Marko 9:2 - Katɔti Ɔku Kedee

² Emeyi aku kama ni, Yesu útiku Petro ku Yakobo ku Yohane úsienku kɔbi kɔdi lili. Na ama lɛti pɛ bésie bakya. Ka batɛyane bammɔ baanu ni, kavumana kadi kébo Yesu lɛlɔ!

Marko 9:2 Referans Kwoze

Yesaia 33:17

Amii alati bɛdubɔnu Ɔga ɔni muukeye mmɔ, ku kalɛ na nwuna lɛga kadikɔ kadubo bɔbɛbɛ busie amadɔ ku ɔgyu kakaaka.

Marko 5:37

Amu na Yesu útiku Petro ku Yakobo ku ɔnwani Yohane lɛti pɛ na bátɔlɔ bésie mmɔ.

Marko 14:33

Amu na útiku Petro ku Yakobo ku Yohane ɔ́da. Na ka kayi keekpóku-nwu na lɛla lɛni ndubo-nwu lɛlɔ ɔsu ni,

Israelƒuɔ Bɔlɛ 24:13

Mmɔ na Mose ku nwuna ubunkune Yosua báyu ulu na Mose ɔ́kɔ úsie Katɔti kɔbi lili mmɔ.

Korintoƒuɔ 2 13:1

Ɔmɛni ndi kɔtɛdi kɔni na ndubo-mii kudɔ mbanu-mii. Na Bunweni Kedee Ɔku kemmo ni, bénweni banini, “Ɔdi ka nkyuli inyɔ iye ɛtɛ benye-nwu litemi kama.”

Yesaia 53:2

Unwoti kabla ɔblane ɔmɛni ɔɔlɛ́ lili na Unwoti anumi aani kugyii kebi kani nákwɛ na keedie evete iye kugyii ugyitu ɔni muutulo taalɛ kalɔ kakwiidi kemmo. Na ɔɔɔdi ɔga ɔni mɔɔdia bekyuli bɔnu. Nwuna lɛla lɛdi liiise ɔni basu banii ani mɔɔda bekyuli kayi.

Baga 1 18:42

Ɔmmɔ ɔsu Ahab ɔ́tɔlɔ úsie kaduli na útáwia lɛla lɛdi ɔ́di na ɔ́ni. Nsu Elia ɔ́kɔ úsie Karmel Kɔbi lili. Na mmɔ ni, Elia úbo kalɔ na úti nwuna kuli ɔ́kya nwuna lɛgba akɔ.

Budie Taatina 20:11

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.

Marko 16:12

Ɔmɛni kama ni, Yesu údie lɛlɔ ɔ́tina batɛyane inyɔ ka bakɛ ulu. Bátanu-nwu bátati na kalɔ kesekɔ.

Ƒilipiƒuɔ 3:21

Na ɔdubɔvumana bula kayawi ɔlɔna kpɛtɛ kpɛtɛ ɔmɛni na ɔbla-nwu aani nwuna ɔlɔna ɔni muukeye mmɔ kalɛ ɔkɛnku ɔyikun ɔni na ubo na ɔɔyá na lɛla biala liiboku lɛlɔ kalɔ teete-nwu kenye.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Luka 6:12

Uwi ɔmmɔ kemmo ni, Yesu ɔ́tɔlɔ úsie kɔbi lɛlɔ. Na ɔkya ɔɔkpali katɔ usien ɔmmɔ ƒui.

Mateo 14:13

Uwi ɔni na Yesu únu ka bádu Yohane ni, úti ɔkɔlɔ na ɔ́tɔlɔ úsie kesii kani nábɛ. Nsu ka bekyuli bénu kesii kani na ɔkya ni, bana pii bási bana lɛma kemmo bakɛ lɛgba bátasiaku-nwu na mmɔ.

Baga 1 18:33

Na úti ekyweni ammɔ ɔ́tɛ ɔ́sia lɛkpabi lɛmmɔ lɛlɔ. Na ɔ́du ɔmantɛ akɔ ɔmmɔ na úkulo-nwu eku eku ɔ́sia ekyweni ammɔ lɛlɔ. Na ɔ́su bekyuli bammɔ ɔnini, “Biti alɔkumbui ene na bidu ntu biyile-nya kemmo. Na biti biwi lɛna ku ekyweni ammɔ lɛlɔ.” Na ama lɛnɔ bábla lɛni.