Marko 8:33 - Katɔti Ɔku Kedee

³³ Nsu ka Yesu úbo únwini na ɔ́nu nwuna batɛyane ni, ɔ́dɔnku Petro ɔnini, “Satan, gyu lɛgba na mina kudɔ!” Ɔ́sɔ ɔ́su ɔnini, “Aláwia ala ani na Katɔti ɔɔwia, mmomu aawia bayawine ayɔla kani!”

Marko 8:33 Referans Kwoze

Mateo 4:10

Amu na Yesu údie kenye ɔnini, “Satan, gyu-mi lɛlɔ! Bunweni Kedee Ɔku ɔ́su ɔnii, ‘Ƒula Unwoti Katɔti kani na ɔlɛka alɛ akɔnkɔ emwi.’ ”

Yohane 1 2:15

Bitayɔ kayawi ku kana lɛlɔ ala ani náta énye Katɔti lɛlɔ. Ɔsika ukyuli ɔni mɔɔyɔ́ kayawi lɛni ni, ulayɔ Katɔti geen.

Ƒilipiƒuɔ 3:19

Na ɔdubɔwɔlɔku-ma na bakywi na lɛgyavonku kemmo. Ɔsika bana kaƒɔ kani na beemwi. Na baatina lɛlɔ na ala ani na nka ɔlɛka ekpo-ma kɔƒa lɛlɔ. Na kayawi ala lɛlɔ kasusu kani na beeti.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.

Kɔgya 141:5

Taya na lini ka ukyuli ɔni nse siin ɔni-mi kɔtu iye ɔdɔnku-mi. Ɔsika ɔmmɔ ɔdubunwini lɛƒɔndia mmomu ute-mi. Taya na lɛƒɔ bumwi bɔdi lɛsiku bekyuli bekpidi kudɔ aani kalɛ na beewi ukyuli lili nnɔmii, ɔsika mɔɔkpali katɔ uwi biala nnii utatɛ utete bekyuli bani mbo likyulikpi.

Petro 1 4:1

Na ɔ́si ɔni na Kristo úbo abi na ɔlɔna kemmo na bula lili ɔsu ni, amii lɛnɔ bɛda lɛlɔ bise na biti kasusu kammɔ udu kani bɛda. Ɔsika ukyuli ɔni muubó abi na ɔlɔna kemmo ni, ɔɔɔda likpidi bɔbla taaya.

Timoteo 1 5:20

Na bekyuli bani nli nte ekpidi bɔbla ni, ɔlɛka edie alɛ-ma na adɔnku-ma na baƒɔtaadine ƒui anumi. Na ɔmɛni ɔdubɔkya bakladi liƒu.

Korintoƒuɔ 1 5:5

Ɔdi ka bɛnyonu ukyuli ɔmmɔ bite Satan na nwuna ɔyikun ususu-nwu ɔlɔna. Na ina úkpi muedi ni, ukyuli ɔmmɔ kɔyu kɔkɛ bɔƒɔ na limeyi lɛni lɛlɔ na Yesu watɛku kayawi bekyuli ƒui litemi.

Luka 22:61

Mmɔ na Blɔti únwini na ɔ́nu Petro ɔnusɛ. Amu na Petro únyimo ka Blɔti ɔ́su-nwu ɔnini, “Asa na akɔkɔ wete kenye usien ɔmɛni ni, adubɔsu kɔtɛ ƒui ka aaagyi-mi.”

Marko 3:34

Amu na únwini ɔ́nu bekyuli bani nlie bámana-nwu mmɔ na ɔ́su ɔnii, “Bɛnu, bamɛni ndi mina uni iye mina banwani!

Marko 3:5

Yesu únwini ɔ́nu bana ƒui na kɔnyi kemmo, ɔsika livo líƒi-nwu na bana ukyulikpana kebunku tete ɔsu. Amu na ɔ́su ɔlɛne ɔmɛni ɔnii, “Nene kɔnu boku.” Únene kɔnu. Na kɔnakunwi ni, nwuna kɔnu kɔ́ba-nwu.

Mateo 15:23

Nsu Yesu útakpete-nwu. Amu na nwuna batɛyane bébo bábasu-nwu banini, “Bɔku-nwu, ɔsika ɔsiaku-bu uutile-bu atu.”

Samuel 2 19:22

Mmɔ na Ɔga Dawid údie kenye ɔnini, “Ami ku amii Seruia bebi ni, buuuse likeke na ulu biala lɛlɔ. Na ɔmwi ni, bínwini mina bekisine! Bi ɔsu na ɔlɛka badu ukyuli ɔdi na Israel kalɔ kemmo ɔmwi? Ɔmwi ni, ngyi nwaa ka ami ndi Israelƒuɔ ƒui ɔga.”

Lewiƒuɔ Ɔda Bubo 19:17

“ ‘Ɔdi uteti ɔnwani litemi utakya kayi kemmo na uteekisi-nwu. Dɔnku ƒula ɔkpana ulu lɛlɔ nwaa kalɛ na nwuna likpidi lɛdi lilasia-a lɛlɔ.

Tito 1:13

Lɛla lɛni na kenye udiene ɔmmɔ ɔ́su ɔdi sɔsɔ. Anwuɔsu bɔku-ma na bada udu ɔmɛni baya kalɛ na bakɛ bɔƒɔtaadi geen bɔmmɔ.

Luka 9:55

Mmɔ na Yesu únwini na ɔ́dɔnku-ma, na ɔ́su ɔnini, “Bilenu Kɔyu kɔni mɔɔdi-mii lɛlɔ kalɔ! Ami, Ukyuli Ɔyawine Ubi, ńtebo nnii mbakyula bekyuli, mmomu líbo nnii mbaƒɔ-ma ngba.”

Luka 4:8

Amu na Yesu ɔ́su-nwu ɔnini, “Bunweni Kedee Ɔku ɔɔsu ka ni, ‘Unwoti Katɔti lɛti pɛ kani na ukyuli ɔdubumwi na ɔbla-nwu kabla.’ ”

Hiob 2:10

Mmɔ na Hiob údie kenye ɔnini, “Bi ɔsu na aatɛmi aani uleku ɔdɔlɔdi? Uwi ɔni na Unwoti úte-bu ala abuni ni, bɔ́ƒɔ-nya. Na si ɔƒaani anwu úte-bu lɛbibo ni, útalɛka bɔƒɔ ɔmmɔ lɛnɔ?” Na ɔmɛni kemmo ƒui ni, Hiob útasu lɛla lɛdi na ɔƒiɔ Unwoti.

Mateo 16:23

Yesu únwini kɔnakunwi ɔ́su Petro ɔnini, “Satan! Gyu tɔlɔ-mi lɛlɔ! Éti lɛlɔ eenwíni ukisine na mina lɛlɔ. Aayɔ́ akpanku-mi atákya likpidi kemmo! Kasusu kani na éti mɛni kátasi Katɔti kudɔ. Mmomu bekyuli kasusu kadi.”