27 Nsu Yesu ɔ́da ɔnamu ɔmɛni kɔnu na ɔ́ta únye.
Na Petro ɔ́da ukyuli ɔmɛni kɔdianu na ɔ́ya na ɔ́ta únye. Amu na nwuna lɛgba ku kasoma ekubi ƒui áyu ɔkplu!
Anwuɔsu Yesu úsie útéduo-nwu kudɔ, na úƒie-nwu kɔnu ɔ́da na ɔ́tala-nwu únyene. Kɔnakunwi na nwuna ɔlɛ ɔ́da-nwu ɔ́ya, na ɔ́ta na úte-ma adila.
Amu na Petro úte-nwu kɔnu na anwu lɛnɔ úƒie-ku ɔ́da na ɔ́ta únye. Amu na Petro ɔ́sɔ ɔ́lɔ baƒɔtaadine ku bekpinele bammɔ ƒui úboku. Na úti-nwu ɔ́kya-ma lɛkɔkɔ.
Yesu ɔ́da ukyuli ɔmmɔ kɔnu na útiku-nwu ɔ́lɛku ɔma kemmo. Ka útuo lisuo úwi ukyuli ɔmmɔ anumi lɛlɔ na úti enu ɔ́sia-nwu lɛlɔ ni, úye-nwu ɔnini, “Aanu lɛla lɛdi?”
Yesu úƒie-nwu kɔnu ɔ́da na ɔ́su-nwu ɔnini, “Talita Koumu.” Na nwuna kalɔ na lɛdi lɛmmɔ kemmo ndi ɔnii, “Ulekubi blii, mɔɔsu-ɔ nnii ta nye!”
Nwuna lɛlɔ lɛ́kywi Yesu kaƒɔ, anwuɔsu únene kɔnu na útuku-nwu. Amu na ɔ́su-nwu ɔnini, “Mɔɔyɔ́. Lɛlɔ lɛbla-a sɛɛn ƒui!”
Ami ndi bina Unwoti Katɔti ɔni nda-mii kɔnu anwuɔsu bitayia, ɔsika nnye-mii kudɔ ka libunku-mii.
Amu ka bágya bekyuli bammɔ bálɛku ni, Yesu úduo ulekubi ɔmmɔ ɔtɔ kemmo, na ɔ́da-nwu kɔnu. Na ɔ́ta ulie.
Kɔyu kɔmɛni kɔ́va momoomo, na kúdi ɔnamu ɔmɛni kúbo kalɔ na kɔ́lɛ-nwu lɛlɔ kemmo kɔ́tɔlɔ. Ɔnamu ɔmɛni ɔ́tɛ mmɔ aani si bukpi na úkpi. Na ukyuli biala ɔni nnye mmɔ ɔɔsu ɔnini, “Úkpi!”
Nwuna kama uwi ɔni na Yesu útéduo kaduli ni, nwuna batɛyane béye-nwu buɛɛ banini, “Bi ɔsu na abu bútakana kɔyu kɔmɛni bɔbɔku bɔlɛku ɔnamu ɔmmɔ lɛlɔ kemmo?”
Amu na bekpone ɔtɔnkune ɔmɛni ɔda ubi ɔmɛni kɔnu na útiku-nwu úsienku kɔƒɛlɛ na úye-nwu ɔnini, “Bi na aawia ka asu-mi?”
