Marko 7:23 - Katɔti Ɔku Kedee

²³ Ala ekpidi amɛni ƒui ási ukyuli lɛlɔ kemmo na aayá na uusé lɛlɔ.”

Marko 7:23 Referans Kwoze

Marko 7:15

Lɛla biala lɛni na ukyuli ɔ́di na líduo-nwu lɛlɔ kemmo ni, lilaya na uusé lɛlɔ na Katɔti anumi.

Tito 1:15

Lɛla biala lise kedee lite bekyuli bani alati nse kedee. Nsu bekyuli bani ndi bekyuli bekpidi na balaƒɔ taadi ni, lɛla biala liiise kedee, ɔsika bana kasusu kemmo kéyi ku ala ekpidi, na basɔ balanu lɛbuni ku likpidi taati.

Korintoƒuɔ 1 3:17

Ɔsika Katɔti kakpakɔ kese kedee, na amii ndi nwuna kakpakɔ kammɔ. Anwuɔsu si ɔdi úgyingya Katɔti kakpakɔ kammɔ ni, Katɔti ɔdubɔyila-nwu udu.

Yuda 1:8

Lɛni kani na ala ani na bekyuli bekpidi bani na bébeduo-mii akɔ baanu na ana ani na baatɛ teegye kemmo ni, áya na baabla alaekpidi ani mɔɔyá bana ɔlɔna uusé lɛlɔ. Báta bénye Katɔti lɛlɔ na baatɛmi enyekpi na bagadine lɛlɔ.

Marko 7:18

Yesu ɔ́su-ma ɔnini, “Si bítenu litemi lɛmɛni kalɔ ni, na bina kasusu kalákana ala buƒie! Use nwaa ka lɛla biala lɛni muuduo ukyuli lɛlɔ kemmo ni, lilaya na ukyuli uusé lɛlɔ. Ɔsika líteduo-nwu kayi kemmo.

Marko 7:20

Na ɔ́sɔ úsie anumi na ɔ́su ɔnini, “Lɛla lɛni nálɛ ukyuli kayi kemmo ni, ani mɔɔyá na uusé lɛlɔ.

Marko 7:22

ɔdivo ku kasusu kekpidi buti ku ɔkɔ bɔnyi ku ɔlɔna ala ɔkwɛ bɔda bɔni muukpó kɔƒa ku lɛnungyie na bekyuli bamba ala lɛlɔ ku linyeda ku lɛlɔ bɔtina ku kɔdɔlɔ.

Marko 7:24

Ɔmɛni kama ni, Yesu ɔ́tɔlɔ úsie kalɔ kani nde ɔma ɔni baalɔ Tiro kemmo. Úsie kaduli kadi na útayɔ ka ukyuli ɔdi ɔti ka ɔkya mmɔ, nsu útakana bɔbɛ.