Marko 9:24 - Katɔti Ɔku Kedee

²⁴ Kɔnakunwi ni, ubi ɔti ɔmmɔ ɔ́va momoomo ɔ́su ɔnini, “Mbo bɔƒɔtaadi, nsu buuumomo. Bunku-mi na lɛkɛ bɔƒɔtaadi libu!”

Marko 9:24 Referans Kwoze

Luka 17:5

Yesu batalane bévele Yesu banii, “Blɔti, ya na bula bɔƒɔtaadi bumomo bubu.”

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Eƒesoƒuɔ 2:8

Ɔsika Katɔti lɛƒɔndia ɔsu na bɛ́kɛ ngba bɔƒɔ. Na útasi amii alati kudɔ. Mmomu ɔ́si Katɔti bɔƒɔtaadi litela lɛni na úte-mii ɔsu.

Tesalonikaƒuɔ 2 1:11

Ɔmɛni ɔsu na bɔɔkpali katɔ na bina lili uwi ndi uwi. Na buuvele bula Katɔti bɔnii bina ɔbladu ɔmanku bɔlɔ bɔni na ɔ́lɔ-mii. Na nwuna ɔyikun ubunku-mii na ɔkya bina kasusu buni biala ogya kalɛ na lɛla biala lɛni na bɛdubɔbla na anwu ɔsu lɛtɛ.

Tesalonikaƒuɔ 2 1:3

Banwa, bɔda Katɔti enugya kayu uwi ƒui na amii ɔsu. Na ɔdia ka butaaƒɔ-ka, ɔsika bina bɔƒɔtaadi bɔɔkɔ́ katɔ, na bina lɛlɔ bɔyɔ lɛnɔ buusié anumi teebu ɔsu. Ɔmɛni ɔsu na bɔɔlɔ-mii lɛnyi buni na Katɔti baƒɔtaadine akɔ.

Ƒilipiƒuɔ 1:29

Na úte-mii kuƒi ka bimwi Kristo, na ɔɔɔdi ka bɛƒɔ-nwu bɛdi ɔsu kani na ɔ́sa. Mmomu ɔdi ka amii lɛnɔ bibo abi na anwu ɔsu.

Kɔgya 126:5

Ɔsika bekyuli bani nákya edula ku lɛbibo ku keku ni, ama mɔɔƒɛ ku ebiti ku lɛma.

Korintoƒuɔ 2 2:4

Sɔsɔ ni, ɔku ɔni na línweni-mii mmɔ ni, línweni-nwu na kayi ɔlɛ bunu ku enuƒɛ ku keku buwulo kemmo. Na ɔɔɔdi ka mɔɔwia nnii amii lɛnɔ binu ɔlɛ ɔdi, mmomu kalɛ na bɛnu bɛti ka mɔɔyɔ́-mii geen ɔsu.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Batalane Kabla 10:31

Ɔ́su-mi ɔnini, ‘Kornelio, ƒula lɛƒɔndia ku ƒula katɔ bɔkpali ƒui uudú Katɔti kudɔ! Na ɔƒaani ni, tala bekyuli badi na besie Yopa na batálɔ Simon Petro ɔni nli Simon ɔni mɔɔbla bebuo lɛku kabla na uli ɛpu kudɔ.’

Yeremia 14:17

“Yeremia, sie na atásu-ma ala amɛni ƒui ku kalɛ na ƒula lɛlɔ kemmo kaabla-a taasiku ala amɛni lɛlɔ.” Anwuɔsu lɛ́su-ma nnini, “Imii bɔdubɔƒɔ-mi anumi usien ku ɔƒɛ, ɔsika mina kadi bekyuli badubo ɔlɛ ukpidi bɔƒɔ ɔni ndubo-ma bɔdu.

Timoteo 2 1:4

Na mɔɔkali taanu ƒula keku kani na éwulo na mɔɔwia geen ka lɛnu-ɔ kalɛ na ebiti ada-mi.

Luka 7:44

Mmɔ na Yesu únwini útánu uleku ɔmmɔ na ɔ́su Simon ɔnini, “Aanu uleku ɔmɛni? Ka líbo-ɔ kudɔ ni, étete-mi ntu anii nƒɔ lɛgba. Nsu uleku ɔmɛni úti nwuna imii ɔ́ƒɔ-mi lɛgba, na úti nwuna lili linwini úni-ni.

Luka 7:38

Úbenye Yesu kudɔ na uuwulo teewi-nwu lɛgba lɛlɔ. Na uleku ɔmmɔ úti nwuna lili linwini úni imii bɔni néwi Yesu lɛgba mmɔ, na ɔ́dada-nwu lɛgba. Na úti nnɔmii bɔmmɔ úwi Yesu lɛgba lɛnɔ.

Kɔgya 39:12

“Nu-mi buvele, O Unwoti, na abla ete-mi na keku kani muuwulo taakya-a ɔsu. Tetile atu na mina mmii pii bɔmɛni kama. Ɔsika nse aani ƒula ɔƒɔ ɔni nálɛlɛ-ɔ aani mina bati kuuku kalɛ kani.

Baga 2 20:5

“Sɔ nwini sie Hesekia, mina kadi bekyuli ɔtɔnkune kudɔ na asu-nwu anii, ‘Lɛni na Unwoti, ƒula ɔti Dawid Katɔti, ɔɔsu. Línu ƒula bɔkpali ku keku kani na éwulo ku imii, na ndubo-ɔ bɔbwi. Ɔ́si ɔmwi útédu limeyi lɛtɛdi lɛlɔ ni, adubo bɔta busie Unwoti kakpakɔ.

Samuel 2 16:12

Ɔƒɛni kalɛ Unwoti ɔdubɔnu-mina lɛbibo na uti lɛbuni ɔƒɔ-mi kayu na ewida ammɔ kenye.”

Hebriƒuɔ 12:17

Na ɔmmɔ kama aani kalɛ na bɛgyi ni, uwi ɔni na ɔɔwia ka ɔti use-nwu kama ku kusɛ kusɛ ni, úni-nwu. Na Esau ɔ́sɔ útakana lɛla lɛni na ɔ́bla bɔvumana ina ka ɔ́wia kusɛ kusɛ ɔmmɔ ku keku.

Batalane Kabla 10:19

Amu na ɔni na Petro ulie ɔɔkali nwuna budie bɔtina bɔmɛni lɛlɔ na ulati lɛla lɛni na lɛdi ni, Katɔti Kɔyu kɔ́su-nwu kɔnini, “Nkyuli ɛtɛ bébo baawia-a.

Marko 9:23

Yesu ɔ́su-nwu ɔnini, “Bi ɔsu na aasu-mi anii si makana? Lɛla lɛdi liiibo ɔkplu liite ukyuli ɔni náƒɔ-mi ɔ́di.”

Marko 9:25

Amu na uwi ɔni na Yesu ɔ́nu ka bekyuli pii bammɔ baaní teede-ma ni, útemi úte kɔyu kɔmɛni ɔnini, “Kɔyu kukpidi kɔni neeenu na kulétemi, mɔɔsu-ɔ ka vi lɛ ɔnamu ɔmɛni lɛlɔ kemmo, na sɔ teduo-nwu lɛlɔ kemmo kudi kudii lɛnɔ!”