Marko 9:25 - Katɔti Ɔku Kedee

²⁵ Amu na uwi ɔni na Yesu ɔ́nu ka bekyuli pii bammɔ baaní teede-ma ni, útemi úte kɔyu kɔmɛni ɔnini, “Kɔyu kukpidi kɔni neeenu na kulétemi, mɔɔsu-ɔ ka vi lɛ ɔnamu ɔmɛni lɛlɔ kemmo, na sɔ teduo-nwu lɛlɔ kemmo kudi kudii lɛnɔ!”

Marko 9:25 Referans Kwoze

Batalane Kabla 16:18

Amu na lɛla lɛmɛni lísie anumi emeyi pii. Na ka Paulo ɔ́nɔ bɔnu ni, únwini na ɔ́su kɔyu kɔni nsiaku ugblebi ɔmɛni ɔnini, “Mɔɔbɔku-ɔ na Yesu Kristo lɛnyi kemmo nnii vi lɛ-nwu lɛlɔ!” Na kɔnakunwi ni, kɔyu kukpidi kɔmɛni kɔ́vi kɔ́lɛ-nwu lɛlɔ kemmo!

Luka 9:42

Ka ɔnamu ɔmmɔ ɔ́si ɔdubo ni, anwu kani na kɔyu kɔmmɔ kúbo-nwu kɔ́va kalɔ na ɔ́sinsi. Amu na Yesu ɔ́bɔku kɔyu kukpidi kɔmmɔ na ɔ́bwi ɔnamu ɔmmɔ, na ɔ́sɔku-nwu úte ɔti.

Marko 9:15

Ka bekyuli bammɔ ƒui bánu ka Yesu ɔdubo ni, ɔ́bla-ma yaa, na békeli bátasiaku-nwu na bakya-nwu kenye.

Mateo 17:18

Amu na Yesu ɔ́bɔku kɔyu kukpidi kɔni nli ɔnamu ɔmmɔ lɛlɔ kemmo na kɔ́lɛ! Na ɔlɛ ɔmmɔ ɔ́ba-nwu kɔnakunwi.

Yuda 1:9

Na Katɔti ɔtu unengudi ɔni ndi Mikael muedi ka kadɔ kéduo anwu ku Satan ntɛ na baakya unyeƒi na Mose ɔlɔna lɛlɔ ni, úteti anwu ɔlati kenyekɔ ɔyikun útabɔku Satan. Mmomu ɔ́su ɔnini, “Blɔti ɔbɔku-ɔ!”

Luka 11:14

Uwi ɔdi ni, Yesu ɔkya ɔɔgyá kɔyu kɔdi na kulákana butemi. Amu ka kɔyu kɔmmɔ kɔ́vi kɔ́lɛ ukyuli ɔmmɔ lɛlɔ kemmo ni, ukyuli ɔmmɔ úse kalɔ ku butemi. Ɔmɛni ɔ́bla bekyuli bani nnye mmɔ dɛye dɛye.

Luka 8:29

Ukyuli ɔmmɔ ɔ́su ɔmɛni, ɔsika Yesu ɔ́bɔku kɔyu kɔni nlie-nwu lɛlɔ mmɔ, na ɔ́su-ku ɔnii, “Vi lɛ-nwu lɛlɔ kemmo!” Uwi pii kɔyu kɔmmɔ kɔɔdi ukyuli ɔmmɔ lɛlɔ ɔni na si ina bényimi-nwu enu na bébo-nwu kɔgba muedi ni, ɔɔƒɛ abuala ammɔ na kɔyu kɔmmɔ kuukeliku-nwu taatákya ketele kemmo.

Luka 4:41

Ayu ekpidi lidu pii lɛnɔ lɛ́vi lɛ́lɛ bekyuli kemmo na baava taasu banii, “Awɔ ndi Katɔti Ubidi!” Nsu Yesu ɔ́bala ayu ekpidi ammɔ na útete-ma ulu ka basu lɛla lɛdi, ɔsika báti ka anwu ndi Ukyuli Ɔƒunadi ɔmmɔ.

Luka 4:35

Amu na Yesu ɔ́bɔku kɔyu kɔmmɔ ɔnini, “Ba lɛsɛ! Na avi alɛ ukyuli ɔmmɔ lɛlɔ kemmo!” Amu na kɔyu kukpidi kɔmmɔ kúƒwimi ukyuli ɔmmɔ ɔ́ƒiɛmi kalɔ na bana anumi, na kɔ́vi kɔ́lɛ-nwu lɛlɔ kemmo kɔ́tɔlɔ. Nsu ukyuli ɔmmɔ útaƒɔ ɔlɛ ɔdi.

Sakaria 3:2

Nsu Unwoti ɔ́su-nwu ɔnini, “Satan, awɔ ɔdi mmomu nátatɛ. Mina ɔma unengudi ɔƒunadi ndi Yerusalem. Na ukyuli ɔmɛni ni, budie na bédie-nwu aani ugyii bálɛku ogya livongu kemmo.”

Mateo 12:22

Amu na bekyuli badi béti ɔnana ɔdi ɔni na kɔyu kukpidi kuukpóku-nwu na ulákana bɔnu iye ulétemi béboku Yesu kudɔ. Na Yesu ɔ́bɔku kɔyu kɔmmɔ na ɔlɛne ɔmmɔ ɔ́kana na uutemi na ɔɔnu lɛnɔ.

Marko 9:24

Kɔnakunwi ni, ubi ɔti ɔmmɔ ɔ́va momoomo ɔ́su ɔnini, “Mbo bɔƒɔtaadi, nsu buuumomo. Bunku-mi na lɛkɛ bɔƒɔtaadi libu!”

Marko 9:26

Kɔyu kɔmɛni kɔ́va momoomo, na kúdi ɔnamu ɔmɛni kúbo kalɔ na kɔ́lɛ-nwu lɛlɔ kemmo kɔ́tɔlɔ. Ɔnamu ɔmɛni ɔ́tɛ mmɔ aani si bukpi na úkpi. Na ukyuli biala ɔni nnye mmɔ ɔɔsu ɔnini, “Úkpi!”