Mateo 1:25 - Katɔti Ɔku Kedee

²⁵ Nsu ni, Yoseƒ ku Maria baaagyi lɛlɔ aani ɔnana ku uleku kalɛ útédu uwi ɔni na ɔ́wɔ ubidi ɔnanabi ɔmmɔ. Na Yoseƒ ɔ́sia-nwu lɛnyi ɔnii Yesu.

Mateo 1:25 Referans Kwoze

Luka 2:21

Na emeyi maane kama ka uwi úbedu ka bekulo ubi ɔmmɔ lego ni, básia-nwu lɛnyi banii Yesu aani kalɛ kani na Katɔti ɔtu ɔmmɔ ɔ́su úse asa na badubɔda-nwu kaƒɔ.

Luka 2:7

Ɔ́wɔ nwuna ubi ɔnanabi udeedi na ɔtɔ kakɛ kani na bebuo batɛ. Na únyimi-nwu ɔ́kya kɔdi kemmo, na úti-nwu ɔ́va lɛla lɛni kemmo na bebuo bammɔ baadi, ɔsika kakyakɔ kadi kasɔ keeebo na baƒɔ keduokɔ.

Mateo 1:21

Na ɔdubɔwɔ ɔnanabi. Na awɔ Yoseƒ asia-nwu lɛnyi anii Yesu, ɔsika anwu ndubudie nwuna bekyuli ɔlɛku bana ekpidi kemmo.”

Israelƒuɔ Bɔlɛ 22:29

“Na biteni-mi bina edula ku ntɛ akpala buboku. “Na biti bina bebi bananabi bedeedi bani bɛ́wɔ bite-mi.

Israelƒuɔ Bɔlɛ 13:2

“Die ubi ɔnanabi udeedi biala se-mi. Ɔsika Israelni kɔwɔ kudeedi ku bana bebuo ƒui kɔwɔ kudeedi kɔdi mina ɔdi. Na abla-ma sɛsɛɛ ete-mi.”

Romaƒuɔ 8:29

Na bekyuli bani na Katɔti ɔgyi use ni, úse-ma likpo na ɔ́ya bálɛ Ubidi kalɛ na Ubidi ɔbla udeedi na nwuna banwa pii bammɔ akɔ.

Mateo 1:24

Anwuɔsu uwi ɔni na Yoseƒ ɔ́gyinya ni, úti Maria ɔ́bla ulekudi aani kalɛ na Katɔti ɔtu ɔmmɔ ɔ́su-nwu.

Luka 1:31

Adubo kaƒɔ bɔda na awɔ ɔnanabi, na adubɔsia-nwu lɛnyi anii Yesu.

Samuel 2 6:23

Na Saul ubidi Mikal ɔmɛni útawɔ ubi ɔdi úti útédu nwuna likpimeyi.

Baga 1 1:4

Na ugblebi ɔni mɔɔdia bɔnu mɛni ɔɔtɛ ɔga ɔmmɔ kudɔ na ɔɔnu-nwu lɛlɔ, nsu anwu ku ɔga ɔmmɔ bétesie lɛlɔ kudɔ aani ɔnana ku uleku kalɛ kudii.