Mateo 1:21 - Katɔti Ɔku Kedee

²¹ Na ɔdubɔwɔ ɔnanabi. Na awɔ Yoseƒ asia-nwu lɛnyi anii Yesu, ɔsika anwu ndubudie nwuna bekyuli ɔlɛku bana ekpidi kemmo.”

Mateo 1:21 Referans Kwoze

Batalane Kabla 13:23

“Na ɔ́si Dawid kaba kemmo ni, Katɔti údie Ɔƒɔne ɔni ndi Yesu úte Israelƒuɔ aani kalɛ na úse-bu kenye.

Batalane Kabla 4:12

Anwu lɛti ndi bekyuli Ɔƒɔne, ɔsika anwu kani na Unwoti úte lɛnyi ku ɔyikun na bekyuli ƒui akɔ ɔni makana waƒɔ-bu ngba.”

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Yohane 1 3:5

Na bɛgyi ka Kristo úbo kalɛ na ubada-bu udie ekpidi kemmo. Na anwu ni, likpidi lɛdi lɛɛɛma-nwu lɛlɔ.

Luka 2:21

Na emeyi maane kama ka uwi úbedu ka bekulo ubi ɔmmɔ lego ni, básia-nwu lɛnyi banii Yesu aani kalɛ kani na Katɔti ɔtu ɔmmɔ ɔ́su úse asa na badubɔda-nwu kaƒɔ.

Batalane Kabla 5:31

Katɔti úte-nwu kenyekɔ kenengudi na nwuna kɔdianu. Na úti-nwu ɔ́bla Ɔgadine ku Ɔƒɔne kalɛ na Israelƒuɔ bakɛ kuƒi benwini bana kɔyi, na bakɛ ekpidi butitaakyiɛ.

Luka 1:31

Adubo kaƒɔ bɔda na awɔ ɔnanabi, na adubɔsia-nwu lɛnyi anii Yesu.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Luka 2:11

Na ɔmwi limeyi lɛmɛni kani lɛlɔ ni, báwɔ Ɔƒɔne ɔni ndi Blɔti Kristo béte-mii na Ɔga Dawid ɔma kemmo.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Batalane Kabla 3:26

Anwuɔsu ka Katɔti údie nwuna kabla ɔblane keyi ni, ɔ́tala-nwu ɔnii ɔka-mii kudɔ bubo bubebunku-mii kalɛ na bɛkana kama bunwini bɔkya bina ekpidi.”

Budie Taatina 7:14

Amu na lɛ́su-nwu nnini, “Ati, lɛɛɛgyi-ma. Awɔ ngyi bekyuli bamɛni.” Amu na ɔ́su-mi ɔnini, “Bekyuli bamɛni ndi bani nénye lɛbibo bonwu lɛmmɔ kenye, na bálɛ-nwu kemmo. Bábla sɛɛn na Koƒonu Ubi ɔmmɔ ubugya ɔsu, aani kalɛ na baaƒɔ lɛwu na lɛɛƒuala.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Yeremia 23:6

Na uwi ɔni ƒui na ɔdubulie ɔdi lɛga lɛmmɔ ni, Israel ɔdubulie ku keyi buɛɛ. Na lɛla biala lise kpoo na Yuda kalɔ lɛlɔ. Na lɛnyi lɛni na ɔga ɔmmɔ ɔdubɔdi ndi Unwoti Uute Litemi Bɔtɛ Ulu Siin Lɛlɔ.

Ala Kalɔ Buse 18:10

Amu na Unwoti ɔ́su-nwu ɔnini, “Sɔsɔ ni, ndubɔsɔ linwini libo-ɔ kudɔ lɛkwa lɛni ndubo uwi ɔmɛni kalɛ. Na ƒ'ulekudi Sara ɔdubɔwɔ ɔnanabi.” Na uwi ɔmmɔ kemmo ƒui ni, Sara ɔkya kevo kemmo uunú lɛla lɛni na baasu, ɔsika bénwini kama bákya kayakun kammɔ.

Luka 1:13

Nsu Katɔti ɔtu ɔmmɔ ɔ́su-nwu ɔnini, “Sakaria, tayia! Katɔti únu ƒula bɔkpali, na ƒula ulekudi Elisabet ɔdubɔwɔ ɔnanabi ute-ɔ. Na adubɔsia-nwu lɛnyi anii Yohane.

Yeremia 33:16

Na uwi ɔmmɔ kemmo ni, Yuda ɔdubulie ƒaa na lɛla lɛdi lɛɛɛdubo-nwu bukpoku. Na Yerusalem ɔdubulie ku keyi buɛɛ na bekyuli badubɔsia-nwu lɛnyi banii ‘Unwoti ɔɔtɛ litemi siin.’

Ala Kalɔ Buse 17:19

Mmɔ na Katɔti ɔ́su ɔnini, “Ɛɛn! Nsu ƒ'ulekudi Sara ɔdubɔwɔ ɔnanabi ute-ɔ. Na adubɔsia-nwu lɛnyi anii Isak. Ndubɔlɛ mina bunyimi ugyii ku anwu ɔmmɔ aani bunyimi bɔni makya ami ku-nwu ntɛ usela uwi ƒui ku nwuna bawɔ lɛnɔ ntɛ.

Ala Kalɔ Buse 17:21

Nsu mina bunyimi ni, ami ku Isak bawɔ ntɛ na ndubɔlɛ-mu ugyii. Na anwu ndi ubi ɔni na Sara ɔdubɔwɔ ute-ɔ na lɛkwa lɛni ndubo aani uwi ɔmɛni kalɛ.”

Litemi Batɛne 13:3

Mmɔ na Unwoti ɔtu ɔdi údie lɛlɔ ɔ́tina-nwu na ɔ́su-nwu ɔnini, “Udinkɔ na adi na átawɔ kudii, nsu adubo kaƒɔ bɔda na awɔ ubi ɔnanabi.

Samuel 1 1:20

Ɔmmɔ kama ni, Hana úbada kaƒɔ na ɔ́wɔ ubi ɔnanabi. Na ɔ́sia-nwu lɛnyi ɔnii Samuel, na ɔ́su ɔnini, “Ɔsika Unwoti na lívele na únu-mi bɔkpali na úte-mi ubi ɔmmɔ.”

Mateo 1:25

Nsu ni, Yoseƒ ku Maria baaagyi lɛlɔ aani ɔnana ku uleku kalɛ útédu uwi ɔni na ɔ́wɔ ubidi ɔnanabi ɔmmɔ. Na Yoseƒ ɔ́sia-nwu lɛnyi ɔnii Yesu.

Yohane 4:42

Kama ni, bekyuli bammɔ básu uleku ɔmmɔ banini, “Ɔƒɛni bɔdaku bɔƒɔ taadi, ɔsika abu alati búnu nwuna etemila, na ɔɔɔdi lɛla lɛni na ásu lɛti pɛ ɔsu. Sɔsɔ na ɔdi, bɔ́ti ka anwu ndi bekyuli bayawine Ɔƒɔne.”