Marko 9:23 - Katɔti Ɔku Kedee

²³ Yesu ɔ́su-nwu ɔnini, “Bi ɔsu na aasu-mi anii si makana? Lɛla lɛdi liiibo ɔkplu liite ukyuli ɔni náƒɔ-mi ɔ́di.”

Marko 9:23 Referans Kwoze

Yohane 11:40

Amu na Yesu ɔ́su Marta ɔnini, “Ńtasu-ɔ nnii si áƒɔ-mi ádi ni, adubɔnu ɔyikun ɔni na Katɔti ubo ati?”

Hebriƒuɔ 11:6

Na ukyuli ɔdi lɛlɔ liláda Katɔti kubiti si uuubo bɔƒɔtaadi. Ɔsika ukyuli biala ɔni muubo Katɔti kudɔ ni, ɔdi ka ɔƒɔ ɔdi ka Katɔti ɔkya na ɔɔƒɔ kayu buni teete bekyuli bani mɔɔwia-nwu kama ulu kpakplaa.

Marko 11:23

Mɔɔsu-mii geen ka ukyuli biala ɔni ndubɔsu kɔbi ɔnii kɔgyu na kutéduo ɛpu kemmo, na nwuna kayi kétetile-nwu ulu mmomu ɔ́ƒɔ ɔ́di ni, ɔdububo ute lɛni.

Mateo 17:20

Yesu údie kenye ɔnini, “Bina bɔƒɔtaadi na mina lɛlɔ bɔ́sɔ. Mɔɔsu-mii nwaa nnii si banii bibo bɔƒɔtaadi bɔni nse aani edula kebi kebliidi ƒui ni, nka bɛdubɔkana na bɛsu kɔbi kɔmɛni bɛnii, ‘Gyu mɛni, ténye ngye!’ Na kɔdubusie. Lɛla biala liiibo na bilakana bɔbla!

Ala Alɛdi 2 20:20

Amu na kadi kegye ɔtanta tutuutu uwi ɔni na ukyuli biala ɔdaku lɛlɔ bɔklibi ka bayu ulu beteesie kakɔ kakwiidi kani nde Tekoa mmɔ ni, Yehosaƒat ɔ́ta únye na ɔ́su ɔnini, “Banwa, binu! Si bula ƒui búti bula kɔyi bɔ́sia Unwoti lɛlɔ na bɔ́ƒɔ lɛla lɛni na kenye bediene básu-bu mmɔ bɔ́di ni, Unwoti ɔdubo-bu bubunku na bɔdi lɛlɔ.”

Luka 17:6

Amu na Blɔti ɔ́su-ma ɔnini, “Si bibo bɔƒɔtaadi na búdu aani lɛla lɛdi kebi kani nse blii suɛ ntulo ƒui ni, nka bɛdubɔkana na bɛsu kugyii kɔmɛni bɛnii, ‘Gyu likpo lɛmɛni na etéduo ɛpu kemmo ngye.’ Na kɔdubɔbla lɛni kani.

Batalane Kabla 14:9

Úlie mmɔ uunú litemi buni lɛni na Paulo unye ɔɔsu. Na ka Paulo ɔ́nu-nwu ɔ́ti kaduɛ ka ɔ́ƒɔ ɔ́di ka nwuna ɔlɛ ɔdubɔba-nwu ɔsu ni,

Marko 9:22

Uwi pii kɔyu kɔmɛni kɔɔkya ɔkplu ka nka kɔdu-nwu. Si úbo lɛni ni, kɔɔyá na uubuli teeduo ogya iye ntu kemmo. Buvele, nu-bu kɔnyana na ebunku-bu si ɔdi lɛla lɛni na akana bɔbla!”

Marko 9:24

Kɔnakunwi ni, ubi ɔti ɔmmɔ ɔ́va momoomo ɔ́su ɔnini, “Mbo bɔƒɔtaadi, nsu buuumomo. Bunku-mi na lɛkɛ bɔƒɔtaadi libu!”

Mateo 14:29

Amu na Yesu ɔ́su-nwu ɔnini, “Bo!” Na Petro ɔ́lɛ ɔkɔlɔ ɔmmɔ kemmo na ɔkɛ ntu bɔmmɔ anumi úsela Yesu kudɔ.