Mateo 1:16 - Katɔti Ɔku Kedee

¹⁶ Yakob, Yoseƒ ɔni néti Maria ɔni náwɔ Yesu ɔni baalɔ banii Ukyuli Ɔƒunadi.

Mateo 1:16 Referans Kwoze

Mateo 27:17

Amu na uwi ɔni na bekyuli pii bamɛni bábasa ni, Pilato úye-ma ɔnini, “Ɔma na bɛɛyɔ́ bɛnii nnyonu nte-mii? Baraba munuu Yesu ɔni na bekyuli baalɔ-nwu Ukyuli Ɔƒunadi ɔmmɔ?”

Yohane 4:25

Amu na uleku ɔmmɔ ɔ́su Yesu ɔnini, “Ngyi ka Ukyuli Ɔƒunadi ɔni baalɔ Kristo ɔdubo. Na si úbo ni, ɔdubo lɛla biala kalɔ budie bute-bu.”

Luka 3:23

Yesu ɔ́ƒɔ aani akwa avlaatɛ uwi ɔni na úse nwuna kabla kalɔ. Bekyuli kasusu kaatina-ma ka nwuna ɔwɔne ndi Yoseƒ ɔni ɔti ndi Eli

Mateo 27:22

Na Pilato ɔ́sɔ úye-ma ɔnini, “Bi na mbla Yesu ɔni na baalɔ-nwu banii Ukyuli Ɔƒunadi ɔmmɔ ɔƒɛni?” Bana ƒui bédie kenye banii, “Kana-nwu mana ugyii lɛlɔ!”

Luka 4:22

Na nwuna etemila ani na ɔɔsu áda-ma kayi geen, na kalɛ na unyemi lɛnɔ ɔɔta-nwu útakɔsi na ɔ́bla-ma dɛye dɛye. Na béye lɛlɔ banini, “Ɔɔɔdi Yoseƒ ubidi ɔmmɔ na ɔdi mɛni yoo?”

Luka 2:48

Ɔtɔtɔ ɔ́gyu nwuna bawɔne ka bánu-nwu lɛni. Na uni úye-nwu ɔnini, “Ubi, bi ɔsu na ábla-bu lɛmɛni udu? Ami ku ƒula ɔti ƒui búduo lɛƒɛda kemmo na bɔkɛ bɔɔví taawia-a.”

Luka 2:7

Ɔ́wɔ nwuna ubi ɔnanabi udeedi na ɔtɔ kakɛ kani na bebuo batɛ. Na únyimi-nwu ɔ́kya kɔdi kemmo, na úti-nwu ɔ́va lɛla lɛni kemmo na bebuo bammɔ baadi, ɔsika kakyakɔ kadi kasɔ keeebo na baƒɔ keduokɔ.

Luka 1:27

Ɔtu ɔmɛni úti kenye úsienku ulekubi ɔni na bévele béte ɔnana ɔni baalɔ banii Yoseƒ na ɔ́si Ɔga Dawid kaba kemmo. Ulekubi ɔmmɔ lɛnyi ndi Maria.

Marko 6:3

Ɔɔɔdi anwu ndi Maria ubidi ɔni ndi ligyii ɔnwine? Munuu ɔɔɔdi Yakobo ku Yose ku Yuda ku Simon banwani na ɔdi? Na nwuna banwani belekubi lɛnɔ nkya mɛni!” Anwuɔsu bekyuli bamɛni béni-nwu.

Mateo 2:13

Ka baƒɔ bammɔ bátɔlɔ kama ni, Katɔti ɔtu ɔdi údie lɛlɔ ɔ́tina Yoseƒ na kɔna kemmo. Na ɔ́su-nwu ɔnini, “Herode ɔdubɔya na bawia ubi ɔmmɔ kama ulu na badu-nwu. Anwuɔsu ta, na eti ubi ɔmmɔ ku uni na bikeli bisie Egyipte kalɔ lɛlɔ. Na bitélie mmɔ utédu uwi ɔni na masu-ɔ nnii, ‘Sɔ nwini bo.’ ”

Mateo 1:15

Eleasar, Matan,

Mateo 16:16

Mmɔ na Simon Petro údie kenye ɔnini, “Awɔ ndi Ukyuli Ɔƒunadi ɔmmɔ. Na adi Katɔti ɔni nli ngba uwi ƒui Ubidi.”

Mateo 16:20

Amu na Yesu úbo nwuna batɛyane ɔda ɔnii, “Bitasu ukyuli ɔdi bɛnii ami ndi Ukyuli Ɔƒunadi ɔmmɔ.”