Marko 8:24 - Katɔti Ɔku Kedee

²⁴ Amu na ukyuli ɔmɛni ɔ́talaku anumi ɔ́nu katɔ na ɔ́su ɔnini, “Ɛɛn, mɔɔnu bekyuli, nsu bese aani egyii. Nsu akɛ eesié taavi.”

Marko 8:24 Referans Kwoze

Yesaia 32:3

Na ukyuli biala na ubo anumi ɔdubo-nya bubimi na ɔnu, na bani na bebo atu lɛnɔ badubuse atu na benu.

Yesaia 29:18

Na uwi ɔmmɔ kemmo ni, batutine muedi badubo buteenu ala ani na baaká teete-ma taasiku ɔku ɔdi kemmo. Na ɔbla banumbwɛne nwaa ɔni na ɔsɔ ulése-ma suu aani lɛdisa kemmo na bakya.

Litemi Batɛne 9:36

Na ka Gaal ɔ́nu-ma ni, ɔ́su Sebul ɔnini, “Nu! Bekyuli békeli usi bási abi eli badubo.” Amu na Sebul údie kenye ɔnini, “Ɔɔɔdi bekyuli badi, mmomu abi ɔyuli na ɔdi.”

Marko 8:23

Yesu ɔ́da ukyuli ɔmmɔ kɔnu na útiku-nwu ɔ́lɛku ɔma kemmo. Ka útuo lisuo úwi ukyuli ɔmmɔ anumi lɛlɔ na úti enu ɔ́sia-nwu lɛlɔ ni, úye-nwu ɔnini, “Aanu lɛla lɛdi?”

Marko 8:25

Amu na Yesu ɔ́sɔ útuku-nwu anumi. Uwi unyɔdi ɔmɛni kemmo ni, ukyuli ɔmmɔ úbimi anumi kaduɛ na nwuna anumi ábla-nwu nwaa na ɔɔnu lɛla biala kaduɛ!