Marko 9:19 - Katɔti Ɔku Kedee

¹⁹ Amu na Yesu ɔ́su-ma ɔnini, “Eei! Ɔmwi keyi kamɛni bekyuli, bina bɔƒɔtaadi bɔ́sɔ! Uwi ɛlɛ na ɔlɛka lɛkya-mii kudɔ ntédu asa na bɛƒɔ bɛdi? Munuu uwi ɔmani na ndubɔda-mii asa na binu ala kalɔ? Biti ɔnamu ɔmmɔ biboku-mi!”

Marko 9:19 Referans Kwoze

Bumomo Bɔka 14:11

Amu na Unwoti úye Mose ɔnini, “Na akɔla ala lidu lidu lɛni na lɛ́bla na bekyuli bamɛni anumi kama ni, uwi ɛlɛ na badubuni-mi bétédu, na baláƒɔ-mi baladi, na bataata teenye taanu-mi anumi lɛni?

Yohane 20:27

Amu na ɔ́su Toma ɔnini, “Bo, na ebeti ƒula lɛnimi akya mɛni. Na anu mina enu. Na eti ƒula kɔnu akya-mi ɔƒɛnyi. Na ada ƒula taƒɔ tadi aya. Na aƒɔ adi ɔƒɛni kani!”

Marko 16:14

Kukplodi ni, Yesu údie lɛlɔ ɔ́tina nwuna batɛyane leevu-unwi uwi ɔni na belie baadi. Nsu ɔ́dɔnku-ma ɔsika beeebo bɔƒɔtaadi, na bábla atu ɔkplu bágya, na bátaƒɔ bekyuli bani nánu-nwu ka ɔ́ta ɔ́sɔ úbo uli ngba bátadi.

Bumomo Bɔka 14:27

“Uwi ɛlɛ geen na bekyuli bekpidi bamɛni badubunye bataadɔ bana lɛlɔ kemmo kalɔ kalɔ na mina lɛlɔ betédu? Línu ala ani na benye baaká taadɔnku-mi.

Luka 24:25

Amu na Yesu ɔ́su-ma ɔnini, “Bɛ́dɔlɔ! Na bina bɔƒɔtaadi na ala ani na Katɔti kenye bediene básu-mii lɛlɔ bɔba!

Luka 9:41

Amu na Yesu ɔ́su-ma ɔnini, “Amii, ɔmwi limeyi bekyuli, bi ɔsu na bilaƒɔ-mi taadi na bɛɛyu atu ɔkplu? Uwi ɛlɛ sɔɔn na ndubɔkɛku-mii kayi? Na uwi ɔmani na ndubɔda-mii ntálɛ?” Amu na ɔ́su ɔnana ɔmmɔ ɔnini, “Ti ƒ'ubidi boku mɛni.”

Mateo 17:17

Amu na Yesu údie kenye ɔnini, “Amii, ɔmwi limeyi bekyuli, bi ɔsu na bilaƒɔ-mi taadi na bɛɛyu atu ɔkplu? Uwi ɛlɛ sɔɔn na ndubɔkɛku-mii kayi? Naaakana na makya-mii kudɔ uwi biala! Biti ɔnamu ɔmmɔ biboku-mi mɛni!”

Lɛkpa Ulu 32:20

Na ɔ́su ɔnii ɔsɔ ulebunku-ma lɛnɔ. Na ɔdubunye bɔnu lɛla lɛni malɛku-ma. “Bekyuli bamɛni báyii ulu na bana ablala eeese siin.

Bumomo Bɔka 14:22

bekyuli bani nánu mina bukeye na bánu mina akɔla búdie taatina lidu lidu lɛni lɛ́bla na Egyipte kalɔ lɛlɔ ku ketele kalɔ kakwiidi kemmo, nsu báta benye mina litemi lɛlɔ na bákɔku-mi bánu leevu sɔɔn ni,

Yohane 12:27

“Ɔƒɛni ni, kayi keekpóku-mi. Nsu bi na ɔlɛka lɛsu? Bɔsu na lɛsu nnii, ‘Ati, taya na lɛbibo lɛmɛni udu lɛsiaku-mi’? Oowo! Ɔmmɔ ɔsu geen na líbo kalɔ kamɛni lɛlɔ kalɛ na libo abi amɛni udu.

Kɔgya 78:22

Na ɔmɛni úbo lɛni, ɔsika bátaƒɔ-nwu bátadi na béteti kayi bátasia-nwu lɛlɔ lɛnɔ ka ɔdubɔkana na ɔƒɔ-ma ɔsu.

Marko 9:18

Uwi biala si kɔyu kɔmɛni kuukpóku-nwu ni, na kuubó-nwu kɔva kalɔ, na avlɔvɔ aalɛ́-nwu kenye, na ɔɔdu anyi, na nwuna lɛlɔ ƒui lɛɛsinsi. Amu na líti-nwu líboku ƒula batɛyane nnii babwi-nwu, nsu bátakana.”

Marko 9:20

Amu na béti-nwu béboku Yesu. Na ka kɔyu kɔmɛni kɔ́nya kɔ́nu Yesu ni, kɔ́kunku ɔnamu ɔmmɔ na kɔ́ya na úbuli ɔ́tɛ kalɔ uubó teeminime, na avlɔvɔ aalɛ́-nwu kenye.