Mateo 1:23 - Katɔti Ɔku Kedee

²³ “Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Mateo 1:23 Referans Kwoze

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Kɔgya 46:7

Unwoti Katɔti Ɔyikune Ƒui ɔsiaku-bu. Anwu ɔni na bula Nana Yakob ɔ́kpa ndi bula katamikukɔ.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Timoteo 2 4:22

Blɔti ɔda-a kɔyu, na muuvele-nwu nnii ɔda-mii kaduɛ na nwuna lɛƒɔndia kemmo.

Romaƒuɔ 9:5

Ama mbo Israel ɔtɔ eƒi benengu bani na Katɔti ɔ́ƒuna. Na bana akɔ na Kristo ɔni nébo aani ukyuli ɔyawine ɔ́lɛ ɔ́si. Bɛya na bumwi Katɔti ɔni mɔɔdi ala ƒui lɛlɔ ɔ́si ɔƒɛni úsela ƒui. Ɔsia lɛni.

Korintoƒuɔ 2 5:19

Na lɛsa lɛmɛni ndi ka Katɔti ɔkɛ Kristo lɛlɔ na ɔ́klibi anwu ku bekyuli ƒui ntɛ. Na údie atu na bana ekpidi ƒui lɛlɔ. Na kenye kani na ɔda úte-bu ndi ka ɔɔwia ka bɔsu bekyuli ƒui ntɛ bɔklibi litemi lɛmɛni.

Batalane Kabla 18:9

Amu na limeyi lɛdi usientɛ ni, Blɔti ɔ́su Paulo na kɔna kemmo ɔnini, “Tayia! Na tada litemi lɛmɛni bɔsu taya.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Mateo 1:24

Anwuɔsu uwi ɔni na Yoseƒ ɔ́gyinya ni, úti Maria ɔ́bla ulekudi aani kalɛ na Katɔti ɔtu ɔmmɔ ɔ́su-nwu.

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Luka 20:44

Na si Dawid ɔ́lɔ-nwu ɔnii Ɔti ni, dɛ na ɔ́bla na Ukyuli Ɔƒunadi ɔmmɔ ɔɔbla Dawid kaba kemmo ubi?”