani ƒui na éti éte-mi ni, belie ngba bɔni nsɔ naaadubo bɔsa kudii.

Yohane 6:70

Amu na Yesu údie kenye ɔnini, “Ami náƒuna bina leevu-inyɔ bamɛni ina ka bina akɔ unwi ɔdi ukisine.”

Yohane 3:35

Katɔti ɔɔyɔ́ Ubidi na úti lɛla biala ɔ́kya nwuna enu kemmo.

Budie Taatina 12:1

Amu na akɔla ala budie taatina bonwu adi áda álɛ kayaa. Na ɔƒɛ ɔ́ka ɔ́mana uleku ɔdi aani kɔdi kalɛ, na kɔbuli kɔkya-nwu lɛgba kalɔ. Na úbi ayabi leevu-inyɔ kagabwa kadi lili.

Mateo 26:47

Yesu ɔmu unye ɔɔtɛmiku-ma asa na Yuda ɔni ndi leevu-inyɔ bammɔ akɔ unwi ɔ́da úbalɛ. Ɔdanku bekyuli lisu lɛni na bakpane benengu ku batɔnkune bédie. Na bada lɛkɛɛ ku ligyii.

Mateo 26:20

Na ka useyi uwi údu ni, Yesu ku nwuna batɛyane leevu-inyɔ bammɔ bébo bebelie kalɔ.

Mateo 19:28

Yesu ɔ́su-ma ɔnini, “Amii bɛkɛ kayi. Uwi ɔni na ami Ukyuli Ɔyawine Ubi mebo na mina lɛlɔyɔ kemmo na nlie mina lɛgaboku lɛlɔ na kayawi kawɔdi kammɔ kemmo ni, bina leevu-inyɔ bani nsiaku-mi lɛnɔ bɛdubulie agaboku lɛlɔ na bɛdi Israelƒuɔ adukpa leevu-inyɔ lɛlɔ.

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Mateo 4:23

Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Mateo 9:35

Yesu úsie ɔ́vi lɛma ku akpaklɔ ani nkya amadɔ mmɔ kemmo. Ɔ́tina ala na Yudaƒuɔ kɔsakɔ. Na ɔ́kɔ litemi buni lɛsa lɛni nkɛnku Katɔti lɛga kadikɔ lɛlɔ. Na ɔ́bwi lɛlɛ lidu lidu.

Mateo 9:38

Anwuɔsu bivele edula ɔlati ɔmmɔ na uti kabla bablane badi ubebunku kabla kammɔ kemmo.”