Mateo 1:6 - Katɔti Ɔku Kedee

⁶ Na ɔ́si Dawid lɛlɔ úbalɛ uwi ɔni na Babilonƒuɔ béƒie Israelƒuɔ bésienku bana kalɔ lɛlɔ ni, kaba kammɔ kemmo bati anyi ndi amɛni. Dawid, Salomo ɔni uni ndi uleku ɔni na Uria úti dii,

Mateo 1:6 Referans Kwoze

Baga 1 15:5

Ɔsika na Dawid ngba bulie kemmo ƒui ni, ɔ́bla ala ani na ese siin na Unwoti anumi, na útedie atu na Unwoti ɔda bubo biala lɛlɔ. Ntu anwu ku Uria ɔni ɔdi Hetini likpidi lɛni na ɔ́bla mmɔ kani.

Samuel 1 17:12

Na Saul lɛga bɔdi uwi kemmo ni, unengu ɔdi ɔ́kya na baalɔ-nwu Yisai. Ɔdi Eƒrat kɔdua ukyuli na ulie Betlehem na Yuda kalɔ lɛlɔ, na ɔ́ɔbi geen. Ubo bebi bananabi maane. Na bebi bammɔ akɔ unwi ndi Dawid.

Ala Alɛdi 1 14:4

Na bebi bani na ɔ́wɔ na mmɔ ndi bamɛni, Samua ku Sobab ku Natan ku Salomo

Ala Alɛdi 1 3:5

Na bebi bani na báwɔ béte-nwu na Yerusalem ndi Samua ku Sobab ku Natan ku Salomo. Bebi ine bammɔ na Amiel ubidi ulekubi Bat-Sua ɔ́wɔ úte Dawid.

Samuel 2 23:1

Na ɔƒɛni ni, binu Dawid etemila ekplodi. Yisai ubidi Dawid mɔɔsu kenye kamɛni. Na ɔdi ukyuli ɔni na Katɔti ɔ́kɔliku katɔ katɔ ƒui. Anwu na Yakob Katɔti ɔ́ƒuna ka udie lɛla lɛdi kenye. Na ɔdi Israelƒuɔ agya ɔtune ɔbuni. Anwu násu ɔnini,

Samuel 1 16:1

Na uwi ɔmmɔ kemmo ni, Unwoti úye Samuel ɔnini, “Uwi ɛlɛ na adubo bulie buteewulo kɔnyana na Saul lɛlɔ butálɛ? Líni nnii ɔsɔ utadi lɛga na Israel. Ta na eyile ƒula lise ku nnɔmii na ayu ulu eteesie Betlehem ɔma kemmo na ɔnana ɔni baalɔ banii Yisai kesii. Nwuna bebi akɔ na lɛ́ɛƒuna ukyuli ɔni madi mina ɔga líse.”

Romaƒuɔ 8:3

Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Yesaia 11:1

Yese kaba kemmo ligyukui lɛdi lɛdubɔta, na nwuna ugyitu ɔdubudie kagba na kanwu ebi.

Kɔgya 72:20

Lɛni na Yese ubidi Ɔga Dawid ɔ́wɔlɔ Katɔti bɔkpali.

Ala Alɛdi 1 28:5

Unwoti kusɛ kusɛ ɔ́siaku-mi na lɛ́wɔ bebi pii. Nsu Salomo na ɔ́ƒuna ka ɔdi lɛga na Israel na mina kama.

Ala Alɛdi 1 11:41

ku Hetini Uria ku Ahlai ubidi Sabad

Ala Alɛdi 1 2:15

Na Osem ndi ɔkundi, na Dawid ndi maatɛdi.

Samuel 2 23:39

ku Uria Hitini. Na bana ƒui bebo avlaatɛ-maatɛ.

Samuel 2 11:3

Ɔmmɔ ɔsu Dawid ɔ́tala ukyuli ɔdi ɔnii usie na utéye unu uleku ɔni na ɔdi mmɔ. Ukyuli ɔmmɔ ɔ́sɔ únwini úbo úbasu Dawid ka uleku ɔmmɔ baalɔ Bat-Seba. Na ɔti ndi Eliam na ɔgyani lɛnɔ baalɔ Uria ɔni ndi Hitini.

Samuel 1 22:8

Lili na bɛɛsa mina lɛlɔ ka bɛtu-mi lɛga? Ami ɔlati ubidi únyimiku Yisai ubidi Dawid kenye na mina lɛlɔ, na bina ɔdi útasu-mi! Bina akɔ ina ukyuli unwi muedi uláwia-mi bɔdia. Na ɔdi útasu-mi ka mina ubi ɔɔkya mina kabla ɔblane ogya ka unye utaatu-mi kalɛ na ɔɔbla ɔmwi mɛni!”

Samuel 1 17:58

Mmɔ na Saul úye Dawid ɔti lili. Na Dawid údie kenye ɔnini, “Ƒula kabla ɔblane Yisai ubidi na ndi. Na ɔ́si Betlehem.”

Rut Keliela Ɔku 4:22

na Obed ɔ́wɔ Yisai, na Yisai ɔ́wɔ Dawid.

Mateo 1:5

Salmon, Boas ɔni uni ndi Rahab, Obed ɔni uni ndi Rut, Yisai, Ɔga Dawid.